Filipu 2:10 - ꞌRe Ihâimana Uꞌâsi Mono Zadawa Wasuꞌu

^10-11 Tahawa, niwapsi te za aihĩni pese dahi'rãtitõ tãma ana ni, Zezusihi ma, dama isisi pire uptabi ma. Ãne da, ma tô 'Re ihâimana u'âsi mono hã tãma pisutu, pire uptabi na 're hâimana mono da. Hâiwa ãma uburé pese hâiba ré 're ihâimana za'ra mono norĩ hã, duré ti'ai ãma uburé pese hâiba ré 're ihâimana za'ra mono norĩ zama, te za dahi'rãtitõ tãma ana ni, dama pire wa, adâ 're ihâimana za'ra mono zéb ãma uburé pese 're ihâimana za'ra mono norĩ zama. Tawamhã tame te za uburé pese dasisõ'a dasiwi sisi za'ra ni oto, ãne: “Õ hã Zezu Cristu, uburé Danhib'apito.” Ãne na Zezu Cristuhu ãma dawata za'ra wamhã, taha u'âbâ, te za duré 'Re ihâimana u'âsi mono ãma tawata za'ra ni, Wamama ãma hã.

Filipu 2:10 ပူးပေါင်းရင်းမြစ်များ

Zenezi 41:43

Taha pari, Ezituhu nhib'apito uptabi zapari dama i'rãnho'õmo te, awaru na wedewara zapore na 're wara da hã, ma tô duré tãma sa'ré, apito na da te ãma waihu'u za'ra da. Tahawa, ma tô duré tite aibâ norĩ ma, isõwab za'ra ãne hãsi mono sina si'aba'ré da hã, duré tãma rob'ru za'ra: “Tãma hã asiwasi aba mono!” Ãne ma tô Zuzé hã dama si'rãnho'u, Ezitu ãma.

Salmu 95:6

Oto we ai'aba'réi wa'aba, Wanhib'apito ma wahi'rãtitõ wasi'ubumro da, ãma wawata za'ra da. Oto tãma wasi'ubumroi wa'aba, wa'apoto mono 'wai ma, wahi'rãtitõ.

Mateu 27:29

'Wabzéré panhipti hã ma duré sada 'ma'manharĩ za'ra, i'wa ahâ hã. Taha pari, ma duré i'rã nhisiwi tãma hiri za'ra, te te ãma siwi sõpre da, danhib'apito hã ãma 're isisõpre za'ra mono ne. Wedehu ma duré isib'rata tãma hiri za'ra, isib'rata nhimire niwĩ, danhib'apito hã tinhiwedehu ré, 're isimasisi mono ne. Tawamhã hi'rãtitõ ma tô nasi isõ're tãma asimro, ãma wa'ẽ za'ra sina te te nasi sawi za'ra da, ãne: — Zudeu norĩ nhib'apito, rowẽ na 're aihâimana mono.

Mateu 28:18

Tawamhã Zezusi hã ma tô 'râwi itẽme timorĩ za'ra oto. Taha wamhã, ma tô tãma nharĩ za'ra, ãne: — Ĩmama hã ma tô ĩma pisutu, isadawa para dama ĩpire na 're ĩhâimana mono da, ti'ai ãma, duré hâiwa ãma zama.

Roma 11:4

Tawamhã 'Re ihâimana u'âsi mono hã e niha ma tô asa tãma waihu'u, Eliasihi ma. Ãne ma tô tãma waihu'u: “Wa tô ĩsima tété za'ra, aibâ norĩ 7 miu na ihâiba na, tisiré norĩ wazari si'utõrĩ tõ da dame, ihâiba'õ na dame ãma 're iwata za'ra mono õ norĩ hã, Baau na romhâiba nhisi ãma hã. Ta norĩ si, te ĩzarina 're hâimana u'âsi za'ra.”

Éfézu 3:14

Tahawa, ĩhi'rãtitõ, wa 're ĩsimasisi, Wamama wi te tiwi 're rowaptẽrẽ u'âsi mono da, aima za'ra wa'aba.

Éfézu 4:9

E marĩ te tawamhã wasu'u, hâimo imorĩzé hã. Ãne te wasu'u: Ma tô si'ra ti'ai 'rowi uptabi, adâ 're ihâimana za'ra mono zéb u.

Hebreu 1:6

Ãne te duré tinha, 'Re ihâimana u'âsi mono hã ti'ra hã ti'ai u za te te we isatõrĩzém na, da'ra hã dama 're ipoto 'rata za'ra mono ne, poto da: “Uburé hâiwa ãma 'Re ihâimana u'âsi mono ma, romhuri'wa norĩ hã za tô ãma 're iwata u'âsi za'ra mono da si, wa ti'ru.”

Apocalipsi 4:10

Nasi ãma wata za'ra siré, te nasi 24 na dama ipire za'ra norĩ hã danhib'apito simasisizém na isãmra nho're hi'rãtitõ ana, siré ãma wata za'ra da. Te duré nasi hi'rãtitõ si'ubumro sina, ti'rãzaza sani za'ra isõ're, tãma pire za'ra wa, ãma wata za'ra da.

Apocalipsi 5:3

Tane nherẽ, ni'wa hã sada hâimana õ di hâiwa ãma hã, ipru'wa da hã, te te pru wa, ibaihâ nho'a'wa da hã, duré te te isõré da hã. Duré ti'ai ãma 're idahâimana za'ra mono hã sada da'maihâimana õ di. Duré ti'ai 'rowi adâ 're ihâimana za'ra mono hã ni'wai õ di, sada hã.