Galata 3:3 - ꞌRe Ihâimana Uꞌâsi Mono Zadawa Wasuꞌu

³ E niha te bété oto rosa'rata waihu'u ãna, 're anomro aba mo. 'Re ihâimana u'âsi mono, Tipẽ'ẽzani te te aima isõmri za'ra wa'aba zarina, ma tô aihâimanazép tém na ãma isãna'rata za'ra wa'wa, iwẽ na. E niha te bété oto 'râwi 're asi'madâ'â za'ra wa'aba mo asi'uihâ na, asina uwaimrami za'ra wa'aba da newa, asisõ'reptu za'ra wa'aba zé hã.

Galata 3:3 ပူးပေါင်းရင်းမြစ်များ

Galata 3:2

Ma'ãpé we ĩma waihu'u za'ra wa'aba. E marĩ wa, ma tô 'Re ihâimana u'âsi mono hã Tipẽ'ẽzani hã we aima sõmri za'ra wa'wa, aipẽ'ẽ 're. E isimiroti 'rata na rob'ui'éré zarina, 're irob'manharĩ za'ra wa'aba mono zéb zarina, ma tô we Tipẽ'ẽzani hã aima sõmri za'ra wa'wa. Mare di. E Zezu Cristuhu wasu'uwẽ hã aipo're na wapari za'ra wa'aba pari, tô sena iwasu'uwẽ na asina 're saze za'ra wa'aba mono wa, ma tô we aima sõmri za'ra wa'wa. Ĩhe. Tahawa tô, ma tô we Tipẽ'ẽzani hã aima sõmri za'ra wa'wa, aipẽ'ẽ za'ra wa'aba 're, 're sãmra mono da oto.

Galata 3:4

E taré ma tô iwẽ hã asina 're iwaihu'u za'ra wa'aba mo, marĩ hã ãma waihu'u za'ra wa'aba ãna. 'Re ihâimana u'âsi mono si, ma tô we Tipẽ'ẽzani hã aipẽ'ẽ 're aima sõmri za'ra wa'wa. Ma tô duré marĩ dama i'manharĩ waihu'u'õ hã te te aima 're 'manharĩ wẽ za'ra wa'wa, tiwaihu'u pese na. E marĩ wa. E isimiroti na rob'ui'éré 'rata zarina 're rob'manharĩ za'ra wa'aba mono wa. Mare di. Taha zarinai õ di. Zezu Cristuhu wasu'uwẽ hã aipo're na wapari za'ra wa'aba pari, Cristu Danho'reptui'wa na asina 're umnhasi za'ra wa'aba mono wa, ma tô we Tipẽ'ẽzani hã aima sõmri za'ra wa'wa, 'Re ihâimana u'âsi mono hã. Taha zarina si, ma tô duré marĩ dama i'manharĩ waihu'u'õ hã te te aima 're 'manharĩ wẽ za'ra wa'wa, tiwaihu'u pese na.

Hebreu 9:2

Duréihã romhâ 'manharĩ na 'ri hã danhimizahâri sidâpâsi, 'Re ihâimana u'âsi mono ma, da te dasiwi 're isimizusi mono hã maparane te 'ri 're wa'wa hã 're hâimana zahuré. 'Ri 're wa'wa imorĩ'rata ãma, te rob'uiwẽzé sima'warazé hã 're sa. Wedeza hã te duré iwa 're sa, i'u'ẽtẽ wapu 'Re ihâimana u'âsi mono ma, iwa da te 're isa'ra mono zéb da hã. 'Re ihâimana u'âsi mono te, 'ri 're wa'wa hã iwẽ uptabi na isisi hã.