Ezitu ãma apito zada, isahâpâ dama roti'wa norĩ zada, duré isipti'ai ãma uburé a'uwẽ zada, ma tô asimiromhõsi pipa na hã nasi tãma irob'manharĩ za'ra, ta norĩ hã asib'a'uwẽ norĩ ma, te te 're i'manharĩ za'ra mono zéb zarina te te 're irobzépata za'ra mono zé hã aima waihu'u pese wa. Ãne ma tô ãhã na zama ta norĩ wasu'u hã dama sa'rese za'ẽtẽ na hã 're hâimana za'ra.
Ezodu 7:3 - ꞌRe Ihâimana Uꞌâsi Mono Zadawa Wasuꞌu3 Tane nherẽ, pẽ'ẽ tete na hâimana da hã wa za a'â nasi 'rãnhito. Tawamhã ahâ na wa za nasi a'â Ezitu ãma marĩ hã tãma a'manha, ĩnhimiromhõsi pipa na. အခန်းကိုကြည့်ပါ။ |
Ezodu 7:3
25 ပူးပေါင်းရင်းမြစ်များ
Tawamhã Mozési norĩ Arãhã me, ma tô nasi Ezitu te apito nho'remhã ipipa uptabi na nasi tãma romhõsi zahuré. Tane nherẽ, Uburé Danhib'apito, pẽ'ẽ tete na tihâimanazém na te te uzusi da hã ma tô 'rãnhito. Tahawa Izaraéu nhihudu norĩ ti'ai wa'õtõ nho'õmo hawi wairébé da hã te te tãma waprosi za'ra õ di.
Wa hã wa za apito Fara'o pẽ'ẽ tete na hâimana da hã tãma 'manha, asarina za'ra wa'aba 're morĩ da a'â. Tane nherẽ, apito ãma duré ite dasi'wapéi 'manharĩ'wa norĩ ãma hã wa za ai'uté za'ra, ãne na ĩwaihu'u pese zé hã te tãma hâi'ré za'ra da. Ãhã wamhã, te za ezipsiu norĩ siwi ĩwaihu'u, wa hã Uburé Danhib'apito 're ĩhâimana mono na hã. Tawamhã Izaraéu nhihudu norĩ ma tô imreme zarina 'manharĩ za'ra.
Tahawa, te duré 'Re ihâimana u'âsi mono hã tãma tinha ãne, Mozésihi ma: — Ezitu u apâ aimorĩ wamhã, ma'ãpé ãma pibui pese za, apito Fara'oho nho'a ĩwaihu'u pese zé te aima isõmri zarina, marĩ dama i'manharĩ waihu'u'õ hã nasi 'manharĩ da hã. Tane nherẽ, ta hawi Izaraéu nhihudu norĩ ma, te te waprosi tõ da hã wa za a'â nasi ipẽ'ẽ tede hã tãma tisõ.
Tawamhã Uburé Danhib'apito, 'Re ihâimana u'âsi mono te duré tãma tinha ãne: — Asib'rada hã ma'ãpé apâ sẽrẽ, asõ'utu 'remhã. Tawamhã Mozési ma tô apâ tinho'utu 're tinhib'rada hã tisẽ. Tawamhã tinhib'rada tinho'utu hawi apâ te te wazere wamhã, ma tô i'wa're aré ãma iwairébé mono hã tãma aimani za'ra õne haré. Tahawa apâ hã oto sib'rata wẽ di, uburé ihâiba hã wẽ na tãma ihâimana ne.
Tawamhã Pedru hã ma tô duré ãma uzusi, tinhimirowasu'u na, ãne: — Wasiré Izaraéu nhihudu norĩ, ĩwapari pese za'ra wa'aba za. Zezusi hã Nazaré ãma aré 're isãmra mono hã, ta hã, 'Re ihâimana u'âsi mono zadawa para, ma tô te te 're da'apawapto, danho'a. Marĩ iwẽ hã dama i'manharĩ waihu'u'õ hã ma tô te te dama 're ab'manharĩ. Tô sena, õ hã 'Re ihâimana u'âsi mono zadawa para, te te dama 're i'ab'manharĩ mono zém na da te 're waihu'u za'ra mono da, ma tô Timama waihu'u pese zarina marĩ iwẽ hã te te dama 're ab'manharĩ. Ai'rata 're hâimana za'ra wa'aba mono wa, ma tô ãne na hã ãma asiwi i'madâ'â waihu'u 'wa.
Tahawa, ma tô Mozési hã te te danhimro tô, Ezitu hawi. Duré Ezitu ãma zahadu 're sãmra mono ré, ma tô marĩ hã dama i'manharĩ waihu'u'õ hã te te dama 're ab'manharĩ. Â pré na â poré nhisi ãma, ma duré dama rob'manha, iwaihu'u'õ na. A'ubuni wi siwa'ru 're danomro mono ré, ma duré marĩ dama i'manharĩ waihu'u'õ hã te te dama 're ab'manharĩ, 40 na da'ãma wahub za'ra ré.
'Re ihâimana u'âsi mono pẽ'ẽzani hã tiwaihu'u pese na te te 're ĩpawapto mono zém na si, wa tô marĩ dama i'manharĩ waihu'u'õ hã te dama 're ab'manharĩ, zudeu'õ norĩ hã tô sena te te 're saze za'ra mono da, ta norĩ hã. Zeruzalẽ hawi, Iliriza u 're ĩmorĩ ré, wa tô daza'rui mono bâ te dama 're rowasu'u, Cristuhu wasu'uwẽ na hã.
Tahawa, 'Re ihâimana u'âsi mono hã ni'wam norĩ ãma 're pẽ'ẽzé za'ra mono da, te te sima 're wẽ za'ra mono wamhã, te za tô ãma 're pẽ'ẽzé za'ra, ãma 're siwãrĩ za'ra mono da. Duré te te sima 're ida'awẽ mono zéb uwaibaba, te za te te 're da'a'rãnhito, danhimirosa'rata wasété nhiptete na a'â 're dahâimana za'ra mono da.
ကြော်ငြာတွေ