Filemo 1:19 - ꞌRe Ihâimana Uꞌâsi Mono Zadawa Wasuꞌu19 Tô sena, ĩmreme hã. Wa hã Paulu hã wa za aima wa'â. Ãne wa oto aima rob'ui'éré, waihu'u da. A hã, Zezusihi zazei'wa. Ãhã na Zezusihi wasu'uwẽ zarina, robze na te oto 're aimo, iwasu'uwẽ hã te aima waihu'u wa, wa hã. အခန်းကိုကြည့်ပါ။ |
Filemo 1:19
14 ပူးပေါင်းရင်းမြစ်များ
Ãté da'ahâ na te oto da te aima 're roti u'âsi za'ra wa'wa, Zezusihi nhimiroti wẽ na hã, taha na si ãma 're anomro wẽ wa'aba mono da. Da'ra hã da te dasisô 're i'madâ'â pese za'ra mono ne, te ta norĩ hã te te 're ai'madâ'â pese za'ra wa'wa, Zezusi hã 're rẽme za'ra wa'aba mono tõ da. Tane nherẽ, ĩsiwaprosi wa aimama uptabi aba ne, aima 're ĩhâimana za'ra wa'wa. Iwasu'uwẽ na te aima 're irowasu'u za'ra wa'aba mono zéb zarina, Cristu Zezusi hã 're saze za'ra wa'aba mono wa, wa oto aimama uptabi aba ne, 're ĩhâimana, da'ra hã damama siwasutu hawi, dama 're ipoto za'ra mono ne.
Ni'wam norĩ hã asiré wa'aba, 're ihâimana za'ra mono norĩ hã te ãne te te sima 're ĩbâsi za'ra: “Paulu hã wa'rata sãmra ré hã, waimri na ihâimana, duré wama za'ra hã isasi õ. Wanhiti romhâ na 're hâimana mono wapsi, te mreme pahi ãna te te wama 're anharĩ, tinhimi'ui'éré na si.” E ãne hã ĩma 're hâimana mono bâ. Mare di. Wa hã Paulu, wa za oto aima ãma roti za'ra wa'wa. Ĩwapari pese za'ra wa'aba za. Cristuhu nhisi na, wa za ãma aima roti za'ra wa'wa ãhã na hã, ta hã simizawi pese wa, duré atãma na 're hâimana u'âsi mono wa. Marĩ da, 're sisapẽtẽ waihu'u mono õ di, ta hã.
Darob amoi u, 're wane mono wamhã, asimirob'ui'éré za'ra wa'aba ré, 're wane mono õ di, da te dasiwi 're iwawaihu'u mono zéb da hã. Mare di. Cristuhu wasu'uwẽ na wanhimiromhuri zarina 're saze za'ra wa'aba mono wa, 'Re ihâimana u'âsi mono ãma si 're anomro wẽ wa'aba mono zém na, da te 're aiwaihu'u za'ra wa'aba mono wamhã, taha zarina si te za da te dasiwi 're wawaihu'u, sena na 'Re ihâimana u'âsi mono zadawa 'mahârâ'wa na dama 're iwahâimana mono na hã.
Ãté Masédonia hawimhã, wasisãnawã norĩ hã te za ãma ĩsiré ai'aba'ré, atẽme za'ra wa'aba. Tawamhã ãma atẽme wasihutu aba wamhã, rob'uiprazé hã asiwi 'rã'õtõ pari aba õ wamhã, ãté wa aré aima aséb za'ra wa'aba ni, taré wa te ai'umnhasi baba za'ra wa'aba wa. A norĩ wa'wa hã bété. Te aré tô aséb za'ra wa'wa, tô sena i'ubumro na, ãma uwaimrami za'ra wa'aba õ wa.
Ma'ãpé asina ĩwapari pese za'ra wa'aba za. Wa hã Paulu, marĩ hã wa za aima waihu'u za'ra wa'wa. Da te 're asihâiwata nhihâri za'ra wa'aba mono da, asizudeu za'ra wa'aba da, asina 're dazaze za'ra wa'aba mono wa, taha zarina 'Re ihâimana u'âsi mono te te 're asõ'reptu za'ra wa'aba mono da newa, e niha za tawamhã, ãne wamhã. Cristu hã wazada dâ'â za'ra nherẽ, te te 're wa'anho'reptui mono da, e taré te za ã hã bété 're hâimana, asada za'ra wa'aba idâ'âzé hã.
Titu, tahawa, wa ãma aima rob'ui'éré. Te i'aipawaptobzéb zarina, wasiré Wanhib'apito zazei'wa 're aimorĩ wa, wa ĩ'ra na asisi, asawi te. Wamama ma, wa ai'ãma 're ĩmreme u'âsi, 'Re ihâimana u'âsi mono ma, duré Wanhib'apito Cristu Zezusihi ma zama, isimizawizé hã ai'ãma 're hâimana u'âsi mono da, rowẽ u'âsi, ãma 're aimorĩ da.
ကြော်ငြာတွေ