Filipu 4:2 - ꞌRe Ihâimana Uꞌâsi Mono Zadawa Wasuꞌu

² Ĩhidiba norĩ, Evodia, Sĩtiquihi me, ãne wa za aima roti wa'wa, asisada 're aihâimana wasété aba mono wa. A norĩ wa'wa hã Wanhib'apito nhib'a'uwẽ, 're aihâimana aba mono wa, ma'ãpé rowẽ na si apâ asiré 're aihâimana aba mono, asisada 're aihâimana wasété aba mono ãna.

Filipu 4:2 ပူးပေါင်းရင်းမြစ်များ

Zenezi 45:24

Tawamhã Zuzé tisisãnawã norĩ te te oto satõrĩ za'ra wa, si'aba'ré da hã, ma tô ãne duré tãma roti za'ra: — Asisada asahi za'ra wa'aba ãna bâdâdi na hã ai'aba'réi aba za.

Marcu 9:50

Wa za duré aima rowasu'u za'ra wa'wa, ãne. Sa na hã dasa hã ãma se ti, dasai warĩrĩzé wa. Tane nherẽ, oto 're se si'utõrĩ mono wamhã, niha da te 'manharĩ waihu'u õ di, apâ se da, dasa da te ãma 're iwarĩrĩ za'ra mono da hã. Sa na, wa za duré aima rowasu'u za'ra wa'wa, ãne. Ni'wam norĩ hâimanazéb zarina, te za dasi'u suru na sa na 're dasaihuri, dasisawi te. Tane asisawi te, te za rowẽ na asiré 're aihâimana za'ra wa'aba mo.

1 Corĩtu 1:10

Ĩsisãnawã norĩ, Corowihi nhorõwa ãma 're ihâimana za'ra mono norĩ hã ma tô we ĩma aiwasu'u za'ra wa'wa, 're asisada'âbâ u'âsi za'ra wa'aba mono na hã, asiwanhizari ãma 're aihâimana za'ra wa'aba mono da. Tahawa, Wanhib'apito Zezu Cristuhu zadawa para, wa za oto aima ãma roti pese za'ra wa'wa, simisutu ãma 're asisazei pese za'ra wa'aba mono da, asiwanhizari, ãma 're aihâimana za'ra wa'aba mono tõ da. Misi haré te za oto 're ipisutu za'ra wa'aba mo, simisutu asiré ãma 're aihâimana za'ra wa'aba mono da oto.

Filipu 3:16

'Re ihâimana u'âsi mono pẽ'ẽzani te te wama 're i'awaihu'u mono zém na si, wa za ãma 're wahâimana za'ra, tô õhõ na si.

1 Tesalonita 5:13

Ta norĩ hã te te aima 're romhuri pese za'ra wa'aba mono wa, te za 're iwazéb za'ra wa'aba mo. Te za duré 're isawi pese za'ra wa'aba mo. Asima 're aimreme wasété za'ra wa'aba mono ãna, te za asiré 're aihâimana za'ra wa'aba mo, rowẽ na si.

Hebreu 12:14

Rowẽ zô te za 're asõpré wa'aba mo, dasiré 're aihâimana za'ra wa'aba mono da. Duré 'Re ihâimana u'âsi mono ma si 're asisõmri u'âsi za'ra wa'aba mono da, te za 're asi'madâ'â pese za'ra wa'aba mo. Ãne hã ni'wam norĩ hã 're hâimana wẽ za'ra mono õ nherẽ, niwamhã Wanhib'apito hã titõmo na te te dame 'madâ'â za'ra õ di za, ta norĩ hã.