Filipu 2:27 - ꞌRe Ihâimana Uꞌâsi Mono Zadawa Wasuꞌu

²⁷ Tô sena ma tô aré dârâ tô, hâzé wa. Tane nherẽ, 'Re ihâimana u'âsi mono hã ma tô ãma aiwamri, dâ'â tõ da. Taha ãma si õ di, isiwamrizé hã. Te te pese wamhã, ĩ'ãma zama ma tô duré aiwamri, ĩwi robzei'õ nherẽ, robzei'õ uptabi tõ da ĩwi, isipai u.

Filipu 2:27 ပူးပေါင်းရင်းမြစ်များ

Salmu 34:19

Wẽ na 're inomro mono norĩ hã, te tô ropire na te te 're robzépata za'ra. Tane nherẽ, Uburé Danhib'apito, te uburé ropire mono hawimhã te te 're anho'reptu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:37

Tawamhã Rida ãma Pedru hã zahadu sãmra ré, ma tô tihâzé, Docasi hã. Hâzé pire wa, ma tô dârâ. Tahawa, ma tô dasiwi hâiba upsõ ni. Da te dasiwi hâiba upsõi pari, ma tô dasiwi hiri ni, 'ri 're wa'wa u hâimo.

1 Corĩtu 10:13

Tô sena, asiptete sina ãma 're anomro u'âsi aba mono zô, 'Re ihâimana u'âsi mono hã te te 're aipibu za'ra wa'aba mono wamhã, aimawi na te te 're aipibu za'ra wa'aba mono õ di za, ipire uptabi na hã. Tô õhõ na si te te 're ida'apibui mono zém na si, te za tô te te 're aipibu za'ra wa'wa. 'Re ihâimana u'âsi mono hã uburé wama umnhasi za'ra di, marĩ na uburé te te wama 're i'aropisutu mono zém na hã. E tawamhã, asiptetezém nhipai u, te za ipire uptabi na te te aipibu na 're sahu za'ra wa'wa, aiwasété u apâ tiwi 're airere'e aba mono da. Mare di. Tô sena, asiptete sina ãma 're anomro u'âsi aba mono zô, te te 're aipibu za'ra wa'aba mono wamhã, te za niha te te aima 're pisutu za'ra wa'wa, rowẽ ré ihawi 're aiwairébé aba mono zéb da hã, õne haré asiptete sina ãma 're anomro u'âsi aba mono da.

2 Corĩtu 2:7

Tane nherẽ, a norĩ wa'wa hã iwasédé hã ãma 're 'madâ'â za'ra wa'aba mono õ di za oto. Tâibâ. Ma tô siwẽ'õ, tiwasété na hã. Apâ te za asiwi i'âri wẽ wa'wa, robze na asiré 're hâimana aba mono da oto apâ. Tiwi robzei'õ pese wa, 'Re ihâimana u'âsi mono te te rẽme tõ da, te za apâ asiwi i'âri wẽ wa'wa.

Filipu 2:26

Ta hã te te duré apâ asabu ze za'ra wa'aba di, uburé ai'ãma pẽ'ẽzé za'ra wa'aba wa. Duré ai'ãma hâtâ'â za'ẽtẽ za'ra wa'aba di, ãme ihâzé na isiwasu'uzé hã wapari za'ra wa'aba wa. Tahawa, wa za tô ãma atẽme satõrĩ su'u za'ra wa'wa, Timotiuhu wana.

Filipu 2:28

Tahawa, wa ĩsima wẽ upta oto, te ãma atẽme satõrĩ su'u za'ra wa'aba da apâ, atõmo na sabu za'ra wa'aba wa, aima rowẽ uptabi za'ra wa'aba hâ. Duré wa hã ai'ãma ĩhâtâ'â za'ra wa'aba zéb zarina, ĩwi irobzei'õzé hã ĩma si'utõrĩ hâ, asabâdâ za'ra wa'aba.