Ezodu 5:7 - ꞌRe Ihâimana Uꞌâsi Mono Zadawa Wasuꞌu

⁷ — Ã hawimhã a'uwẽ norĩ ma, amnho teihi tãma 're sõmri za'ra wa'aba mono õ di za, ti'ai u'ẽne te te ãma 're 'manharĩ za'ra mono da hã. Õ norĩ hã te za oto si'uihâ na te te sima 're ubumro za'ra, za te te ãma 're iromhuri za'ra mono da hã.

Ezodu 5:7 ပူးပေါင်းရင်းမြစ်များ

Zenezi 11:3

Tawamhã ni'wam norĩ hã te nimahã bâtâ na ãne sima nharĩ za'ra: — Oto ti'a u'ẽne, wa te u'ẽtẽ za'ra wa'aba mono, sebre pese na! Ãne wa, te ta norĩ ma, ti'a u'ẽtẽ zebre hã tãma tihâimana za'ra, te te ãma siwi i'ri da hã, ẽne hã ihâimana za'ra upana. Wedewa'u top si te duré tãma tihâimana za'ra, te te ãma siwi i'ri uptob da hã, ti'ai wai'o hã ihâimana upana.

Zenezi 24:25

Wanhorõwa ãma danhotõzéb da hã rob're za'ẽtẽ di. Duré amnho teihi norĩ dui me hã sa'ẽtẽ uptabi di, awaru ba'õmore norĩ sazéb da hã.

Ezodu 5:6

Tawamhã tô taha bâtâ na ma tô apito, dapawa'âbâ ãna dama rob'rui'wa norĩ ma duré danhib'ihâ'a norĩ ma ãne tãma waihu'u za'ra:

Ezodu 5:8

Tane nherẽ, te za a norĩ wa'wa õ norĩ ti'ai u'ẽne te te 're i'manharĩ za'ra mono hã aiwab zô 're isa'rata za'ra wa'aba mo za, sizaba'a ãna te te 're i'manharĩ za'ra mono zô. E marĩ wa. Wa'a za'ra wa, te nasi hã ãne: “Oto danhimizama zata na wate 'Re ihâimana u'âsi mono ma hã wanhoprub za'ra wa'aba!”

Zuize 19:19

Amnho teihi norĩ, dui me hã te wama tihâimana siromo za'ra, awaru po'repore sazéb da hã. I'u'ẽtẽ wapu norĩ hã uwa 'rãi wa'u isé me te duré wama tihâimana za'ra, ĩma da hã, ĩmro prã ma da hã, duré ĩma romhuri'wai ma da hã. Uburé te marĩ hã wama tihâimana za'ra, wawi sô robaba za'ra ãna.