Galata 1:17 - ꞌRe Ihâimana Uꞌâsi Mono Zadawa Wasuꞌu

¹⁷ Duré Zeruzalẽ u, a'â ĩmorĩ õ di, Cristu hã tizadawa wasu'u'wa da, ĩwana te te sima ipisutu za'ra norĩ u, te sabu za'ra da. Mare di. Daza'rui amoi u si, wa tô a'â mo, Arabia u. Tame ĩnhamra pari, wa tô apâ mo, Damascu na 'ri nho'õmo nhisi u.

Galata 1:17 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:10

Tawamhã Damascu ãma aibâ hã te 're sãmra, Zezusihi nhirã zarina 're imorĩ hã, Anania na aibâ nhisi hã. Tawamhã sõtõ 'rowim ne, ma tô Wanhib'apito hã tãma sihâi'ré. Ãne te taha wamhã 'mahâ: — Anania. Tawamhã asa ma sada'â, ãne: — E marĩ, Ĩnhib'apito. Tawamhã Wanhib'apito te tãma tinha, duré ãne:

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:19

 dawabzuri te te 'manharĩ parip si, ma tô ai'upa. Tahawa, apâ ma tô aptete oto. Tawamhã bâdâ umro na ma tô ãma ne, Damascu ãma isazei'wa norĩ 'rata sãmra ré, Saulu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:2

Ta hã rob'ui'éré Damascu na 'ri nho'õmo nhisi u te te âri da, ma tô tiwi waptẽ, tame zudeu norĩ te, rowahutu'wa norĩ ma, te te sõmri za'ra da, sasedoti ipire zadawa para itẽme imorĩ za'ra na rob'ui'éré hã. Tawamhã Wanhib'apito 're ihâimana mono zém na 're inomro mono norĩ hã, rob'ui'éré'wa zadawa para te za Saulu hã we te te simro, Zeruzalẽ u pawasisi ré, aibâ norĩ hã, pi'õ norĩ zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:8

Tawamhã Saulu, ma tô oto wahudu. Wahutu wamhã, ma tô oto duré toporo. Tane nherẽ, te te rob'madâ'â waihu'u õ di, tob a wa. Tahawa, isiré isi'aba'ré norĩ hã ma tô te te siwi patété, te te siwi saprõni da, Damascu u.

Galata 1:18

Si'ubdatõ ma tô oto ĩ'ãma tiwahu, Wanhib'apito ãma te isasõmrizém na hã. Tawamhã Zeruzalẽ u wa tô oto mo, Pedru hã te hâiba pibu da. Tame ma tô romhuri hã maparane ĩ'ãma ai'utõ, i'rata ĩnhamra ré.