— Farizeu norĩ, duré dama rowahutu'wa norĩ, a norĩ wa'aba ma, aima 're ropipa uptabi za'ra wa'aba mono di za. Ma tô datẽme 're iropéi wa'aba mo daro mono bâ, dama 're rowasu'u za'ra wa'aba mono da, asimirowasu'u na da te 're asaze za'ra wa'aba mono da. Tawamhã ni'wam norĩ hã asiniwĩ 're isipizari za'ra mono hã, 're anomro wasété aba mono zéb zarina, ma tô 're hâimana wasété uptabi za'ra, asimiroti wasété aba zarina. Tahawa, ropipa ãma 'Re ihâimana u'âsi mono te te 're aihâ za'ra wa'aba mono zém nhipai u, te za te te 're ahâ za'ra za'ẽtẽ za, ta norĩ hã.
Galata 4:17 - ꞌRe Ihâimana Uꞌâsi Mono Zadawa Wasuꞌu17 Aibâ norĩ, aimawi rowasu'u'wa norĩ hã te sima aiwẽ za'ra wa'wa, ta norĩ nhimirowasu'u si asima 're wẽ za'ra wa'aba mono da, tô sena tinhimirowasu'u wẽ na te te 're aipawaptob za'ra wa'aba mono da newa. E marĩ da. Ĩnhimirowasu'u nhiti, asina 're aipahâ za'ra wa'aba mono da itẽme, ĩnhimiroti nhipai u, õ norĩ nhimiroti si asima 're wẽ uptabi za'ra wa'aba mono da oto. အခန်းကိုကြည့်ပါ။ |
Galata 4:17
14 ပူးပေါင်းရင်းမြစ်များ
Ta norĩ hã te te sima 're wẽ uptabi za'ra, 'Re ihâimana u'âsi mono ma, 're sisõmri u'âsi za'ra mono da, õhõ ma si, te te 're romhuri pese za'ra mono da. Ãne na, wa tô ĩsi'uihâ na ãma waihu'u pese za'ra, tô sena na. Tane nherẽ, 'Re ihâimana u'âsi mono ma, da te 're iromhuri pese za'ra mono zé hã te te waihu'u pese za'ra õ wa, te te sina tãma 're uwaimrami za'ra mono õ di.
Ta norĩ hã Wanhib'apito Cristuhu ma, te te 're romhuri za'ra mono õ di. Te te sima 're iwẽ za'ra mono zéb zarina si, te marĩ iwasétére zô si hã sima 're sõpré. Ta norĩ hã sadawa nhipese nherẽ, te isimiroti hã sena newa da te 're wapari ze za'ra, danhimirosa'rata nhib'uware na 're idahâimana za'ra mono norĩ hã. Mreme wapari zei wa, duré asa imreme hã da te dasima 're wẽ za'ra mono da, te taré timreme amo na te te dama 're rowasu'u za'ra, da'ãma 're wata za'ra mono sina. Tawamhã taha zarina, te za awa'awi imreme na da te 're saze za'ra.
A norĩ wa'wa hã te oto ĩ'ãma 're aipo're pu'u u'âsi za'ra wa'aba mo, 're ĩhâimana mono zém na hã, duré uburé te aima ãma 're irowasu'u za'ra wa'aba mono zém na zama. Isazei'wa norĩ 're ihâimana za'ra mono zém na roti hã da te ĩma 're iwaihu'u za'ra mono zéb zarina, te oto 're anomro u'âsi aba mo, te aima ãma 're iroti za'ra wa'aba mono zéb zarina si. Tahawa, wa ai'ãma 're ĩwata u'âsi za'ra wa'wa.
Ni'wam norĩ hã 'Re ihâimana u'âsi mono nhimiroti na, ĩnhipai u te te 're iwaihu'u pese za'ra mono na, ma tô 'râwi 're si'madâ'â pire za'ra, asiré 're aihâimana za'ra wa'aba mono norĩ hã. Tahawa, ta norĩ ma ĩpahi za'ra newa, ma tô ĩ'ãma rosa'rata za'ra, atẽme wa'aba, za ãma ĩmorĩ su'u õ na hã. Taha zarina, ma tô duré 'râwi sina 're wata za'ra.
A norĩ wa'wa hã, 'Re ihâimana u'âsi mono, Tipẽ'ẽzani na rowẽ te te aima 're ipisutu za'ra wa'aba mono zô, aiwi sô 're irowaptâ'â za'ra wa'aba mono õ na, te 'râwi 're asi'madâ'â ze za'ra wa'aba mo, dasa hã da te 're huri mono wa, da te 're i'mahâpãrĩ pese za'ra mono ne. E ãne bâ, te 'râwi asi'ãma 're irosa'rata ze za'ra wa'aba mo. Danhibro pese wa, marĩ zô dawi 're irowaptâ'â za'ra mono õ ne, te asina 're aiwata za'ra wa'aba mo, 'Re ihâimana u'âsi mono, Tipẽ'ẽzani na rowẽ te te aima 're ipisutu za'ra wa'aba mono zô, aiwi 're rowaptâ'â za'ra wa'aba mono õ newa. Ti'ai ãma danhib'apito norĩ hã tinhib'a'uwẽ norĩ ma, pire na 're ihâimana za'ra mono ne, te asiré isazei'wa norĩ ma aipire na 're aihâimana za'ra wa'aba mono na 're asi'madâ'â ze za'ra wa'aba mo, wa norĩ hã 'Re ihâimana u'âsi mono zadawa 'mahârâ'wa norĩ hã danhib'apito norĩ ne wapire na 're wahâimana za'ra mono õ nherẽ. E ãne hã i'uwaibaba bâ. Wẽ di tô. Tane hã aima wẽ za'ra wa'aba ze te bâ, taha na si 're aihâimana za'ra wa'aba mono, aipire na isazei'wa norĩ ma ãma 're aihâimana za'ra wa'aba mono da. Niha hã 'wa'âhã, wa aré tô wa norĩ zama wapire na asiré 're wahâimana za'ra wa'wa, uburé isazei'wa norĩ ma hã.
Tane nherẽ, wa ĩhâtâ'â sina, te ai'ãma 're rosa'rata u'âsi za'ra wa'wa. E marĩ wa. Cristuhu ãma si, 're sasõmri pese za'ra wa'aba mono nherẽ, ãté ni'wam norĩ hã roti tô senai'õ na taré te te aima 're irowasu'u za'ra wa'aba mono zéb zarina, te za Cristuhu wasu'uwẽ hã irẽme za'ra wa'wa. Duréihã Wa'uburé hã wahi na sihâiba wa, Ewaha ma, sadawa nhipese na te te irowasu'u ne, te za tô ãté ni'wam norĩ hã te te aima 're rowasu'u za'ra wa'wa, roti tô senai'õ na hã.
Ta norĩ hã simiroti pire newa, 'râwi sina 're wata za'ra mono sina, te za te te dama 're rowasu'u za'ra, da te dasima 're iwẽ za'ra mono zéb uwaibaba, 're dahâimana wasété za'ra mono da, dama ãma 're rowẽ za'ra mono da newa. Ãne wamhã, nimosi isazei'õ'wa norĩ hâimana wasétézém hawi 're idasipizari za'ra mono norĩ hã, te za oto te te ãma 're sasõmri za'ra, senai'õ na rowasu'u'wa norĩ ãma hã.
ကြော်ငြာတွေ