Galata 4:13 - ꞌRe Ihâimana Uꞌâsi Mono Zadawa Wasuꞌu

¹³ Ĩhâzé si ĩ'ãma watobro wa, wa tô ai'rata ĩnhamra za'ra wa'wa. Ãhã wa, wa tô Zezu Cristuhu wasu'uwẽ na aima rowasu'u na'rata za'ra wa'wa. Ãne na ma tô ĩ'ãma iwaihu'u za'ra wa'wa.

Galata 4:13 ပူးပေါင်းရင်းမြစ်များ

Mateu 4:23

Tawamhã daza'rui mono bâ te 're mo Zezusi hã, Galiléa ãma hã. zudeu norĩ te, rowahutuzé mono bâ, ma tô te te dama 're rowahutu. 'Re ihâimana u'âsi mono, da'ãma 're isib'a'uwẽ mono zé wasu'u na te duré te te dama 're rowasu'u, iwasu'uwẽ na. Duré dahâzé da te 're isépata za'ra mono bâ hã ma da'apese. Hâzé u'âsi wa, sib'uware na 're inomro mono norĩ zama ma duré apese, Zezusi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:6

Tawamhã Paulu norĩ hã ma tô ai'aba'ré, Prizia na danhipti'a nho'õmo nhisi wa'wai baba, duré Galasia na danhipti'a nho'õmo nhisi wa'wai baba. Tane nherẽ, 'Re ihâimana u'âsi mono pẽ'ẽzani hã ma tô sadawa uwati za'ra, Azia na danhipti'a nho'õmo nhisi ãma iwasu'uwẽ na te te dama rowasu'u za'ra tõ da a'â.

1 Corĩtu 2:3

Te ãma asabu za'ra wa'aba wamhã, ĩpẽ'ẽ 'remhã ĩnhib'uware di. Tahawa, wa tô duré ĩpahi te hã, rẽrẽ, ĩnhimiromhuri na 'Re ihâimana u'âsi mono ma, te ãma 're i'uwaimrami mono zém na hã te 're 'wanhi'riti mono õ'umnhasite.

2 Corĩtu 10:10

Ni'wam norĩ hã te duré te te sima 're ĩwasu'u za'ra, ãne: “Pauluhu nhimiroti hã pire uptabi di, tinhimi'ui'éré na si te te wama 're iroti za'ra mono zém na hã. Mreme tete sina, te za duré ãma wama roti pese za'ra, tinhimi'ui'éré na hã. Tane nherẽ, wa'rata sãmra wamhã, marĩ dai õ di. Wama mreme wapu za'rare di.” Ãne te ni'wam norĩ hã te te sima 're ĩbâsi za'ra, ĩza'rerap si.

2 Corĩtu 11:30

Ãté niwapsi, wa za tô ãne na hã aima ĩsiwasu'u za'ra wa'wa, uburé marĩ na te 're irobzépata mono zém na si, taha zarina, marĩ da hã, ĩsi'uihâ na ĩnhib'uware na 're ĩhâimana mono zém na, asiwi ĩwaihu'u za'ra wa'aba da.

2 Corĩtu 11:6

Ãté ĩmreme hã, ĩma pibu prã ti tô, da'ahâ nho'a te dama 're irowahutu mono zéb da hã. Tane nherẽ, Cristuhu wasu'uwẽ si, tô sena hã ĩma waihu'u pese di. Ãne na ma tô oto ĩ'ãma iwaihu'u pese za'ra wa'wa, a norĩ wa'wa hã.

2 Corĩtu 13:4

Cristu hã wedepo'o nhonhi'rãmi na, da te dasiwi sasõmri wamhã, ihâiba hã sib'uware di. Tane nherẽ, 'Re ihâimana u'âsi mono nhiptetezém na ma tô apâ hâiwa'udu, 're hâimana u'âsi mono da oto. Tane, wa tô duré wa norĩ hã wanhib'uware na 're wahâimana. Tane nherẽ, 'Re ihâimana u'âsi mono nhiptetezém na, wa duré 're wahâimana, Cristuhu ne. Taha zarina, wa za niha aima rob'manharĩ za'ra wa'aba ni, wasi'uihâ nai õ nherẽ.

Galata 1:6

Ãhã na wa ai'ãma ĩtob'uzu za'ra wa'wa. E marĩ wa. Tãma asawi uptabi za'ra wa'aba wa, ma tô Cristu hã asõ'reptu za'ra wa'wa. Taha zarina, 'Re ihâimana u'âsi mono hã ma tô sima aipisutu za'ra wa'wa, isib'a'uwẽ si oto 're anomro aba mono da. Tane nherẽ, ma tô aiwara sina, 'Re ihâimana u'âsi mono wi 're aipizari za'ra wa'aba mo, asimirosa'rata na, aimawi rowasu'u hã Cristuhu wasu'uwẽ me aiwam newa.

Galata 4:12

Ĩsisãnawã norĩ, wa hã zudeu nherẽ, ai'rata ĩnhamra aba ré, wa tô zudeu'õ newa asine 're ĩmorĩ 'wa. Tahawa, ma'ãpé ĩsine 're anomro aba mono. Atẽme amo ĩmorĩ 'rata aba wamhã, marĩ hã ĩma 'manharĩ wasété za'ra wa'aba õ di, ĩhâiba na hã.

Galata 4:14

Tawamhã ĩhâzé ré, atẽme ĩwisi za'ra wa'aba nherẽ, ĩhâzé wa, asiwi ĩwẽ'õ za'ra wa'aba õ di. Mare di. Hâiwa ãma 'Re ihâimana u'âsi mono ma romhuri'wa, wẽ na asiwi i'âri aba ne, niha wamhã, Cristu Zezusi, wẽ na asiwi i'âri aba ne, ma tô wẽ na asiwi ĩ'âri 'wa.

Galata 4:18

Roti iwẽ na si, da te 're aipawaptob za'ra wa'aba mono da, da te dasima 're aiwẽ za'ra wa'aba mono wamhã, tô ĩma hã wẽ di za ãne hã, ai'rata ĩnhamra aba ré hã, duré niha wamhã tô ĩhâiba za're'ra wamhã.