Ezodu 40:5 - ꞌRe Ihâimana Uꞌâsi Mono Zadawa Wasuꞌu

⁵ Wedewa'u isadaze da te ãma 're isazu za'ra mono da, ẽtẽ waipo pré oru na wedezane na 're idanhoprub za'ra mono zé hã sãrĩ za, ĩte wedehâ're nho'remhã. Tawamhã duré sasõmri za zazahâ hâi wawẽ 'ri para u za 're idanhisisi mono zéb ãma hã.

Ezodu 40:5 ပူးပေါင်းရင်းမြစ်များ

Ezodu 40:6

Ĩma danhimizama zatazé 'ri nho're rowimhã sãrĩ za.

Zuwã 14:6

Tawamhã Zezusi ma te asa ãma tãma wa'rã ãne: — Wa hã bâdâdi uptabi na, wa ĩsiwasu'u, duré tô sena na rowaihu'u wẽ nhomri'wa na, duré 're idanomro u'âsi mono zé nhomri'wa na. Tahawa, ni'wa hã ĩ'ãma 're morĩ õ nherẽ, Ĩmama u hã wisi waihu'u õ di za.

Hebreu 9:24

Ãhã wa, Cristu hã dâ'â pari oto duré hâiwa'utu wamhã, ti'ai ãma danhib'rata na da te 're i'ri za'ra mono 'remhã, sébré õ di, 'Re ihâimana u'âsi mono iwa 're isãmra mono zéb u hã. E marĩ wa. Ta hã ti'ai ãma 'ri hã, hâiwa ãma 'ri i'uptabi ne si 're hâimana mono wa, duré i'uptabi õ wa. Hâiwa ãma 'Re ihâimana u'âsi mono hã iwa 're isãmra mono zéb u si ma tô ãzé Cristu hã, tame te te oto wa'ãma 're romhuri u'âsi mono da, Timama nho'a.