Hebreu 1:8 - ꞌRe Ihâimana Uꞌâsi Mono Zadawa Wasuꞌu

⁸ Tazahã, i'ra si dama pire uptabi na 're ihâimana mono zém na ma tô rowasu'u 'Re ihâimana u'âsi mono hã, ãne: “A hã Ropoto'wa. Da'ãma 're asib'a'uwẽ mono zé hã aiwi 're si'utõrĩ mono õ di za. Te za tô aima 're hâimana u'âsi. Duré marĩ na 're upai mono ãna, te za 're ida'ab'madâ'â u'âsi mo.

Hebreu 1:8 ပူးပေါင်းရင်းမြစ်များ

Salmu 72:7

Apito 're sa mono ré, sena na 're inomro wẽ mono norĩ tihâimanazém na te te sina 're ihâimo za'ra mono da si. Duré a'amo, wahup sidâpâsi te te 're irob'uiwẽ hâ u'âsi mono ne, rowẽzé isa'ẽne dama 're ihâimana mono da si!

Zuwã 10:30

Wa norĩ hã aiwa wawaihu'u pese di, Ĩmama me.

Zuwã 10:33

Tawamhã asa te tãma nharĩ za'ra, ãne: — 'Re da'apawapto mono wa, wa te wasiwi aiwĩrĩ õ di za. Aimreme wasété wa, wa za wasiwi aiwĩrĩ ni. Ti'ai ãma aipoto nherẽ, 'Re ihâimana u'âsi mono me, aiwa aiwaihu'u pese aba na asiwasu'u wa, wa za wasiwi aiwĩrĩ ni, aimreme wasétére wa.

Zuwã 20:28

Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.

Roma 9:5

Wahi'rata norĩ nhihudu uptabi, te ta norĩ hã 're hâimana za'ra, dama ipire uptabi za'ra norĩ nhihudu. Cristu hã zudeu hâiba na, ma tô podo, ti'ai ãma. Cristu hã ta hã, 'Re ihâimana u'âsi mono, uburé marĩ hã te te 're i'ab'madâ'â mono. Taha ãma uburé 're wawata u'âsi za'ra wa'aba mono. Tô sena, wa ãne na aima ãma rowasu'u za'ra wa'wa.

1 Timotiu 3:16

Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”

2 Pedru 1:11

Taha zarina, te za 'Re ihâimana u'âsi mono hã to sina te te 're ai'a'mazasi 'wa hâiwa u, Wanho'reptui'wa, Wanhib'apito Zezu Cristuhu u, Danhib'apito uptabi na dama 're ihâimana u'âsi mono u.

1 Zuwã 5:20

Ãne wa tô duré waihu'u za'ra ni. Zezusi hã, 'Re ihâimana u'âsi mono 'ra hã ma tô wei mo, ti'ai u. Ta hã ma tô tinhimiroti na te te 're wa'apawapto, 'Re ihâimana u'âsi mono hã tô sena uptabi hã wa te 're iwaihu'u pese za'ra mono zéb da hã. I'ra ãma, Zezu Cristuhu ãma 're wanomro mono wa, wa duré Imama ãma 're wanomro, tô sena uptabi 're ihâimana mono ãma. Zezusi hã, ta hã uburé Danhib'apito uptabi. Ta hã dapẽ'ẽ 're dadâ'â ãna 're idanomro u'âsi mono zé hã, te te dama 're i'apisutu mono. Ãne na wa tô wasiwi waihu'u pese za'ra ni.