Ezodu 9:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã apito Fara'o, ma tô Izaraéu nhihudu norĩ 're ihâimana za'ra mono zéb u hã da'mazatõ, niha hã romhâimanazé te te waihu'u da. Ãhã wa, ma tô Izaraéu nhihudu norĩ nhimizama si'utõrĩ'õ na wẽ na isimasam na tãma 'mairowasu'u ni. Tane nherẽ, te tawamhã zahadu simirosa'rata wasété nhiptete u'âsi, tihâimana na hã te te ãma uzusi.

Ezodu 9:7 ပူးပေါင်းရင်းမြစ်များ

Ezodu 3:19

Wa tô waihu'u siro, Ezitu te apito ma, 'Re ihâimana u'âsi mono te te tãma pẽtẽ õ nherẽ, za te te aima iwaprosi za'ra wa'aba õ na, aiwairébé aba da hã.

Ezodu 7:13

Tane nherẽ, Uburé Danhib'apito te te inharĩzéb zarina ma tô apito pẽ'ẽ tete na a'â tô tihâiba. Tahawa, Mozési norĩ Arãhã me, te te tiwi irowaptẽrẽ zahuré zém na te te ãma saze zahuré õ di.

Ezodu 7:14

Tawamhã Uburé Danhib'apito, te Mozésihi ma tinha ãne: — Apito pẽ'ẽ tete na hâimana wa, Ezitu hawi dawairébé da hã te te dama rowairébé õ di.

Ezodu 8:32

Tane nherẽ, apito pẽ'ẽ tete na tihâimana na hã ma tô duré apâ ãma uzusi. Tahawa dasi'aba'ré da hã te te duré dama waprosi za'ra õ di.

Ezodu 9:12

Tane nherẽ, te duré apito simirosa'rata wasété nhiptete na zahadu tihâimana na hã te te uzusi, Uburé Danhib'apito niha na a'â hâimana da, te te tãma i'manharĩzéb zarina. Duré Uburé Danhib'apito, Mozésihi ma, te te inharĩzéb zarina, Arãhã me, te te tiwi irowaptẽrẽ zahuré zém na hã te te wapari zahuré õ di ãma, apito Fara'o hã.

Ezodu 9:8

Tawamhã Uburé Danhib'apito te Mozési norĩ ma, Arãhã me, tãma nharĩ zahuré ãne: — 'Ru'a te za asib'rata na i'aza'ãi wa'wa, ti'a u'ẽne, da te 're isebre za'ra mono zéb 're, 're isimi'wara mono hã. Tawamhã a hã, Mozési te za 'ru'a hã nasi hâimo i'anha za, rowa'u'u nho'rãmi Ezitu te apito nho'a.

Provébiu 29:1

Ni'wa marĩ na te te 're i'upai mono zém na nasi da te tãma pẽtẽ nherẽ, pẽ'ẽ tete na dawi 're hâimana u'âsi mono wamhã, te za siwa'ru bâtâ na po're pu'u õ pese na ropipa hã sô wi.

Daniéu 5:20

Tane nherẽ, ma tô tipẽ'ẽ na hã 're si'madâ'â ze. Ma tô duré si'rep si pẽ'ẽ tete na 're hâimana. Taha zarina ma tô da'madâ'â nhiptetezé hã tiwi sina ti'awi pese.

Roma 9:18

Tahawa, 'Re ihâimana u'âsi mono hã ni'wam norĩ ãma 're pẽ'ẽzé za'ra mono da, te te sima 're wẽ za'ra mono wamhã, te za tô ãma 're pẽ'ẽzé za'ra, ãma 're siwãrĩ za'ra mono da. Duré te te sima 're ida'awẽ mono zéb uwaibaba, te za te te 're da'a'rãnhito, danhimirosa'rata wasété nhiptete na a'â 're dahâimana za'ra mono da.