Hebreu 1:5 - ꞌRe Ihâimana Uꞌâsi Mono Zadawa Wasuꞌu

⁵ Duréihã 'Re ihâimana u'âsi mono mreme hã ãne: “A hã ĩ'ra te ĩme 're aihâimana mo. Tahawa, wa za oto ĩ'ra na te 're asisi, dama aipire na 're aihâimana mono da oto.” Ãne duré imreme amo hã: “Wa hã Imama na wa za tãma 're ĩhâimana. Tahawa, ĩ'ra na te za duré 're hâimana.” Tawamhã e hâiwa ãma tãma iromhuri'wa norĩ ãma zama, ma tô ãne na hã tinha, 'Re ihâimana u'âsi mono hã. Mare di. Zezusihi ãma si, ma tô ãne na hã tinha.

Hebreu 1:5 ပူးပေါင်းရင်းမြစ်များ

Salmu 2:7

Tawamhã apito te tinha ãne: “Uburé Danhib'apito te te ĩma iwaihu'uzé, wa za dama sadawa 'mahâ. Uburé Danhib'apito, te ĩma tinha ãne: ‘A hã, ĩ'ra. Ã bâtâ na wa tô aimama na aima 're ĩhâimana mono da hã ĩsi'ãma a'ube.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:33

'Re ihâimana u'âsi mono, wahi'rata norĩ ma, te te iropisudu hã ma tô wama ãma uwaimrami za'ra oto, wasiré isihudu norĩ ma. Zezusi hã ma tô apâ hâiwa'udu. Apâ ihâiwa'utuzé wasu'u na 'Re ihâimana u'âsi mono ãma danho're na rob'ui'éré, isãna'remhã, te wama wasu'u, ãne: “A hã ĩ'ra. Ã bâtâ na aihâiwa'utuzém na wa za Aimama na aima 're ĩhâimana.”

Hebreu 5:5

Tane duré, Cristu hã si'uihâ na sipisutu õ di, sasedoti ipire uptabi na dama 're ihâimana mono da hã. 'Re ihâimana u'âsi mono si ma tô pisutu. Duréihã ma tô ni'wa hã ãne na ãma rob'ui'éré, 'Re ihâimana u'âsi mono te te irotizém na hã, ti'ra ma: “A hã ĩ'ra na te 're aihâimana mo. Tahawa, wa za ĩ'ra na te 're asisi, dama aipire na 're aihâimana mono da oto.”