Ezodu 40:9 - ꞌRe Ihâimana Uꞌâsi Mono Zadawa Wasuꞌu

⁹ — Azeitona wa'u to robdi'izéb da hã âri, 'ri hã, duré uburé marĩ iwa ihâimana za'ra hã ãma saza za'ra da. Taha zarina te za aimawi sipo'o pese na ĩma isa'ra, iwazéb zahi na si ĩma 're hâimana za'ra mono da.

Ezodu 40:9 ပူးပေါင်းရင်းမြစ်များ

Salmu 45:7

Dawẽ na 're idanomro mono zép si, te 're isawi u'âsi mo. Dawasété na 're idanomro mono zép si hã te 're i'ruiwapari u'âsi mo. Tahawa, ate 'Re ihâimana u'âsi mono ma tô aipisutu. Taha zarina ma tô robzezé hã te te aima 're anhomri, uburé ti'ai ãma danhib'apito 're ihâimana za'ra mono norĩ nhipai u hã.

Ezodu 40:8

Taha parimhã 'rimana wi baba te za iwa'ra. Tawamhã dazasizéb ãma te za duré zazahâ hâi wawẽ waré hã isasõ.

Mateu 3:16

Tawamhã â dawabzuri te te tãma 'manharĩ pari, ma tô Zezusi â hawi oto watobro. Watobro wi, ma tô hâiwa hã tãma si'ridawa. Tawamhã Zezusi hã ma tô tisã, 'Re ihâimana u'âsi mono pẽ'ẽzani we itẽme imorĩ hã hâiwa hawi, utu'u ne hã. Tawamhã ma tô ãma za.

Zuwã 3:34

Ti'ra we te te satõrĩ wamhã, ma tô Tipẽ'ẽzani hã tãma tisõ, iré 're morĩ u'âsi da. Tahawa, te Timama nhimiroti si te te dama 're wasu'u.

2 Corĩtu 1:22

Tipẽ'ẽzani hã ma tô duré te te wama 're anhomri, wapẽ'ẽ 're, wama 're ihâimana za'ra mono da hã. E marĩ te tawamhã wama wasu'u za'ra, Ipẽ'ẽzani hã wapẽ'ẽ 're, 're ihâimana mono zé hã. 'Re ihâimana u'âsi mono nhib'a'uwẽ 're iwahâimana za'ra mono zé, te wama wasu'u za'ra. Duré, Ipẽ'ẽzani hã wapẽ'ẽ 're, oto 're sãmra mono wa, wa za wa te 're waihu'u pese za'ra, 'Re ihâimana u'âsi mono, sena na za te te wama ãma 're i'a'uwaimrami mono zém na hã, uburé te te wama 're i'aropisutu mono zéb zarina.

2 Corĩtu 1:4

Wa norĩ hã, Timotiuhu me, uburé marĩ ipire wa te 're sépata mono wamhã, te za tô te te 're wapawapto, wapẽ i're wama 're sa'wari mono da hã. Tahawa, wama waihu'u pese di oto duré, isarina, wa te 're idapawapto mono zéb da hã, wasine 're dapẽ'ẽ nhimi'wara mono da, marĩ ipire hã da te 're sépata za'ra mono wamhã. 'Re ihâimana u'âsi mono te te 're iwapawapto mono ne, wa za tô wa norĩ zama wa te 're dapawaptob za'ra, dapẽ hã i're dama 're simi'wara mono da apâ.

Hebreu 9:21

Tawamhã romhâ 'manharĩ na 'ri nhisiwib zama, ma tô duré wesuirã suiro panhipti wasi hã sãsã'ã, danhimizama wapru na te te ãma di'i da. Uburé marĩ hã 'Re ihâimana u'âsi mono ãma 're idawata za'ra mono zéb da, 'ri para 're isimasa mono nhisiwib zama ma tô duré sãsã'ã, te te ãma adi'i mono da.

1 Zuwã 2:20

A norĩ wa'wa hã ma tô Zezusi hã 're imorĩ wẽ uptabi hã te te 're aipisutu za'ra wa'wa, Timama pẽ'ẽzani hã te te aima 're sõmri za'ra wa'aba mono da. Tahawa, ma tô oto Wamama nhimiroti tô sena uptabi hã aihâiba mono bâ iwaihu'u za'ra wa'wa.