Filipu 4:6 - ꞌRe Ihâimana Uꞌâsi Mono Zadawa Wasuꞌu

⁶ Marĩ na 're aihâtâ'â za'ra wa'aba mono ãna, te za oto 're aihâimana za'ra wa'aba mo. 'Re ihâimana u'âsi mono ma, 're aimreme zusi aba mono zép sidâpâsi, te za duré tiwi 're irowaptẽrẽ za'ra wa'aba mo, uburé marĩ zô aiwi 're irowaptâ'â za'ra wa'aba mono zém na hã. Aipẽ'ẽ 're, ãma 're aiwata za'ra wa'aba mono sina, te za asi'ãma duré tãma 're aimreme zusi aba mo.

Filipu 4:6 ပူးပေါင်းရင်းမြစ်များ

Salmu 51:15

Uburé Danhib'apito, ma'ãpé ĩzadawa na damreme iwẽ hã ĩma 're sõmri mono. Tawamhã wa za ai'ãma 're ĩwata u'âsi.

Provébiu 15:8

Danhimizama zada iwasété norĩ, Uburé Danhib'apito ma, te te 're isõmri za'ra mono hã tãma 'ru ti. Tane nherẽ, iwẽ norĩ, tãma 're imreme zusi mono zép si, tãma wẽ uptabi di.

Provébiu 16:3

Ma'ãpé 'Re ihâimana u'âsi mono wi, asimirowa'õtõ na iwẽ na te te 're aipawapto mono da, tiwi 're waptẽrẽ mono. Tawamhã iwẽ na te za tô asimirowa'õno hã aima 're hâimana.

Daniéu 3:16

Tawamhã ãne ma te Sadraqui, Mezaqui, Abide-Negu norĩ hã ãma sada'âbâ za'ra: — Apito, wa norĩ hã wamreme na wasimapa za'ra dai õ di.

Daniéu 6:10

Tawamhã apito tinhimirotizém na isisi hâtâzém na te te waihu'u wamhã, ma tô tinhorõwa u apâ hã mo. Hâimo ãma 'ri 're wa'õno ihâimana ãma te nhamra, zanela 'ri zadazâri norĩ Zeruzalẽ nho'õmoi baba ihâimana za'ra ãma. Tawamhã Daniéu ma tô 'ri zadazâri hã sima 'ridawa za'ra. Taha pari ma tô hi'rãtitõ nhamra. Ma tô duré tite 'Re ihâimana u'âsi mono ma hã mre, awẽ sidâpâsi si'ubdatõ na ãma isahu na tãma 're imreme u'âsi mono ne.

Mateu 10:19

Tawamhã dama ipire norĩ u, da te 're asimroi wa'aba mono wamhã, asimirosa'rata na asisõwa asina 're aihâtâ'â za'ra wa'aba mono õ di za, niha tãma 're asiwasu'u za'ra wa'aba mono zéb da na hã. Da te aima 're iropipa za'ra wa'aba mono zéb u, da te 're asimroi wa'aba mono wamhã, 'Re ihâimana u'âsi mono te za te te aima 're sõmri za'ra wa'wa, niha tãma 're i'asiwasu'u za'ra wa'aba mono zéb da hã.

Mateu 13:22

Duré ni'wam norĩ hã amnho wab'ru wazari irere'e mono ne, te aiwa 're hâimana za'ra. Wab'ru hã ro'wanhipré siré i'wanhipré mono, te te oto ubu mono wa, i'rã za'ra õ ne, 'Re ihâimana u'âsi mono zadawa wasu'u hã tipo're na te te 're wapari za'ra mono nherẽ, iwẽ hã te te 're i'manharĩ za'ra mono da, mare di za, ta norĩ hã. Tihâimanazém na si te za sina 're hâtâ'â u'âsi za'ra. Duré danhibro pe hã wẽ uptabi newa te za taha zô si sima te te 're rob'ruiwapari u'âsi za'ra. Tahawa, amnho 'wanhipré hã i'rã za'ra õ ne, 're nomro wẽ mono õ di za, ta norĩ hã.

