Galata 4:18 - ꞌRe Ihâimana Uꞌâsi Mono Zadawa Wasuꞌu

¹⁸ Roti iwẽ na si, da te 're aipawaptob za'ra wa'aba mono da, da te dasima 're aiwẽ za'ra wa'aba mono wamhã, tô ĩma hã wẽ di za ãne hã, ai'rata ĩnhamra aba ré hã, duré niha wamhã tô ĩhâiba za're'ra wamhã.

Galata 4:18 ပူးပေါင်းရင်းမြစ်များ

Salmu 69:9

Asõrõwa zawi pe ĩma 're ihâimana mono hã te unhama ne ĩpẽ'ẽ 'remhã ĩma 're hâimana. Duré ai'ãma iwasété'wa norĩ, te te ai'ãma 're iwasété za'ra mono zé hã te duré ĩnhisiwimhã 're waptã'ã.

Zuwã 2:17

Tahawa, isiré 're inomro mono norĩ hã ma tô ãma tipo're pu'u za'ra, 'Re ihâimana u'âsi mono zadawa wasu'u'wai mreme ui'éré iwazéb zahi na. Ãne duréihã ma tô wahi'rada hã tinha, 'Re ihâimana u'âsi mono ma: “Asadawa wasu'uzé 'ri hã ĩma sawi uptabi di, unhama ro'o ne ĩpẽ'ẽ 'rem hã.”

1 Corĩtu 15:58

Ĩsisãnawã norĩ, ĩma asawi pese za'ra wa'aba norĩ hã, tahawa, te za asiptete u'âsi Cristuhu ãma si 're anomro aba mo, tiwi 're aipizari za'ra wa'aba mono ãna. Wanhib'apito ma, 're iromhuri za'ra wa'aba mono zé hã taréi õ di. Ãne na asina waihu'u za'ra wa'aba wa, te za tãma 're iromhuri pese u'âsi za'ra wa'aba mo, asimi'ẽ na.

Galata 4:13

Ĩhâzé si ĩ'ãma watobro wa, wa tô ai'rata ĩnhamra za'ra wa'wa. Ãhã wa, wa tô Zezu Cristuhu wasu'uwẽ na aima rowasu'u na'rata za'ra wa'wa. Ãne na ma tô ĩ'ãma iwaihu'u za'ra wa'wa.

Galata 4:17

Aibâ norĩ, aimawi rowasu'u'wa norĩ hã te sima aiwẽ za'ra wa'wa, ta norĩ nhimirowasu'u si asima 're wẽ za'ra wa'aba mono da, tô sena tinhimirowasu'u wẽ na te te 're aipawaptob za'ra wa'aba mono da newa. E marĩ da. Ĩnhimirowasu'u nhiti, asina 're aipahâ za'ra wa'aba mono da itẽme, ĩnhimiroti nhipai u, õ norĩ nhimiroti si asima 're wẽ uptabi za'ra wa'aba mono da oto.

Galata 4:20

Ãhã na hã ĩhâtâ'â di, ai'ãma za'ra wa'aba hã. Ãhã wa, ĩnhimirosa'rada hã ahâ di, ai'ãma za'ra wa'aba hã. Ai'rata ĩhâimana za'ra wa'aba neza, ĩwaimri te oto aima rowaihu'u za'ra wa'aba da.

Filipu 1:27

Niha za ĩma romhâimana nherẽ, te za Cristuhu wasu'uwẽ zarina si 're anomro wẽ wa'aba mo, taha si aima pire za'ra wa'aba wa, ãma 're aihâimana za'ra wa'aba mono zéb da hã. Ãne 're aihâimana za'ra wa'aba mono ré, ãma atẽme ĩmorĩ za'ra wa'aba wamhã, wa za ai'ãma waihu'u za'ra wa'wa, simisutu asiptete sina asitob'ru norĩ da, 're aihâimana za'ra wa'aba mono zém na hã, asimirosa'rata misi na, taha zarina 'Re ihâimana u'âsi mono, da te dasina 're umnhasi za'ra mono da, Cristuhu wasu'uwẽ hã da te 're isaze za'ra mono zéb zarina. Duré ãté ãma atẽme ĩmorĩ za'ra wa'aba õ nherẽ, wa za tô õhõ na si ai'ãma waihu'u za'ra wa'wa, simisutu asiptete sina ãma 're aihâimana za'ra wa'aba mono na hã.

Filipu 2:12

Ĩsisãnawã norĩ, ĩma asawi pese za'ra wa'aba norĩ hã, ma'ãpé ĩwapari pese za'ra wa'aba za. Wa hã tame ai'rata ĩhâimana za'ra wa'aba ré, ma tô ĩnhimiroti hã iwapari pese za'ra wa'wa. Tane nherẽ, ãhã na oto ai'rata ĩhâimana za'ra wa'aba õ nherẽ, te duré ĩnhimiroti hã 're iwapari pese za'ra wa'aba mo, ãma atẽme ĩwisi za'ra wa'aba õ nherẽ. Aihâimana prédup sina, te za 're iromhuri pese za'ra wa'aba mo, 'Re ihâimana u'âsi mono te te asõ'reptu za'ra wa'aba zéb zarina, 're anomro wẽ wa'aba mono zém na tãma ãma asina 're uwaimrami u'âsi za'ra wa'aba mono da.

Titu 2:14

Ta hã ma tô wazada sisõmri za'ra, wazada dâ'â za'ra da, 're iwanomro wasété mono hawi, te te 're wa'anho'reptui mono da, isib'a'uwẽ si 're wahâimana za'ra mono da oto. E marĩ da. Sena na 're wanomro mono da, duré wawa'a ãna iwẽ na si wa te oto 're dapawaptob za'ra mono da.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.