Ezodu 7:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã wa hã, ezipsiu norĩ te hâ za'ra da, oto ĩnhib'rada te sarõtõ wamhã, duré ihawib za'ra Izaraéu nhihudu norĩ te sani za'ra wamhã, te za ezipsiu norĩ hã siwi ĩwaihu'u, wa hã Uburé Danhib'apito uptabi na.

Ezodu 7:5 ပူးပေါင်းရင်းမြစ်များ

Ezodu 10:2

Ta hã ãne na ĩnhimi'manharĩzé ai'ra norĩ ma zama 're wasu'u za'ra wa'aba mono da, duré asihudu norĩ wa'aba ma, ezipsiu norĩ simiza'rese'õ ne ihâimana za'ra zém na ĩnhimiromhõsi pipa te tãma ĩ'manharĩ za'ra zéb zarina. Ãne da, wa tô a'â wa hã nasi 'rãnhitob za'ra. Ãne zarina te za a norĩ wa'wa hã duré asiwi ĩwaihu'u 'wa, wa hã Uburé Danhib'apito na hã.

Ezodu 10:7

Tawamhã ihawi pusi za'u, te apito nhimiromhurizé 'ri za'ẽtẽ 're, te te tãma 're iromhuri za'ra mono tãma nharĩ za'ra ãne, apito ma: — E momo te za ã hã aibâ nhimimnhasizé wama za'ra hã ti'rãsutu. Ma'ãpé, aibâ norĩ satõrĩ waré za'ra na si'aba'ré da, tinhib'apito 'Re ihâimana u'âsi mono ãma, 're wata za'ra mono da. E waihu'u ã bâ bété, Ezitu 're iropsiwamnarĩ pese zém na hã.

Ezodu 14:18

Wa hã ezipsiu norĩ ãma te ai'uté za'ra wamhã, te za siwi ĩwaihu'u, wa hã Uburé Danhib'apito na 're ĩhâimana u'âsi mono na hã.

Ezodu 14:4

Wa hã wa za apito Fara'o pẽ'ẽ tete na hâimana da hã tãma 'manha, asarina za'ra wa'aba 're morĩ da a'â. Tane nherẽ, apito ãma duré ite dasi'wapéi 'manharĩ'wa norĩ ãma hã wa za ai'uté za'ra, ãne na ĩwaihu'u pese zé hã te tãma hâi'ré za'ra da. Ãhã wamhã, te za ezipsiu norĩ siwi ĩwaihu'u, wa hã Uburé Danhib'apito 're ĩhâimana mono na hã. Tawamhã Izaraéu nhihudu norĩ ma tô imreme zarina 'manharĩ za'ra.

Ezodu 18:8

Tawamhã timaprebaba ma, Uburé Danhib'apito Izaraéu nhihudu norĩ tãma isawi zarina, Ezitu te apito Fara'oho ma, duré ezipsiu norĩ ma, uburé marĩ te te tãma i'manharĩ za'ra zé hã ma tô tãma wasu'u. Duré rom na 're danomro mono ré, ropire dama hâimana za'ra wa, te te ida'anho'reptu na zama ma tô tãma wasu'u.

Ezodu 3:20

Tahawa wa za ĩnhiptete na ezipsiu norĩ ma rob'manharĩ wasété za'ra, te ãma hâ za'ra da hã. Taha parip si, te za apito Ezitu hawi aiwairébé aba da hã aima waprosi za'ra wa'wa, azâmorĩ aba da oto.

Ezodu 6:1

Tawamhã Uburé Danhib'apito, te asa tãma tinha ãne, Mozésihi ma: — A hã te za oto i'madâ Ezitu te apito ma, za te i'manharĩzé hã. Ĩwaihu'u pese zarina te tãma iwaihu'u zéb zarina te za ĩnhib'a'uwẽ norĩ si'aba'ré da hã oto tãma rowairébé za'ra. Ĩhe, ĩnhiptete zarina te za Izaraéu nhihudu norĩ ma hã rob'ru za'ra, ite ti'ai wa'õtõ nho'õmo hawi wairébé da hã oto.

Ezodu 6:6

Tahawa ãne Izaraéu nhihudu norĩ ma, ĩzadawa wasu'u za'ra na: “Wa hã Uburé Danhib'apito uptabi. Wa za ĩnhib'a'uwẽ norĩ hã sõ'reptu za'ra Ezitu hawi, ezipsiu norĩ pawa'âbâ ãna te te 're romhuri za'ra mono da, te te 're iwada'uri pese za'ra mono zém hawimhã. Tahawa wa za ĩwaihu'u pese ré ĩpaihi hã sarõtõ, ezipsiu norĩ nhisiwimhã ĩnhimihâzém na sa'ẽtẽ te hâ za'ra da hã. Tawamhã Izaraéu nhihudu norĩ si wa za asõ'reptu za'ra wa'wa za.

Ezodu 7:17

Tahawa 'Re ihâimana u'âsi mono te ãhã na aima tinha: Marĩ te te i'ab'manharĩzé mono na te za Uburé Danhib'apito na hã iwaihu. Apito, ã hã ĩnhiwã ĩnhib'rata ihâimana na wa za asõ'a â hã azâ. Tawamhã te za â wapru na si'manha.

Ezodu 8:10

Tawamhã apito Fara'o ma te ãma tãma wa'rã ãne: — Awẽpsi te za ĩ'ãma aimre, asib'apito ma. Tawamhã Mozési te tãma tinha ãne: — Apito, asima iwẽzé iwaptẽrẽzé hã wa za 'manha. Ãhã wamhã, a hã te za iwaihu, Uburé Danhib'apito ne, aimawi i'maihâimana õ na hã.

Ezodu 8:19

Tawamhã marĩ 'manharĩ waihu'u nhipese'wa norĩ, te apito ma nharĩ za'ra ãne: — 'Re ihâimana u'âsi mono nhib'rata hawim na ma tô ãne hã tiromhâiba. Tane nherẽ, apito Fara'o tipẽ'ẽ tete na tihâimana na hã ma tô ãma uzusi, 'Re ihâimana u'âsi mono te te iwaihu'u siromo zéb zarina. Tahawa Mozési norĩ Arãhã me te te tiwi irowaptẽrẽ zahuré zém na hã te te wapari zahuré õ di.

Ezodu 8:22

Tane nherẽ, taha bâtâ na, ĩnhib'a'uwẽ Gosẽ na rowamri ãma 're ihâimana za'ra mono zéb ãma wa za tãma ba'a za'ra, taha ti'ai 'remhã ubu hâimana tõ da. Ãne wa, te za a hã ĩwaihu, wa hã Uburé Danhib'apito ã hã ti'ai wa'õtõ nho'õmo 're ĩhâimana na hã.