Filemo 1:11 - ꞌRe Ihâimana Uꞌâsi Mono Zadawa Wasuꞌu

¹¹ Te te aima 're romhuri zei mono ãna, te aré 're mo, Onezimu hã. Tahawa, aré aima hã wẽ õ di ta hã. Tazahã, ãhã na hã tihâimanazém na ma saprĩ oto. Ãhã wamhã, aima wẽ di za oto. Duré ĩma zama hã wẽ di za oto.

Filemo 1:11 ပူးပေါင်းရင်းမြစ်များ

Mateu 25:30

Taha pari, te za asiwi imei wa'wa rob u, robra u. Tame te za oto 'râwi sina tiwawa. Te za duré 'wasitete, te te oto robzépata za'ẽtẽ wa.” Ãne isib'apito hã ma tô dama hâiba 'ru.

Luca 15:24

E marĩ wa. Ĩ'ra hã dâ'â newa. Tane nherẽ, dâ'â õ di. Ma tô aré ãma ropsisa'rese'õ. Tane nherẽ, ma tô we apâ wi. Tahawa, wasa hã wa za oto wasiré huri ni, rowẽ te.” Ãne imama te tãma nharĩ za'ra, te te tãma 're iromhuri za'ra mono norĩ ma. Taha na ma tô dasa hã dama 'manha.

Luca 15:32

Uburé wama rowẽ za'ra wa, wa tô dasa hã dama 'manha, ĩ'ra hã iwisizém na. Ano hã dâ'â newa. Tane nherẽ, dâ'â õ di. Ma tô aré ãma ropsisa'rese'õ. Tane nherẽ, ma tô we apâ wi.” Ãne ma tô ti'ra ma waihu'u.

Luca 17:10

Tane a norĩ wa'wa hã, asib'apito nhimiwada'uri 'wa, ĩma ãma 're uwaimrami za'ra wa'aba mono wamhã, te za 're inharĩ za'ra wa'aba mo, ãne: “Sô 're wanhimnhasi za'ra mono õ di za, wa'ãma 're aiwata za'ra mono zô hã. Taré aima romhuri'wai wa, wa tô wa te ãma aima 're uwaimrami za'ra, asimiwada'urizé hã.” Ãne te za 're inharĩ za'ra wa'aba mo.

Roma 3:12

A'uwẽ mono bâ ma tô 'Re ihâimana u'âsi mono wi, 're dasipizari za'ra, dahâimanazé iwẽ nhiti. Dasi'uihâ na marĩ iwẽ hã da te 're 'manharĩ waihu'u za'ra mono õ di. Taré ma tô 're danomro. Ni'wam norĩ hã marĩ iwẽ hã te te 're 'manharĩ za'ra mono õ di. Mare uptabi di.

2 Timotiu 4:11

Lucaha si te ĩ'rata nhamra. Ãhã wa, Marcuhu zô rowaimrami mono za, sõpẽtẽ da, asiré we saprõni da, ĩnhimiromhuri na te te 're ĩpawapto mono da.

Filemo 1:10

Ãne ãhã na Onezimuhu ãma, wa za aima rowaihu'u. Wa za duré aiwi rowaptẽ, Onezimuhu ma. Cristuhu zazei'wa te oto 're mo, ta hã. Wanhib'apito wasu'uwẽ hã wa tô tãma waihu'u, dazazéb 're ĩnhamra ré. Ãhã wamhã, ma tô saze. Tahawa, ĩ'ra ne, te oto ĩma 're hâimana, Onezimu hã.

Filemo 1:12

Ĩma hã duré oto sawi di. Ĩma sawi uptabi nherẽ, ãhã na wa za oto Onezimu hã atẽme satõ, ai'rata 're sãmra mono da, apâ.

1 Pedru 2:10

A norĩ wa'wa hã 'Re ihâimana u'âsi mono nhib'a'uwẽ 're anomro aba mono õ di aré. Ãhã na te oto isib'a'uwẽ tãma 're aihâimana za'ra wa'aba mo. Duré da'ãma 're ipẽ'ẽzé mono zé hã asina 're waihu'u za'ra wa'aba mono õ di aré. Ãhã na ma tô oto asina iwaihu'u za'ra wa'wa, da'ãma 're ipẽ'ẽzé mono zé hã.