Mateu 6:34

Awẽ sidâpâsi te marĩ hã asada 're hâimana za'ra wa'wa. Tane nherẽ, oto ai'ãma 're awẽ za'ra wa'aba mono wamhã, te za asina 're iwaihu'u za'ra wa'aba mo, 'Re ihâimana u'âsi mono te te 're i'aipawaptob za'ra wa'aba mono zém na hã, marĩ hã asada 're hâimana za'ra wa'aba mono nherẽ. Tahawa, za duré ai'ãma 're i'awẽ za'ra wa'aba mono zé bâtâ na hã 're aihâimana za'ra wa'aba mono zém na hã, asina 're aihâtâ'â za'ra wa'aba mono õ di za. 'Re ihâimana u'âsi mono si te za awẽ sidâpâsi bâdâ hã te te ai'ãma 're ab'madâ'â 'wa.

Mateu 6:8

Tahawa, ta norĩ ne 're aimreme zusi aba mono õ di za. E marĩ wa. Aimama aba wi, marĩ hã tiwi 're waptẽrẽ za'ra wa'aba mono õ ré, marĩ zô aiwi 're irowaptâ'â za'ra wa'aba mono zé hã, te te 're awaihu'u siromo mono wa.

Luca 10:41

Tahawa, ma tô Wanhib'apito hã asa tãma tinha, ãne: — Marta, marĩ hã ahâ wamhã, tô asi'wa'rutu di.

Luca 12:22

Tawamhã Zezusi te tinha, tisiré 're inomro mono norĩ ma, ãne: — Tahawa, wa za duré ãne aima waihu'u za'ra wa'wa. Marĩ na 're aihâtâ'â za'ra wa'aba mono õ di za. Asazéb za'ra wa'aba na asina 're aihâtâ'â za'ra wa'aba mono õ di za. Duré, ai'uza õ na zama asina 're aihâtâ'â za'ra wa'aba mono õ di za.

Luca 12:29

Tahawa, marĩ na asina 're aihâtâ'â za'ra wa'aba mono õ di za. Asazéb zô si, duré â zô si, 're asõpré wa'aba mono õ di za. Taha zô si, te za isazei'õ'wa norĩ hã 're sõpré. Aimama 'wa hã ma tô aiwaihu'u za'ra wa'wa, marĩ hã aiwi sô 're irowaptâ'â za'ra wa'aba mono na. Aimama 'wa hã, 'Re ihâimana u'âsi mono, Danhib'apito uptabi. Tahawa, õhõ si, te za 're ipisutu za'ra wa'aba mo, õhõ ãma si 're anomro aba mono da. Tawamhã marĩ hã aiwi sô 're irowaptâ'â za'ra wa'aba mono zéb uwaibaba, te za te te aima 're anhomri 'wa, Aimama 'wa hã.

Luca 18:1

Tawamhã Zezusi hã ma tô tãma ãma romnhimiré'é za'ra, tisiré 're inomro mono norĩ ma, wa'a ãna 'Re ihâimana u'âsi mono wi, te te tô 're rowaptẽrẽ u'âsi za'ra mono da, te te 're pawaptob u'âsi za'ra mono da hã. Ãne te tawamhã ãma simiré'é:

Luca 18:7

Wẽ prã zahã, te za, u, imrotõ hã pawapto. E bété tinhib'a'uwẽ hã te te 're pawaptob za'ra mono õ di za, 'Re ihâimana u'âsi mono hã. Ãté rowa'a na, ãté bara na te za sô 're hãsi, te te 're pawaptob za'ra mono da. E bété te te 're pawaptop su'u za'ra mono õ di za.

