Filipu 2:20 - ꞌRe Ihâimana Uꞌâsi Mono Zadawa Wasuꞌu

²⁰ Ãmemhã ni'wa hã ĩma hâimana õ di, ĩsine te te 're i'asawi pese za'ra wa'aba mono 'wa hã. Tô õhõ si, te ĩsine te te 're asawi pese za'ra wa'wa. Taha si te tô sena ai'ãma 're hâtâ'â u'âsi za'ra wa'wa Timotiu hã, rowẽ na si ãma 're aihâimana za'ra wa'aba mono da.

Filipu 2:20 ပူးပေါင်းရင်းမြစ်များ

Provébiu 31:29

“Damro norĩ iwẽ hã ahâ uptabi na 're hâimana za'ra mono nherẽ, a hã uburé danhipai u aiwẽ uptabi di.”

Zuwã 10:13

E marĩ wa, te za tiwi wara, romhuri'wa hã. Itede'wai õ wa, duré te te 're azawi pese mono õ wa.

Zuwã 12:6

E marĩ wa. E isibrob'õ norĩ hã te te pawaptob zei wa. Mare di. Te te pawaptob ze za'ra wab õ di. Ta hã sipsaihuri di. Rob'uiprazé hã te te wama 're i'madâ'â mono hã, te pi'uriwi te te sima 're 'mazani.

Roma 15:5

'Re ihâimana u'âsi mono si dapisutu'wa hã, uburé marĩ na da te 're robzépata za'ra mono nherẽ, danhiptete sina ãma 're idahâimana u'âsi za'ra mono da hã. Taha si te te sina dama 're i'arowẽ zani mono hã, dawi 're robzei'õ za'ra mono ãna, ãma 're idahâimana za'ra mono zéb da hã. Tahawa, wa tô ĩsima te 're aiwẽ za'ra wa'wa, ta hã aihĩni te te 're aipawaptob za'ra wa'aba mono da, asiré isazei'wa norĩ hã simisutu asimirosa'rata na 're asisazei pese za'ra wa'aba mono da oto, Cristu Zezusi 're imorĩ wẽ zéb zarina.

1 Corĩtu 16:10

Duré, Timotiu hã atẽme ãma wisi za'ra wa'aba wamhã, ma'ãpé asiwi sawi wẽ za'ra wa'aba za, sina hâtâ'â ãna ai'rata sãmra aba da. Wa hã Wanhib'apito ma, te 're iromhuri mono ne, te duré taha zama te te tãma 're romhuri. Tahawa, te za asiwi isawi pese za'ra wa'wa.

Filipu 2:2

Tahawa, ma'ãpé duré ãma asiwi 're sisiwi wa'aba mono, asabâdâb za'ra wa'aba ãma ĩma 're irowẽ pusi u'âsi mono zéb da hã. Aiwapsi te za 're irosa'rata za'ra wa'aba mo. Aiwapsi te za duré 're asisawi pese za'ra wa'aba mo. Simisutu rosa'rata wẽ na, te za misi haré duré rosa'rada hã 're i'manharĩ u'âsi za'ra wa'aba mo, uburé marĩ na ãma 're asisaze za'ra wa'aba mono da. Ã norĩ na te za ãma asiwi 're isisiwi za'ra wa'aba mo. Tawapsi, ĩma 're rowẽ uptabi mono di za duré, ai'ãma za'ra wa'aba hã.

Filipu 2:22

Tane nherẽ, Timotiu hã 're imorĩ wẽ na ma tô iwaihu'u za'ra wa'wa, da te 're pibui wasété mono nherẽ, 're isipizari mono õ na hã. Ta hã ma tô ĩsiré te te 're romhuri u'âsi, Cristuhu wasu'uwẽ na hã. Damama siré da te 're iromhuri u'âsi za'ra mono ne, ma tô ĩsiré te te 're romhuri u'âsi, ta hã.

