Ezodu 7:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã apito u, Mozési norĩ Arãhã me oto neb zahuré wamhã, ma tô Uburé Danhib'apito te te tãma iwaihu'u zahuré zé hã tãma poto hâi'ré zahuré. Tawamhã Arã, ma tô tinhiwã ti'ai u hã time apito nho'remhã, duré tãma iromhuri'wa norĩ nho'remhã. Ta hã te te mei wamhã, ma tô siwahi isõ'reb za'ra hã.

Ezodu 7:10 ပူးပေါင်းရင်းမြစ်များ

Ezodu 12:28

Tawamhã taha pari oto apâ si'aba'réi wamhã, ma tô Mozési norĩ ma, Arãhã me, 'Re ihâimana u'âsi mono te te tãma iwaihu'u zahuré zé hã siwi 'manha, Izaraéu nhihudu norĩ hã.

Ezodu 4:3

Tawamhã 'Re ihâimana u'âsi mono te tãma tinha ãne: — Ti'ai u ma'ãpé me na, ta wedehu hã. Tawamhã ti'ai u te te ime hã ma tô siwahi. Taha ma, te Mozési tawamhã wara, tãma pahi wa.

Ezodu 7:15

Tahawa asõtõ hâ na za, mararé awẽ wi apito Fara'oho tẽme aimorĩ da, Nilu na panho'õmo nhisi u morĩ ré. Tawamhã te za asiwã isiwahi hã asiré i'â, iré sô asimipari da, pazaihâ na hã.

Ezodu 7:20

Tawamhã Mozési norĩ Arãhã me, 'Re ihâimana u'âsi mono te te tãma i'ru zahuré zéb uwaibaba, ma tô apito nho'remhã duré tãma romhuri'wa norĩ nho'remhã 'manharĩ zahuré. Tawamhã Arã isõ'a za'ra tinhiwã te te isarõtõ na te te ãma â pré'é wamhã, ma tô â hã si'âwapru.

Ezodu 7:6

Tawamhã Mozési norĩ Arãhã me, ma tô Uburé Danhib'apito te te tãma iwaihu'u zahuré zé hã mreme 'manharĩ zahuré.

Ezodu 7:9

— Ezitu ãma apito, niha na marĩ, dama i'manharĩ waihu'u'õ, 'manharĩ aba da, te te aima 'rui wa'aba wamhã, a hã Mozési te za Arãhã ma tãma i'ru, tinhiwã te te âri da, duré ti'ai u te te me da, apito nho'remhã. Tawamhã tinhiwã, ti'ai u te te mei wamhã, te za wahi na si'manha.

Marcu 16:18

Sa'rese ãna, wahi hã te te 're waibui mono nherẽ, duré dapãrĩzé hã te te 're âhuri mono nherẽ, tãma 're rowẽ za'ra mono di za. Duré, tinhib'rata na ihâzé ré norĩ hã te te 're upi za'ra mono wamhã, te za 're séptâ'â za'ra, ihâzé ré norĩ hã.

Luca 10:19

Ĩwapari pese za'ra wa'aba. Wa tô aima waihu'u za'ra wa'wa, ĩzadawa para, wahi norĩ hã duré apa'apa 'wa nhi'oto norĩ hã, aipara na 're simroi wa'aba mono da. Wa'rui'wa hã dama siptete nherẽ, te za asiptete sina tiwi 're anomro aba mo. Tawamhã te te 're aihõsi za'ra wa'aba mono õ di za, wa'rui'wa hã. Niha te te aima 're rob'manharĩ za'ra wa'aba mono õ di za.