Ezodu 5:2 - ꞌRe Ihâimana Uꞌâsi Mono Zadawa Wasuꞌu

² Tawamhã apito Fara'o te ãma sadanharĩ zahuré ãne: — E 'wa hã bété Asib'apito wa'wa, imreme te iwapari da hã, duré Izaraéu nhihudu norĩ ma, te iwaprosi da hã, ã hawi wairébé da. Asib'apito wa'wa hã ĩma waihu'u õ di. Tahawa Izaraéu nhihudu norĩ ma, ã hawi wairébé da, te tãma irowairébé za'ra da hã mare di za.

Ezodu 5:2 ပူးပေါင်းရင်းမြစ်များ

Neemia 9:10

Ezitu ãma apito zada, isahâpâ dama roti'wa norĩ zada, duré isipti'ai ãma uburé a'uwẽ zada, ma tô asimiromhõsi pipa na hã nasi tãma irob'manharĩ za'ra, ta norĩ hã asib'a'uwẽ norĩ ma, te te 're i'manharĩ za'ra mono zéb zarina te te 're irobzépata za'ra mono zé hã aima waihu'u pese wa. Ãne ma tô ãhã na zama ta norĩ wasu'u hã dama sa'rese za'ẽtẽ na hã 're hâimana za'ra.

Salmu 10:4

Aibâ iwasété ma hã, tarére hã 'Re ihâimana u'âsi mono hã. 'Râwi 're isi'madâ'â zei mono zarina, te ãne te te sima 're rosa'rata: “Ĩma hã, 'Re ihâimana u'âsi mono hã marĩ dai õ di.”

Salmu 14:1

Isimiza'rese'õ norĩ te tipẽ'ẽ na te te sima 're nharĩ za'ra ãne: “Ĩma hã, 'Re ihâimana u'âsi mono hã hâimana õ di.” Ta norĩ hã te iwasété si 're hâimana za'ra. Tahawa, te marĩ iwasété si te te 're 'manharĩ za'ra. Ni'wa hã iwẽ te te 're i'manharĩ mono hã ihâimana'õ uptabi.

Ezodu 3:19

Wa tô waihu'u siro, Ezitu te apito ma, 'Re ihâimana u'âsi mono te te tãma pẽtẽ õ nherẽ, za te te aima iwaprosi za'ra wa'aba õ na, aiwairébé aba da hã.

Ezodu 7:17

Tahawa 'Re ihâimana u'âsi mono te ãhã na aima tinha: Marĩ te te i'ab'manharĩzé mono na te za Uburé Danhib'apito na hã iwaihu. Apito, ã hã ĩnhiwã ĩnhib'rata ihâimana na wa za asõ'a â hã azâ. Tawamhã te za â wapru na si'manha.

Provébiu 30:9

'Re ĩnhimarĩ pese mono 'wa'âhã, wa aré ai'udâ. Wa aré airẽ. Ãne wa aré duré tinha: “Uburé Danhib'apito, te ai'ãma irosa'rata da hã mare di, marĩ dai õ wa.” Duré ĩnhimarĩ ãna 're ĩhâimana mono 'wa'âhã, wa aré 're ĩnhimisaihuri mono da hã 're ĩne. Tawamhã taha zarina wa aré asisi hã te 're upto, ĩte 'Re ihâimana u'âsi mono nhisi hã.

Daniéu 3:15

E tawamhã te za oto ãhã na hã aihi'rãtitõ tãma asimroi wa'wa, ropoto ãma aiwata za'ra wa'aba da hã, danhimnhihârâzé hârâ hã duré rowamremezép ta hã sãna'rata wi. Mare wamhã, tô awa'awi te za unhama ro'o u hã dasiwi asãmra aba ni. E 'wa hã ihâiba'õ 're hâimana mono bâ, te te i'asõ'reptu za'ra wa'aba da hã.

Zuwã 16:3

'Re ihâimana u'âsi mono hã da te dasiwi 're waihu'u mono õ di, Ĩmama na. Ĩzama we te te ĩzatõrĩ na, da te dasiwi 're ĩzaze za'ra mono õ di. Tahawa, ĩzadawa wasu'u'wa 're anomro aba mono nherẽ, te za da te 're ai'ruiwapari u'âsi za'ra wa'wa.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.

2 Tesalonita 1:8

Tawamhã unhama ro'o wa'wam ne na, te za we nhamra, Zezusi hã. Niha na te za ãhã wamhã dama arob'manha, 'Re ihâimana u'âsi mono, da te dasima 're iwẽ'õ pese za'ra mono norĩ ma, duré Wanhib'apito Zezusihi nhiminho'reptuzém na, iwasu'uwẽ te te 're isazei õ za'ra mono norĩ ma zama.

Zuize 2:10

Tawamhã a'uwẽ norĩ hã ma tô duré uburé pese we si'utõrĩ. Tahawa, a'uwẽ ité ma tô duré Uburé Danhib'apito ãma 're po're simrami za'ra, Izaraéu nhihudu norĩ ma, uburé marĩ te te 're i'ab'manharĩ mono zém na zama.

1 Samuéu 2:12

Tawamhã sasedoti Erihi 'ra norĩ hã wasété uptabi za'ra di. Tahawa, Uburé Danhib'apito ãma te te ãma rosa'rata zahuré õ di, te te sima iwẽ'õ zahuré zarina.

1 Samuéu 25:10

Tawamhã Nabau ma tô ãma tãma wa'rãmi za'ra ãne: — E 'wa hã Dawi. E 'wa merẽ Zéséhé 'ra. Niwamhã taha na hã te da'maiwapari õ di. Ãhã na hã te pawa'âbâ ãna dama romhuri'wa norĩ hã ahâ na tinhib'apito wi hã 're simani za'ra.