1 Corĩtu 7:21

Ai'uipra'wa norĩ ma, aipawa'âbâ ãna tãma 're romhuri za'ra wa'aba mono ré, 'Re ihâimana u'âsi mono hã tinhib'a'uwẽ da, te te oto sima 're aipisutu za'ra wa'aba mono wamhã, aipawa'âbâ ãna 're iromhuri za'ra wa'aba mono zém na, asina 're aihâtâ'â za'ra wa'aba mono õ di za. Tane nherẽ, ãté nimahã bâtâ na si te za tô oto te te aima 're pisutu za'ra wa'wa, aipawa'âbâ ãna tãma 're romhuri za'ra wa'aba mono tõ da hã oto. Ãne zarina si, te za oto 'râwi 're asi'madâ'â za'ra wa'aba mo, tiwi 're aiwairébé aba mono da, romhuri hawi, asi'uihâ na oto asima 're romhuri za'ra wa'aba mono da. Ai'uipra'wa norĩ ma, aipawa'âbâ ãna tãma 're romhuri za'ra wa'aba mono ré, Cristuhu ãma oto 're anomro aba mono da, Wanhib'apito te te 're i'aipisutu za'ra wa'aba mono norĩ hã, te oto robzei u'âsi na 're aihâimana za'ra wa'aba mo. Da te 're i'uipra za'ra mono norĩ, wa'âbâ ãna te te oto dama 're romhuri za'ra mono tõ da, da te tãma 're ipisutu za'ra mono ne, ma tô Cristu hã te te 're aipisutu za'ra wa'wa, aiwasété u'âsi 're anomro aba mono tõ da, aiwasédé hã oto 're rẽme pese za'ra wa'aba mono da. Tane duré asi'uihâ na asima 're romhuri za'ra wa'aba mono ré, Cristuhu ãma 're anomro aba mono da, Wanhib'apito te te 're aipisutu za'ra wa'aba mono norĩ hã, te oto Cristuhu nhib'a'uwẽ si 're anomro aba mo. Taha zarina si, te oto isimiroti hã 're i'madâ'â pese za'ra wa'aba mo, da te 're i'uipra za'ra mono norĩ hã tinhib'apito nhimiroti si te te 're i'madâ'â pese za'ra mono ne.

1 Corĩtu 7:32

Wa hã wa ĩsima te 're aiwẽ za'ra wa'wa, ti'ai ãma marĩ zô si asima 're asõpré wa'aba mono zarina, asina 're aihâtâ'â tõ za'ra wa'aba mono da. Aibâ norĩ hã mro ãna 're ihâimana za'ra mono norĩ hã Wanhib'apito ma, te te 're iromhuri za'ra mono zém na da si, te za sima 're sõpré u'âsi, taha zarina 'Re ihâimana u'âsi mono hã te te 're 'madâ'â ze za'ra mono da.

2 Corĩtu 1:11

A norĩ wa'wa hã wa'ãma 're aimreme zusi aba mono zém na 're wapawaptob za'ra wa'aba mono wamhã, 'Re ihâimana u'âsi mono hã te za te te 're aiwapari za'ra wa'wa, te te 're wanho'reptui u'âsi mono da. Ãne wamhã, iwẽ na si te za tô wama 're sõprub u'âsi. Taha zarina, te za tô da'ahâ na ãma 're dawata za'ra, 'Re ihâimana u'âsi mono ãma hã, iwẽ na si wama 're sõprub u'âsi mono wa.

Éfézu 5:20

Wamama hã sõprub di, 'Re ihâimana u'âsi mono hã. Tahawa, uburé marĩ wẽ na wama 're isõprub za'ra mono zéb zarina, te za ãma 're aiwata u'âsi za'ra wa'aba mo, Wanhib'apito Zezu Cristuhu zadawa para.

Éfézu 6:18

Te aima iroti za'ra wa'aba zéb zarina, te za uburé 're i'manharĩ u'âsi za'ra wa'aba mo. Duré ipẽ'ẽzani te te wama 're i'awaihu'u mono zéb zarina, te za Wamama ma 're aimreme zusi aba mo. Te za tiwi 're irowaptẽrẽ u'âsi za'ra wa'aba mo, te te 're aipawaptob za'ra wa'aba mono da. Asimiza'rese sina te za 're aihâimana za'ra wa'aba mo, tãma 're aimreme zusi aba mono da. Aiwi 're robzei'õ za'ra wa'aba mono õ di za. 'Re ihâimana u'âsi mono nhib'a'uwẽ 're ihâimana za'ra mono norĩ ma, te za duré tiwi 're irowaptẽrẽ u'âsi za'ra wa'aba mo, te te 're apawaptob u'âsi mono da, daro mono bâ.

