Hebreu 1:6 - ꞌRe Ihâimana Uꞌâsi Mono Zadawa Wasuꞌu

⁶ Ãne te duré tinha, 'Re ihâimana u'âsi mono hã ti'ra hã ti'ai u za te te we isatõrĩzém na, da'ra hã dama 're ipoto 'rata za'ra mono ne, poto da: “Uburé hâiwa ãma 'Re ihâimana u'âsi mono ma, romhuri'wa norĩ hã za tô ãma 're iwata u'âsi za'ra mono da si, wa ti'ru.”

Hebreu 1:6 ပူးပေါင်းရင်းမြစ်များ

Mateu 24:14

'Re ihâimana u'âsi mono, da'ãma 're isib'a'uwẽ mono zé wasu'u hã iwẽ uptabi hã, ĩzazei'wa norĩ hã te za daro mono bâ te te dama 're wasu'u za'ra, daro mono bâ da te oto 're wapari za'ra mono da, da te ãma 're isaze za'ra mono zéb da hã. Tame te za oto tirob'rãsutu.

Zuwã 1:14

'Re ihâimana u'âsi mono mreme hã wa'rata 're sãmra mono da, ma tô sihâiba. Simizawi pese uptabi di. Isimiroti hã wẽ uptabi di. 'Re ihâimana u'âsi mono 'ra wa, õhõ si 're morĩ wẽ uptabi di. Misire i'ra hã. Õhõ si, waihu'u pese uptabi di. Wa norĩ hã wa tô wasiwi waihu'u za'ra ni, 're imorĩ wẽ uptabi na. Iwaihu'u pese na zama, wa tô duré wasiwi waihu'u ni.

Zuwã 1:18

Ti'ai ãma 're idanomro mono hã datõmo na da te 're 'madâ'â za'ra mono õ di, 'Re ihâimana u'âsi mono hã. Õhõ si, ma tô Timama hã 'madâ, siré 're simasisi u'âsi zahuré mono wa, Timama me. I'ra hã misire, 'Re ihâimana u'âsi mono 'ra hã. Ta hã ma tô te te dama 're wasu'u u'âsi Timama hã, da te 're waihu'u za'ra mono da.

Zuwã 3:16

'Re ihâimana u'âsi mono ma, tãma dazawi pese uptabi wa, ma tô ti'ra hã misi nherẽ, we tisõ, dazada dâ'â da. Tawamhã i'ra, da te dasina 're umnhasi za'ra mono wamhã, dadâ'â ãna te za hâiwa ãma i'rata 're dasi'ubumroi u'âsi. Ropipa ãma isiti 're dasi'ubumroi mono õ di za.

Roma 8:29

Duréihã marĩ õ ré hã, 'Re ihâimana u'âsi mono te te sima ãma irotizéb zarina, te te sima 're iwa'apisutu mono norĩ hã, i'ra ne, tô Zezusihi ne, oto 're wahâimana za'ra mono da, ma tô duré te te 're wa'apisutu siro. Ta hã uburé isazei'wa norĩ dub'rada, 're hâimana mono da, ma tô ãne te te 're wa'apisutu siro, sima.

Colosu 1:15

Cristu hã 'Re ihâimana u'âsi mono ne, te tô 're mo, aiwa wa. Tane nherẽ, 'Re ihâimana u'âsi mono hã datõmo na da te dasiwi 're 'madâ'â waihu'u za'ra mono õ di. I'ra si ma tô da te dasiwi 're 'madâ'â za'ra datõmo na hã, ti'a 're morĩ ré. Ta hã duréihã marĩ õ uptabi ré hã, te tô 're hâimana u'âsi, i'ra hã. Uburé ropoto nhipai u, te ta hã pire uptabi na 're hâimana.

Colosu 1:18

Ta hã uburé tizazei'wa norĩ 'madâ'â'wa te 're hâimana, pire uptabi na. Ta hã dapisutu'wa duré, 're idapoto téb za'ra mono na 're idanomro mono da hã. Dâ'â nherẽ, apâ hâiwa'utu wa, te oto dama pire na 're hâimana u'âsi, uburé za idahâiwa'utu za'ra norĩ nhipai u. Tahawa, te oto danhipai u pire uptabi na 're hâimana tô.

Hebreu 1:5

Duréihã 'Re ihâimana u'âsi mono mreme hã ãne: “A hã ĩ'ra te ĩme 're aihâimana mo. Tahawa, wa za oto ĩ'ra na te 're asisi, dama aipire na 're aihâimana mono da oto.” Ãne duré imreme amo hã: “Wa hã Imama na wa za tãma 're ĩhâimana. Tahawa, ĩ'ra na te za duré 're hâimana.” Tawamhã e hâiwa ãma tãma iromhuri'wa norĩ ãma zama, ma tô ãne na hã tinha, 'Re ihâimana u'âsi mono hã. Mare di. Zezusihi ãma si, ma tô ãne na hã tinha.

Hebreu 10:5

Tahawa, Cristu hã ti'ai u wei imorĩzéb u, ma tô Timama ma tinha, ãne: “Danhimizama na duré dasazém na aima 're danhoprub za'ra mono da, a hã asina sô 're asimipari mono õ di. Tane nherẽ, ĩhâiba hã ma tô ĩma isõ, da'upana ĩsina aima ĩnhoprubzéb da hã.

1 Pedru 3:22

Cristu hã hâiwa u morĩ wa, te oto pire na Timama nhimire niwĩ 're sãmra, Danho'reptui'wa hã. 'Re ihâimana u'âsi mono ma romhuri'wa norĩ 'madâ'â'wa, te 're hâimana. Uburé hâiwa nho're ãma, pire na duré waihu'u pese na 're ihâimana za'ra mono norĩ ma zama, te pire uptabi na hã tãma 're hâimana za'ra.

1 Zuwã 4:9

'Re ihâimana u'âsi mono hã ma tô tinhimizawi pese zé hã wama waihu'u za'ra. E niha ma tô wama waihu'u za'ra. Ti'ra hã misi nherẽ, ma tô we satõ ti'ai u, taha ãma si rowẽ na 're wanomro u'âsi mono da oto.

Apocalipsi 1:5

Zezu Cristuhu zama te te 're aipawaptob u'âsi za'ra wa'aba mono da, wa duré ai'ãma te 're rosa'rata u'âsi za'ra wa'wa. Ta hã dama i'umnha, te simi'ẽ na 're hâimana, 'Re ihâimana u'âsi mono zadawa wasu'uwẽ 'wa da hã. Ta hã ma tô dawana tihâiwa'utu 'rata, ihâiba si'utõrĩ waihu'u õ na. Uburé ti'ai ãma danhib'apito norĩ nhipai u, Zezusi hã te 're hâimana. Misi Danhib'apito uptabi na, te tô 're hâimana. Ta hã te te 're wa'azawi pese. Tahawa, ma tô wazada dârâ. Wazada dâ'â wamhã, iwapru ma tiwi puru. Tawamhã wawasété na 're wanomro mono ré, ma tô tiwapru na tidâ'âzém na te te 're wa'a'upsõ, wawasété ãna ãma 're wanomro mono da oto.