Ezodu 6:2 - ꞌRe Ihâimana Uꞌâsi Mono Zadawa Wasuꞌu

² Tawamhã 'Re ihâimana u'âsi mono, te Mozésihi ma tinha ãne: — Wa hã, Uburé Danhib'apito uptabi.

Ezodu 6:2 ပူးပေါင်းရင်းမြစ်များ

Zenezi 15:7

Tawamhã te duré sina tãma tinha ãne: — Wa hã, Uburé Danhib'apito. Wa hã wa tô Babilonia hawimhã we aiwaze, 'rinho'u Ur na isisi hawimhã, ã hã ti'a te aima isõmri da hã ãma 're airo mono da oto.

Ezodu 12:12

— Tawamhã tô taha mara na wa za Ezitu na romnhisi nhisi baba 're mo. 'Re ĩmorĩ wamhã, aibâ dama ipoto'rata za'ra mono hã wa za te dawi hâ za'ra, dawi si'utõrĩ mono da. Duré danhimizama zama wa za te dawi hâ za'ra, aibâ na dama ipoto'rata za'ra mono hã, taha zama dawi si'utõrĩ mono da. Tawamhã hâiwa ãma, waihu'u pese uptabi newa, ãma 're idawata za'ra mono norĩ zama wa za hâ za'ra. E marĩ wa, wa za hâ za'ra. Tô sena, wa hã 'Re ihâimana u'âsi mono, Uburé Danhib'apito uptabi wa.

Ezodu 14:18

Wa hã ezipsiu norĩ ãma te ai'uté za'ra wamhã, te za siwi ĩwaihu'u, wa hã Uburé Danhib'apito na 're ĩhâimana u'âsi mono na hã.

Ezodu 15:3

Uburé Danhib'apito hã isi'wapéi'wa; isisi hã Uburé Danhib'apito.

Ezodu 17:1

Tawamhã Izaraéu nhihudu norĩ, rop si 're irosa'wari mono ãma Sĩ na romnhisi hawi ma tô oto wairé. Wairébé wamhã, ma tô 're nomro, ro mono bâ Uburé Danhib'apito te te tãma iwaihu'u za'ra zéb zarina. Refidĩ na romnhisi ãma ma tô tawamhã sima 'ri nhoré za'ra. Tane nherẽ, tamemhã â hã 'maihâimana õ di, te te i'âhuri da hã.

Ezodu 20:2

— Wa hã Uburé Danhib'apito, ate 'Re ihâimana u'âsi mono 'wa. Wa hã wa tô Ezitu ti'ai hawimhã, aipawa'âbâ ãna 're iromhuri za'ra wa'aba mono zém hawimhã ai'awazere 'wa.

Ezodu 3:14

Tahawa, 'Re ihâimana u'âsi mono te ãne sina tãma tinha: — WA HÃ, tô WA HÃ 'RE ĨHÂIMANA U'ÂSI MONO. Te duré zahadu tãma tinha ãne: — Te za duré tãma inharĩ za'ra za ãne: “Tô WA HÃ 'RE ĨHÂIMANA U'ÂSI MONO, ma tô we atẽme ĩzatõrĩ za'ra wa'wa.

Ezodu 3:15

Uburé Danhib'apito, 'Re ĩhâimana u'âsi mono aihi'rata norĩ te, Abra'ãhã te, Izaquihi te, Zacoho te, ma tô we atẽme za'ra wa'aba hã ĩzatõ. Taha nhisi hã te õne u'â 're hâimana. Tahawa, taha nhisi na te za õne u'â a norĩ wa'wa hã ãma 're asipo're pu'u za'ra wa'aba mo.”

Ezodu 6:29

ma tô ãne tãma tinha: — Wa hã Uburé Danhib'apito. Ma'ãpé Ezitu te apito Fara'oho ma tãma ĩzadawa wasu'u na, uburé te aima iwaihu'uzém na hã.

Ezodu 6:6

Tahawa ãne Izaraéu nhihudu norĩ ma, ĩzadawa wasu'u za'ra na: “Wa hã Uburé Danhib'apito uptabi. Wa za ĩnhib'a'uwẽ norĩ hã sõ'reptu za'ra Ezitu hawi, ezipsiu norĩ pawa'âbâ ãna te te 're romhuri za'ra mono da, te te 're iwada'uri pese za'ra mono zém hawimhã. Tahawa wa za ĩwaihu'u pese ré ĩpaihi hã sarõtõ, ezipsiu norĩ nhisiwimhã ĩnhimihâzém na sa'ẽtẽ te hâ za'ra da hã. Tawamhã Izaraéu nhihudu norĩ si wa za asõ'reptu za'ra wa'wa za.

Ezodu 6:8

Tawamhã wa hã wa za Abra'ãhã ma, Izaquihi ma, duré Zacoho ma, ti'a za te tãma isõmri za'ra zém na te iropisutu u hã te asimroi wa'wa. Tawamhã õ hã ti'a hã wa za aima sõmri za'ra wa'wa, ate na oto aima 're hâimana za'ra wa'aba mono da. Wa hã Uburé Danhib'apito.”