Colosu 3:15

Cristu hã te za te te 're aipawaptob u'âsi za'ra wa'wa, rowẽ na asiré ãma 're aihâimana za'ra wa'aba mono da. Tahawa, te za aipẽ'ẽ 're iré 're anomro u'âsi aba mo, uburé marĩ hã i'uwaibaba si ãma 're i'manharĩ za'ra wa'aba mono zéb da hã, 'râwi asina 're waihu'u za'ra wa'aba mono da. 'Re ihâimana u'âsi mono hã ma tô aipisutu za'ra wa'wa, simisutu dahâiba misi ne, asiré 're aihâimana za'ra wa'aba mono da, taha zarina aipẽ'ẽ 're rowẽ na asiré 're aihâimana za'ra wa'aba mono da, ãma. Tahawa, te za ãma 're aiwata u'âsi za'ra wa'aba mo, 'Re ihâimana u'âsi mono ãma si.

Colosu 3:17

Uburé marĩ hã 're 'manharĩ za'ra wa'aba mono wamhã, duré uburé marĩ na 're aimreme zusi aba mono wamhã, Wanhib'apito Zezusihi zadawa para si, te za uburé marĩ hã 're i'manharĩ wẽ u'âsi za'ra wa'aba mo. Tawamhã Zezusi hã iwẽ uptabi hã wanhowa te te i'manharĩ wẽ zéb zarina, te za tô marĩ hã 're i'manharĩ wẽ u'âsi za'ra wa'aba mo, Wamama 'Re ihâimana u'âsi mono ãma 're aiwata za'ra wa'aba mono sina.

Colosu 4:2

'Re ihâimana u'âsi mono ma, 're aimreme zusi u'âsi aba mono. Asimiza'rese te za tãma 're aimreme zusi aba mo, ãma 're aiwata za'ra wa'aba mono sina.

1 Timotiu 2:1

Ãhã na marĩ ipire na wa za aima rowasu'u. 'Re ihâimana u'âsi mono ma 're damreme zusi mono wamhã, te za uburé da'ãma tãma 're damreme zusi, te te 're da'apawapto mono da. Marĩ zô dawi 're rowaptâ'â za'ra mono wamhã, uburé dama te za da te tiwi 're rowaptẽrẽ za'ra, marĩ hã te te dama 're anhomri mono da. Duré marĩ na dama 're sõpru mono wamhã, te za ãma 're dawata za'ra.

1 Timotiu 5:5

Pi'õi mrotõ ma, sena na danhimipawaptobzé tãma ihâimana'õ hã te za 'Re ihâimana u'âsi mono zô si 're simnhasi, marĩ na te te 're pawapto mono da. Bâtâ na te za tãma 're mreme u'âsi, bara na zama, marĩ na te te 're pawapto mono da.

1 Pedru 4:7

Ro isi'utõrĩzéb u hã, romhuture di oto. Tahawa, te za aihâiba na asina 're asiptete za'ra wa'aba mo. Duré aihâimana nhimiza'rese te za 're aihâimana za'ra wa'aba mo, 'Re ihâimana u'âsi mono ma, 're aimreme zusi u'âsi aba mono da.

1 Pedru 5:7

'Re ihâimana u'âsi mono hã te te 're ai'madâ'â wẽ za'ra wa'wa. Tahawa, marĩ na 're aihâtâ'â za'ra wa'aba mono wamhã, te za tãma 're asiwasu'u za'ra wa'aba mo, 're i'aihâtâ'â za'ra wa'aba mono zém na. Taha parimhã, ãma 're rosa'rata za'ra wa'aba mono õ di za oto.

1 Samuéu 1:15

Tawamhã ma te ãma tãma wa'rã ãne: — Ma. Ĩsi'rãiwamnarĩ õ di, ĩnhib'apito. Duré te hâ'rẽne õ di, uwa 'rãi wa'u isé hã, duré âzaipro hã. Wa hã wa tô tãma mre, Uburé Danhib'apito nho'remhã, ĩma robzei õ uptabi wa. Duré wa tô tãma wasu'u, te irobzépatazé hã.

1 Samuéu 30:6

Tawamhã Dawihi ma hã ropire uptabi di. E marĩ wa. Ite aibâ norĩ hã 'ra ãna oto hâimana za'ra wa, ma te oto isé pire hã sô tiwatobro za'ra. Tahawa, Dawi hã ẽtẽ na te te siwi wĩrĩ da te ãma sima robzanhamri pibu za'ra. Tane nherẽ, ma tô Uburé Danhib'apito ite 'Re ihâimana u'âsi mono nhimipawaptobzém na hã ipẽ'ẽ 'remhã aptete.

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.