Ezodu 8:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã duré uti te za asisiwimhã 're sarõtõ za'ra, asib'a'uwẽ norĩ nhisiwimhã, duré aima romhuri'wa norĩ nhisiwimhã.”

Ezodu 8:4 ပူးပေါင်းရင်းမြစ်များ

Ezodu 10:17

Tahawa ã hã ĩwasété na duré asada aba ĩhâimanazém na hã ĩ'ãma 'madâ'â aba õ di za. Te za Uburé Danhib'apito, ate 'Re ihâimana u'âsi mono ma, ĩ'ãma aimreme 'wa, tinhimihâzé ipire te te ĩhawimhã wazere da, ĩdâ'â tõ da.

Ezodu 8:24

Tawamhã ãne Uburé Danhib'apito, 'Re ihâimana u'âsi mono te te rob'manharĩ wamhã, ma tô apito nhimiromhurizé 'ri 'rãihâ u ubu hã asisi. Duré tãma romhuri'wa norĩ nhorõwa u zama ma tô sisisi. Ahâ uptabi wa, te duré nemo 're si'ré. Tahawa uburé Ezitu ãma hã ma duré te te siwi rowamnarĩ.

Ezodu 8:3

Tawamhã Nilu na panho'õmo nhisi 'remhã uti zarãpré hã ahâ uptabi di za. Ta norĩ hã â hawi rob u iwairébé hã te za asimiwaptâ u, aima romhuri'wa norĩ nhorõwa u hã, asib'a'uwẽ norĩ nhorõwa u hã, marĩ zebrezéb u hã, duré i'u'ẽtẽ wai'ozéb u hã uburé sisisi.

Ezodu 8:5

Tawamhã te duré zahadu Mozésihi ma tinha ãne: — Ma'ãpé Arãhã ma nharĩ, pa nho'õmo mono nhisiwi, isipti mono nhisiwi, duré pu'u mono nhisiwi, tinhiwã hã te te wẽ mono da, uti hã ta norĩ hawi wairébé mono da rob u, Ezitu ti'a hã te te siwi i'ubu da hã.

Ezodu 9:28

Ma'ãpé, Asib'apito wa'aba ma, aimreme aba. Tãirãrã hã tã ipĩni nhama ré hã sipari zahuré hâ. Pipa uptabi di! Tawamhã ai'aba'réi wa'aba da hã wa za oto aima waprosi za'ra wa'wa. Tawamhã duré oto i'asimipari zahu aba da hã mare di za.

Daniéu 4:37

Tahawa, wa hã apito Nabucodonozo, wa tô hâiwa ãma apito 'Re ihâimana u'âsi mono ãma hã ĩwata. Uburé marĩ te te 're i'ab'manharĩ mono zé hã i'uwaibaba si. Duré õ hã te za siwa'ru a'uwẽ norĩ 're isi'madâ'â ze za'ẽtẽ za'ra mono norĩ hã te te 're anhisém nomri.