Galata 3:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã Cristu Danho'reptui'wa na, da te dasina 're umnhasi za'ra mono wamhã, simisutu Abra'ãhã nhihudu na, te za oto te te 're da'anhisi, 'Re ihâimana u'âsi mono hã. Ãne hã wa tô aima waihu'u za'ra wa'wa, waihu'u za'ra wa'aba da asina hã.

Galata 3:7 ပူးပေါင်းရင်းမြစ်များ

Salmu 100:3

Ma'ãpé, Uburé Danhib'apito ãma 're aipo're pu'u za'ra wa'aba mono, ta hã 'Re ihâimana u'âsi mono wa. Ta hã ma tô te te 're wa'apoto. Tahawa, wa ite na tãma 're wahâimana za'ra. Duré isib'a'uwẽ na wa tãma 're wahâimana za'ra, ite pone'ẽrebâ ne.

Luca 19:9

Tahawa, te Zezusi hã dama tinha, ãne: — Ãhã na hã rowẽ di oto, isõrõwa ãma hã. Ã hã aibâ hã ma tô tinho'reptuzé hã sina waihu'u. Abra'ãhã nhihudu, te za tô oto 're mo. Taha da, ma tô ti'ai ãma Dasiré Ipodo hã we mo, ipẽ'ẽ 're, simani ne 're inomro mono norĩ te te 're anho'reptui mono da, wẽ na oto 're nomro mono da.

Luca 21:31

Tane duré, marĩ hã 're iromhâimana mono zéb da, te aima iwasu'u za'ra wa'aba zéb zarina, 'madâ'â za'ra wa'aba wamhã, te za ãma irowaihu'u za'ra wa'wa, romhuture di oto, 'Re ihâimana u'âsi mono, da'ãma 're isib'a'uwẽ mono zéb u hã.

Zuwã 8:39

Tawamhã Zezusihi ma, te duré asa nharĩ za'ra, ãne: — Wa norĩ hã, Abra'ãhã nhihudu. Tawamhã Zezusi hã asa te duré tãma nharĩ za'ra, ãne: — Abra'ãhã nhihudu uptabi 'wa'âhã, te aré 're anomro wẽ wa'aba mo, isine.

Roma 4:24

Wa norĩ zama, wa te wasina 're i'umnhasi za'ra mono norĩ hã te za duré te te 're wa'awẽsãmri, Wanhib'apito Zezusihi hâiwa'utu'wa, wa te wasina 're i'umnhasi za'ra mono norĩ hã.

Galata 3:9

Abra'ã hã ma tô 'Re ihâimana u'âsi mono hã te te sina 're sazei pese, te te tãma iropisutuzém na. Tahawa, rowẽ te te tãma ipisutuzéb zarina, ma tô rowẽ uptabi na 're hâimana. Tane duré Cristu Danho'reptui'wa na, da te dasina 're saze za'ra mono wamhã, Abra'ãhã ma te te ipisutu ne, te za dama 're irowẽ za'ra mono zéb da hã te te dama 're apisutu, 'Re ihâimana u'âsi mono hã.

Galata 6:16

Õhõ wasu'u zarina 're dahâimana za'ra mono wamhã, wa ĩsima te 're da'awẽ, rowẽ na si oto 're danomro mono da, 'Re ihâimana u'âsi mono da'ãma 're ipẽ'ẽzé mono zéb zarina. Taha da, wa za da'ãma te tiwi 're rowaptẽrẽ u'âsi, uburé 'Re ihâimana u'âsi mono nhib'a'uwẽ norĩ ãma hã.

Hebreu 13:23

Wasisãnawã Timotiu hã ma tô dazazém hawi watobro, da te tãma irob'ruzéb zarina. Ãne hã waihu'u za'ra wa'aba da, wa tô ĩsima aiwẽ za'ra wa'wa. Tawamhã ta hã we ĩtẽme wisi su'u wamhã, ãme ĩnhamra ré, te te duré ĩnhiza wamhã, te za ãma ĩsiré mo, atẽme za'ra wa'aba, taha zama te te duré asabu za'ra wa'aba da, ĩsiré.