Hebreu 1:11 - ꞌRe Ihâimana Uꞌâsi Mono Zadawa Wasuꞌu

^11-12 Tane nherẽ, te za niwamhã ai'utõrĩ zahuré za, sahuré ta norĩ hã, da'uza hã dawi 're ihâsiwamnarĩ su'u za'ra mono ne. Duré da'uza pano pa hã dawi 're hâsiwamnarĩ za'ra mono wa, rob u da te oto 're sãmra mono da, da te 're ihânhinha za'ra mono ne, te za ta norĩ hã i'uprosi zahuré, itép si 'manharĩ zahuré da, isõwa're're. Da'uza 'rada hã da te oto dasiwi 're wẽ'õ za'ra mono wa, ihâtép si da te ãma 're isaprĩ za'ra mono ne, te za tô itép si i'manharĩ zahuré, ti'a norĩ hã, hâiwa me. Tane nherẽ, niwamhã ai'utõrĩ õ di za, a hã. Aiwétési te za 're aihâimana u'âsi mo. Nimahã na hã ãma saprĩ waihu'u õ di za, aihâimanazém na hã. Tô õhõ na si, 're i'aihâimana mono zé hã za.”

Hebreu 1:11 ပူးပေါင်းရင်းမြစ်များ

Salmu 10:16

Uburé Danhib'apito, õne u'â te danhipai u apito na hã 're hâimana. Tahawa, te za a'uwẽ iwasété norĩ hã isipti'ai hawimhã sô tirobaba za'ra.

Salmu 102:26

Ti'a norĩ hã hâiwa me, za si'utõrĩ zahuré nherẽ, a hã te za tane nherẽ, õne u'â 're aihâimana mo. Ti'a norĩ hã hâiwa me, da'uza 're ihâi wasété za'ra mono ne, te za ai'utõrĩ zahuré. A hã, da'uza na da te ãma 're isaprĩ za'ra mono ne, te za ãma isaprĩ zahuré. Tahawa, te za tô oto õ norĩ hã iwabzu.

Mateu 24:35

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimirowasu'u hã si'utõrĩ waihu'u õ di za. Pire na te za dama 're hâimana u'âsi.

Marcu 13:31

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimiroti hã si'utõrĩ waihu'u õ di za. Pire na te za dama 're hâimana u'âsi.

Luca 21:33

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimiroti hã si'utõrĩ õ di za. Pire na te za dama 're hâimana u'âsi.

Hebreu 12:27

E marĩ te tawamhã wama wasu'u za'ra imreme hã, “irẽme ma” na hã. Uburé za marĩ hã ti'ai ãma, 'Re ihâimana u'âsi mono nhimipodo nimahã na te te sãsã'ã za'ra wa, za isi'utõrĩ mono zé, te wama wasu'u za'ra. Tawamhã taha nhowa're're, te za iwẽ uptabi hã da te oto isãsã'ã waihu'u'õ hã 're hâimana u'âsi za'ra hâiwa ãma, isi'utõrĩ waihu'u'õ hã.

Hebreu 8:13

Duréihã 'Re ihâimana u'âsi mono te te dama iropisutu 'rata nhowa're're, te te dama iropisutuzép té hã te te dama pisutu wamhã, marĩ dai õ di oto, isimiropisutu 'rada hã. Tahawa, te za oto ai'utõ, marĩ i'ratare hã 're isi'utõrĩ pese za'ra mono ne.

Apocalipsi 1:11

Ãne te tawamhã ĩma tinha: — Ãhã na marĩ hã te za i'ab'madâ'â mo. Tawamhã uburé i'ab'madâ'â mono hã te za ibaihâ na ãma irob'ui'é. Ãma rob'ui'éré parimhã, Zezusihi zazei'wa norĩ, 'ri nho'õmo mono bâ siré 're isi'rã'õtõ mono norĩ ma, te za ibaihâ hã isõmri za'ra, 'Ri nho'õmo nhisi mono bâ, ãne isisi norĩ ma: Éfézu, duré Esmina, duré Pegamu, duré Tiatira, duré Sadési, duré Filadéufia, duré Laudiséa. Ã norĩ ma, te za asimi'ui'éré hã tãma isõmri za'ra, isazei'wa norĩ ma, 7 na 'ri nho'õmo ãma 're isi'rã'õtõ mono norĩ ma hã.

Apocalipsi 2:8

— Te za oto irob'ui'é, Esmina na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzém na te za tãma irob'ui'é, ãne: “Wa hã wa aima roti za'ra wa'wa, duréihã marĩ õ ré 're ĩhâimana mono. Uburé marĩ hã si'utõrĩ pese nherẽ, wa hã, marĩ zarina ĩsi'utõrĩ õ di za. Wa za 're ĩhâimana u'âsi. Wa tô dârâ aré. Ĩdâ'â nherẽ, wa tô apâ duré hâiwa'udu, 're ĩhâimana u'âsi mono da oto apâ.

Apocalipsi 20:11

Tawamhã wa tô duré 'madâ, danhib'apito simasisizé irã hã, isa'ẽtẽ uptabi hã. Ãma isãmra hã wa tô duré 'madâ. Tawamhã uburé pese hã, ma tô ti'a hã ai'utõ, duré hâiwa zama. Taha wamhã, marĩ õ uptabi di oto. Tahawa, da te 're 'madâ'â zahuré mono õ di oto, ti'a norĩ hã hâiwa me. Tâibâ ma tô ai'utõrĩ pese zahuré.

Apocalipsi 21:1

Tawamhã wa tô duré 'madâ hâiwa ité hã, duré ti'a ité hã. Hâiwa i'rada hã ma tô ai'utõrĩ pese. Duré ti'a i'rata zama hã ma tô ai'utõrĩ pese. Â zama hã ma tô duré ai'utõrĩ pese.