Galata 4:16 - ꞌRe Ihâimana Uꞌâsi Mono Zadawa Wasuꞌu

¹⁶ E niha te bété oto ãhã na hã ĩ'ãma irosa'rata za'ra wa'wa. E aiwẽ'õ wa'aba 'wa na si, te za oto ĩ'ãma irosa'rata za'ra wa'wa, rowasu'u tô sena na si te aima 're rowasu'u za'ra wa'aba mono nherẽ.

Galata 4:16 ပူးပေါင်းရင်းမြစ်များ

Provébiu 9:8

Niwamhã da'ãma 're iwa'ẽi mono ma hã 're pẽtẽ mono tõ. Ãnei õ wamhã, te za asada hã 're sahi. Tane nherẽ, ni'wa i'rãi waihu'u wẽ ma, 're pẽtẽ mono wamhã, te za te te 're aiwazé.

Zuwã 7:7

Da te 're ai'ruiwapari za'ra wa'aba mono õ di za. Ĩwétési te da te dasiwi 're ĩ'ruiwapari. E marĩ wa. Da te 're i'manharĩ wasété za'ra mono zé hã te dama 're awaihu'u mono wa.

Galata 2:14

Ãne na ma tô Pedru norĩ hã tinhimirosa'rata na upa za'ra, zudeu'õ norĩ ãma hã. Tô sena Cristuhu wasu'uwẽ zarina si oto dama 're hâimana za'ra mono õ di, Pedru norĩ hã. Ãne wa tô ãma waihu'u za'ra. Tahawa, wa tô Pedruhu ma tinha, uburé Wanhib'apito zazei'wa norĩ nho'a, ãne: “A hã zudeu nherẽ, ma tô zudeu'õ norĩ siré 're asai mo aré, a hã zudeu'õ 're aihâimana mono newa. E niha ma tô bété oto tiwi asisawi za'ra, zudeu'õ norĩ wi, a'â sizudeu za'ra da, isazei'wa norĩ hã.” Ãne wa tô tãma tinha.

Galata 2:5

Tane nherẽ, ta norĩ nhimirosa'rata na hã, wa te ãma saze za'ra õ di. Mare uptabi di. Wa tô wasima wẽ za'ra ni, Zezu Cristuhu wasu'uwẽ uptabi si, aima 're hâimana za'ra wa'aba mono da. Tahawa, ta norĩ nhimirosa'rata na hã wa te ãma saze za'ra õ di.

Galata 4:15

E niha bété oto ãhã na hã. Aré aima 're rowẽ za'ra wa'aba mono di, ai'rata ĩnhamra aba wa. Ãhã wa, duré aima waihu'u pese za'ra wa'aba 'wa'âhã, te aré ato hã isani za'ra wa'wa, ĩma sõmri za'ra wa'aba da, ato hã.

Galata 4:17

Aibâ norĩ, aimawi rowasu'u'wa norĩ hã te sima aiwẽ za'ra wa'wa, ta norĩ nhimirowasu'u si asima 're wẽ za'ra wa'aba mono da, tô sena tinhimirowasu'u wẽ na te te 're aipawaptob za'ra wa'aba mono da newa. E marĩ da. Ĩnhimirowasu'u nhiti, asina 're aipahâ za'ra wa'aba mono da itẽme, ĩnhimiroti nhipai u, õ norĩ nhimiroti si asima 're wẽ uptabi za'ra wa'aba mono da oto.

Galata 5:7

A norĩ wa'wa hã ma tô aré tô sena rowasu'u na 're anomro aba mo. E 'wa simirowasu'u hawi, ma tô sena rowasu'u na asima ãma apa za'ra wa'wa.