Ezodu 8:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Uburé Danhib'apito, te duré taha parimhã Mozésihi ma tinha ãne: — Apito Fara'oho u duré aimorĩ, ãne na tãma ĩzadawa wasu'u da. “Ĩnhib'a'uwẽ norĩ ma, te za irowairé, ã hã ti'ai wa'õtõ nho'õmo hawi wairébé da, ĩ'ãma 're wata za'ra mono da.

Ezodu 8:1 ပူးပေါင်းရင်းမြစ်များ

Ezodu 3:12

Tawamhã 'Re ihâimana u'âsi mono, ma duré ãma sada'â ãne: — Wa hã wa za asiré ĩhâiba. Niwa nimahã na Ezitu hawi ĩnhib'a'uwẽ awazere wamhã, a norĩ wa'wa te za ã hã ẽtẽ ãma hã ĩ'ãma 're aiwata za'ra wa'aba mo. Tawamhã ãne na te i'asatõrĩzém na te za a hã tô sena na hã iwaihu.

Ezodu 3:18

— Tawamhã duré ãne tãma ĩzadaihu'u za'ra wamhã, te za ĩnhib'a'uwẽ norĩ aiwapari za'ra. Taha pari te za Izaraéu nhihudu norĩ ma i'rãnho'õmo norĩ me hã ai'aba'réi wa'wa, Ezitu te apito ma, nharĩ za'ra wa'aba da hã. Tahawa, te za ãne tãma inharĩ za'ra wa'wa za: “Uburé Danhib'apito, hebreu norĩ te 'Re ihâimana u'âsi mono, ma tô wama za'ra hã sihâi'ré. Tahawa, wama rowairébé za'ra na, a'ubuni wi rop si 're irosa'wari mono u wasi'aba'ré da. Tawamhã wasi'aba'réi ré te za si'ubdatõ bâdâ hã wa'ãma tineb za'ra, Uburé Danhib'apito wate 'Re ihâimana u'âsi mono ma, wanhimizama zata na tãma ãma wanhoprub za'ra da hã.”

Ezodu 4:23

Wa tô aima nharĩ pa, ĩ'ra norĩ ma, waprosi da, asa'rui hawimhã wairébé da, ĩ'ãma si oto 're wata za'ra mono da. Tazahã a hã tãma waprosi za'ra õ di, wairébé da hã. Tahawa, wa za ai'ra aibâ na ãma irosõwada 'rada hã aiwi tiwĩ.”

Ezodu 5:1

Tawamhã Mozési norĩ Arãhã me, ma tô Ezitu te apito u tineb zahuré. Tahawa, te ãne tãma rowasu'u zahuré: — Uburé Danhib'apito, Izaraéu nhihudu norĩ te 'Re ihâimana u'âsi mono hã te tinha ãne: “Ĩnhib'a'uwẽ norĩ ma, te za irowairé, rop si 're irosa'wari mono u si'aba'ré da, tame niha bâtâ na ĩ'ãma 're iwata za'ra mono zém na dato isa'ẽne te te sima 're 'manharĩ za'ra mono da.”

Ezodu 5:3

Tawamhã Mozési norĩ Arãhã me, ma te ãma tãma wa'rãmi zahuré ãne: — Hebreu norĩ te, 'Re ihâimana u'âsi mono, ma tô wei watẽme mo, te te wama nharĩ da. Tahawa, ma'ãpé wama waprosi za'ra na, si'ubdatõ bâtâ 're wazâmorĩ da, rop si 're irosa'wari mono u, Uburé Danhib'apito, wate 'Re ihâimana u'âsi mono ma, ãma tãma wanhoprub za'ra da, danhimizama zata na hã. Wasi'aba'réi õ wamhã, wahâzé na, duré dasi'wapé na te za wama rob'manharĩ za'ra, wasi'utõrĩ da hã.

Ezodu 7:16

Tawamhã te za ãne tãma inha za: “Uburé Danhib'apito, hebreu norĩ te 'Re ihâimana u'âsi mono, te aima sadawa wasu'u da te we ĩzatõ, isib'a'uwẽ norĩ ma waprosi waré wa, oto si'aba'réi hâ, ropsi 're iropsa'wari mono ãma, õhõ ãma si 're wata za'ra mono da. Tane nherẽ, zahadu a hã wapari õ di isimirowaihu'uzé hã.

Ezodu 7:25

Tawamhã Uburé Danhib'apito, panho'u te te â pré'é parimhã, ma tô â waprui ré hã 7 na bâdâ hã ãma mo.

Ezodu 8:2

Tãma waprosi waré za'ra õ wamhã, wa za wa hã ã hã ti'ai wa'õtõ nho'õmo ma rob'manha. Uti zarãpré hã te za nemo te te rob'rãi'ré za.

Ezodu 8:20

Tawamhã Uburé Danhib'apito, Mozésihi ma, te tinha ãne: — Awẽ mararé, apito padawa u morĩ wamhã isõ'rãmi aimorĩ, wa hã Uburé Danhib'apito ãne na te ĩnharĩzém na tãma ĩzadawa wasu'u da: “Ĩnhib'a'uwẽ norĩ ma, ti'ai wa'õtõ nho'õmo hawi wairébé da hã te za tãma iwaprosi su'u za'ra, ĩ'ãma 're wata za'ra mono da.

Ezodu 9:1

Tawamhã Uburé Danhib'apito te Mozésihi ma tinha ãne: — Apito Fara'oho u aimorĩ, Uburé Danhib'apito, hebreu norĩ te 'Re ihâimana u'âsi mono, ãne na te inharĩzém na tãma ĩzadawa wasu'u da: “Ĩnhib'a'uwẽ norĩ ma, ma'ãpé tãma waprosi za'ra na, ã hã ti'ai wa'õtõ nho'õmo hawimhã wairébé da, ĩ'ãma 're wata za'ra mono da.

Zozué 8:18

Tahawa te Uburé Danhib'apito, Zozuéhé ma tinha, ãne: — Ma'ãpé, Ai nho'õmoi baba ate isi'uwazi 'rã'wa hã wẽ na. E marĩ wa. Ã hã 'ri nho'u hã za oto te aima sõmri wa. Tawamhã te te tãma iwaihu'uzéb zarina ma tô ãma sama.