Colosu 4:11

Zozué hã te duré ãma asawi za'ra wa'wa, Zustu na isisi amo hã. Ã norĩ hã zudeu na 're ihâimana za'ra mono, si'ubdatõ ihâiba za'ra hã. Ĩsiré romhuri'wa norĩ hã ahâ uptabi nherẽ, si'ubdatõ si te zudeu norĩ hã te te ĩsiré 're romhuri za'ra, tô ã norĩ hã, 'Re ihâimana u'âsi mono, da'ãma 're isib'a'uwẽ mono zéb u, wa te tãma 're ida'awaibui mono na hã. Ã norĩ hã ma tô siwi ĩpawapto pese za'ra tô.

1 Timotiu 4:6

Tawamhã uburé te aima i'awaihu'uzéb zarina si, te za wasiré isazei'wa norĩ ma 're i'awaihu'u mo. Ãne wamhã, Cristu Zezusihi ma, romhuri wẽ 'wa, te za tô 're aimo. Wanhib'apito nhimiroti hã wa te 're isaze za'ra mono zéb zarina, 're aimorĩ u'âsi sina, te za tãma 're iwaihu'u u'âsi za'ra mo, roti tô sena zarina zama, ãma 're aimorĩ u'âsi ne. Õhõ na si 're aimorĩ wamhã, asiptete sina te za 're aihâimana mo, Wanhib'apito ãma hã.

2 Timotiu 1:5

Duré Wanhib'apito zazei'wa na tô sena 're aihâimana mono na, wa ai'ãma po're puru. Ai'rada Loidi norĩ hã ma tô ana me hã Wanhib'apito zazei'wa na 're hâimana zahuré, Eunisihi me. Ta norĩ ne, tô sena Wanhib'apito zazei'wa 're i'aimorĩ na hã, tô ĩma aiwaihu'u pese di.

2 Timotiu 3:10

A hã ma tô ĩwaihu, ĩnhimiroti na, duré ĩhâimanazém na, duré dapawaptom na ĩnhimiromhuri na te ĩsina 're iroti mono zém na, duré Wanhib'apito umnhasi sina 're ĩhâimana mono zém na, duré da'ãma ĩwa'a su'u õ na 're ĩhâimana mono zém na, duré te 're ida'azawi pese mono zém na, duré marĩ ahâ na ĩzada 're hâimana mono nherẽ, Wanhib'apito ãma ĩsina ĩnhiptete sina 're ĩhâimana mono zém na zama. Ma tô duré iwaihu, da te ĩma 're irob'manharĩ wasété za'ra mono zém na hã, duré te 're irobzépata mono zém na hã. Ma tô duré iwaihu, marĩ hã ĩzô 're iwairébé mono zém na hã, Ãtioquia na 'ri nho'õmo nhisi ãma, duré Iconizu ãma, duré Risitira ãma. Ipipa na da te ĩ'ãma 're rob'manharĩ wasété za'ra mono wa, wa tô te 're robzépata za'ẽtẽ. Tane nherẽ, ĩdâ'â tõ da, ma tô Wanhib'apito hã nasi a'â ĩnho'reptu.

1 Samuéu 18:1

Tawamhã Sau norĩ hã Dawihi me ma tô oto sima robzanhamri pari zahuré. Tahawa, Zonata, Sauhu 'ra pẽ'ẽ 'remhã, ma tô Dawihi zawi hã iwab ãzé. Tahawa, ipẽ'ẽ 'remhã tãma sawi uptabi di oto, 'râwi tihâiba te te 're isisawi pese mono ne.

1 Samuéu 18:3

Tawamhã Zonata norĩ hã Dawihi me, ma tô sena na ropisutu zahi hã sima 'manharĩ zahuré, tinhimizawi zahuré zém na hã. E marĩ wa. Zonata Dawihi ãma ipẽ'ẽzézé hã sa'ẽtẽ uptabi wa.