Hebreu 10:3 - ꞌRe Ihâimana Uꞌâsi Mono Zadawa Wasuꞌu

^3-4 Tane nherẽ, powawẽ iba'õmo wapru hã duré pone'ẽrebâi wapru hã dawasédé hã te te dama 're pari uptabi za'ra mono õ di. Taré te za danhimizama hã wahub sidâpâsi dasi'udâna 'Re ihâimana u'âsi mono ma, da te 're isimroi mono zéb zarina, ãma 're dasipo're pu'u u'âsi za'ra, dawasété na 're dahâimana za'ra mono wa.

Hebreu 10:3 ပူးပေါင်းရင်းမြစ်များ

Mateu 26:28

à hã ĩwapru, te wasu'u. Rob'rãi wa'u za'wari ne, te za ĩwapru hã ĩwi asa'wa, da'ahâ zada ĩdâ'â wamhã, 'Re ihâimana u'âsi mono hã dawasédé hã te te oto 're ab'madâ'â tõ mono da, da'ãma. à hã ĩwapru, ĩwi sisa'wari wamhã, 'Re ihâimana u'âsi mono hã tinhib'a'uwẽ ma, te te tãma iropisutuzé hã tô sena za te te tãma ãma 're i'uwaimrami mono zé, te wasu'u.

Zuwã 2:17

Tahawa, isiré 're inomro mono norĩ hã ma tô ãma tipo're pu'u za'ra, 'Re ihâimana u'âsi mono zadawa wasu'u'wai mreme ui'éré iwazéb zahi na. Ãne duréihã ma tô wahi'rada hã tinha, 'Re ihâimana u'âsi mono ma: “Asadawa wasu'uzé 'ri hã ĩma sawi uptabi di, unhama ro'o ne ĩpẽ'ẽ 'rem hã.”

Hebreu 9:7

Tane nherẽ, sasedoti norĩ nhib'apito, tisiré norĩ nhipai u ipire uptabi si ma tô maparane ãma 'ri 're wa'wa u 're zasi, 'Re ihâimana u'âsi mono te hã, danhipai u iwẽ uptabi hã iwa 're isãmra mono zéb u hã. Wahub sidâpâsi ma tô misi haré 're zasi. Tamomo 're zasi mono wamhã, danhimizama waprui ré, te 're zasi, dawasédé za te te ãma dama 're ipari mono zéb ré, ta hã 'Re ihâimana u'âsi mono ma, te te tãma 're sõmri mono da, si'udâna, duré da'udâna zama, da te dasina 're waihu'u za'ra mono õ nherẽ, dawasédé da te 're i'manharĩ za'ra mono zé, za te te dama ãma 're ipari mono zéb da hã.