Ezodu 7:2 - ꞌRe Ihâimana Uꞌâsi Mono Zadawa Wasuꞌu

² Tahawa, a hã te za Arãhã ma, uburé te aima iwaihu'u mono zém na, tãma ĩzadawa wasu'u, aimreme nhipai u apito Fara'oho ma, te te rowasu'u mono da, duré te te tiwi waptẽrẽ da, Izaraéu nhihudu norĩ ma, te te iwaprosizé hã isipti'ai hawi wairébé da.

Ezodu 7:2 ပူးပေါင်းရင်းမြစ်များ

Ezodu 4:15

Tawamhã Arãhã ma, a hã rowasu'u wamhã, te za aimreme nhipai u dama tinha. Tawamhã duré wa hã wa za aipawapto wa'wa, niha na dama inharĩ aba zéb da hã. Duré wa za i'ab'manharĩ aba zéb da hã aima waihu'u 'wa.

Ezodu 4:16

Tawamhã Arã te za ai'upa na dama rowasu'u. Tawamhã a hã ĩsine 'Re ihâimana u'âsi mono na tãma aihâimana wa, te za marĩ te te i'manharĩzéb da hã ãma tãma i'arowasu'u mo.

Ezodu 5:1

Tawamhã Mozési norĩ Arãhã me, ma tô Ezitu te apito u tineb zahuré. Tahawa, te ãne tãma rowasu'u zahuré: — Uburé Danhib'apito, Izaraéu nhihudu norĩ te 'Re ihâimana u'âsi mono hã te tinha ãne: “Ĩnhib'a'uwẽ norĩ ma, te za irowairé, rop si 're irosa'wari mono u si'aba'ré da, tame niha bâtâ na ĩ'ãma 're iwata za'ra mono zém na dato isa'ẽne te te sima 're 'manharĩ za'ra mono da.”

Ezodu 6:29

ma tô ãne tãma tinha: — Wa hã Uburé Danhib'apito. Ma'ãpé Ezitu te apito Fara'oho ma tãma ĩzadawa wasu'u na, uburé te aima iwaihu'uzém na hã.

Ezodu 7:6

Tawamhã Mozési norĩ Arãhã me, ma tô Uburé Danhib'apito te te tãma iwaihu'u zahuré zé hã mreme 'manharĩ zahuré.

Mateu 28:20

Te za duré dama 're iroti za'ra wa'aba mo, uburé te aima 're iroti za'ra wa'aba mono zéb zarina, ĩnhimiroti si da te 're 'madâ'â u'âsi za'ra mono da. Õne u'âsi, wa za asiré 're ĩmorĩ u'âsi za'ra wa'wa, ro isi'utõrĩzéb u. Ãne na aipo're si'âri za'ra wa'aba õ di za.