Ezodu 32:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã dapo're za'ruzé te te nasi dawi i'awaibu hã ma tô uwa za'ra, powawẽ zapu hâiba na te te 'manharĩ da, ãma 're idawata za'ra mono zéb da hã. Tahawa, te ãne nharĩ za'ra ni: — Izaraéu nhihudu norĩ, ã hã wate za'ra ihâiba'õ 're ihâimana za'ra mono, Ezitu hawi we te te iwazani za'ra!

Ezodu 32:4 ပူးပေါင်းရင်းမြစ်များ

Neemia 9:18

Õ norĩ hã ẽtẽ waipo na powawẽ iba'õmore hâiba hã te te siwi 'manharĩ wamhã, ma tô nharĩ za'ra ãne, Ezitu hawi õ hã te te isani za'ra na hã. 'Re ihâimana u'âsi mono, e niha ma tô ãhã wamhã, õ norĩ hã ai'ãma wasété za'ra!

Ezodu 20:2

— Wa hã Uburé Danhib'apito, ate 'Re ihâimana u'âsi mono 'wa. Wa hã wa tô Ezitu ti'ai hawimhã, aipawa'âbâ ãna 're iromhuri za'ra wa'aba mono zém hawimhã ai'awazere 'wa.

Ezodu 20:23

Romhâiba hã ẽtẽ waipo prã prata na duré ẽtẽ waipo pré oru na asima 're 'manharĩ za'ra wa'aba mono tõ, ĩ'ãma 're i'aiwata za'ra wa'aba mono siré hã, ãma 're aiwata za'ra wa'aba mono da hã.

Ezodu 20:4

— Romhâiba ãma 're aiwata za'ra wa'aba mono da, asima 're 'manharĩ za'ra wa'aba mono tõ, siwa'ru hâiwa na marĩ 're ihâimana za'ra mono na, ti'ai ãmam na, duré â 're ti'ai 'rowi uptabi 're ihâimana za'ra mono na hã.

Ezodu 32:1

Tawamhã Mozési ẽtẽ hawi te te isi'ra su'u õ na da te dasiwi waihu'u wamhã, ma tô Arã hã dasiwi uirĩ ni. Ãne ma tô tãma nharĩ za'ra ni: — Aibâ hã Mozési, Ezitu hawi we te te iwa'awazere ma, niha na tãma iromhâimanazé hã, wa te waihu'u za'ra õ di. Tahawa, ma'ãpé ihâiba'õ norĩ poto awã na niha hã marĩ wama 'manharĩ za'ra na, te te iwanhimroi mono da hã isipai'u.

Ezodu 32:24

Tahawa, wa hã wa tô tãma 'ru za'ra, ni'wam norĩ po're za'ruzé oru 'manharĩ na tãma ihâimana za'ra hã te te ĩma sani za'ra da, te te ĩma sõmri za'ra da. Tawamhã ta norĩ hã unhama u te sãmra wamhã, ma tô powawẽ zapu hâiba na hã si'manha!

Ezodu 32:3

Tahawa, Izaraéu nhihudu norĩ, ẽtẽ waipo pré oru 'manharĩ na tipo're za'ruzé mono bâ te te sani za'ra wamhã, ma tô Arãhã ma ãma tãma sito.

Ezodu 32:35

Tahawa, Uburé Danhib'apito dahâzé na ma tô Izaraéu nhihudu norĩ hã hâ za'ra. E marĩ wa. Ta norĩ hã Arãhã ma, te te 'ru za'ra wa, oru na powawẽ zapu te te 'manharĩ da hã.

Ezodu 32:5

Tawamhã Arã, ãne hã te te 'madâ'â wamhã, ma tô danhimizama zatazéb da, sisiwipsi ẽtẽ za'ra hã 'manha, oru na powawẽ zapu hâiba na ropoto 'manharĩ nho'remhã. Tawamhã ma tô timreme na ãma dama rowasu'u ãne: — Awẽmhã Uburé Danhib'apito ma, dasima rowẽzé dato isa'ẽne te za tihâiba.

Ezodu 32:7

Tahawa, Uburé Danhib'apito te Mozésihi ma tinha ãne: — Ma'ãpé waptu na ẽtẽ hawimhã sa'ẽtẽ si'ra na, asib'a'uwẽ norĩ Ezitu hawi we isani za'ra hã, ma tô aiwamnarĩ za'ra, duré ma tô siwi iwẽ'õ za'ra.

Ezodu 32:8

Bâdâdi te tãma ipisutu za'ra zé hã ma tô waptu na siwi tirẽ. Duré powawẽ zapu ẽtẽ waipo pré oru na te te siwi i'manharĩ ma, ma tô isõ're nasi tãma aiwẽ'ẽ za'ra. Te duré nasi tãma tinhoprub za'ra, danhimizama zata na. Tahawa, te nasi ãne nharĩ za'ra: “Izaraéu nhihudu norĩ, ãhãta ate za'ra wa'wa ihâiba'õ, Ezitu hawi we te te i'asani za'ra wa'wa hã”.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:29

Tahawa, wa norĩ hã 'Re ihâimana u'âsi mono 'ra wamhã, e marĩ na wa za wa te ãma 're rosa'rata za'ra, 'Re ihâimana u'âsi mono ãma hã. E ẽtẽ waipo pré oru 'manharĩ na wa za wa te ãma 're rosa'rata za'ra. E ẽtẽ waipo prã prata 'manharĩ na, e ẽtẽ 'manharĩ na wa za wa te ãma 're rosa'rata za'ra. Mare di. Ãne, wa te ãma 're rosa'rata za'ra mono õ di za. Danhipese na da te 're irob'manharĩ za'ra mono nei õ di, 'Re ihâimana u'âsi mono hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:41

Tahawa, tame ma tô powawẽ zapu hâiba ne hã tãma 'manharĩ za'ra, ãma 're iwata za'ra mono zéb da hã, 'Re ihâimana u'âsi mono upana. Ãhã wamhã, ma te tinhimizama hã duré oto siwi simro, tinhimirob'manharĩ ãma wata za'ra da. Aimawi te te sima rob'manharĩ za'ra wẽ te, ma tô duré dasa hã siwi 'manha.

1 Corĩtu 10:7

Duré ta norĩ ne, romhâiba 'manharĩ ãma waihu'u pese newa, ãma 're idawata za'ra mono ãma, 're wawata za'ra mono tõ da, te duré wama wasu'u za'ra. Duréihã 'Re ihâimana u'âsi mono zadawa 'mahârâ'wa, ma tô ãne na ibaihâ na ãma rob'ui'éré: “Tawamhã dato hã ma tô dasiwi 'manharĩ ni, powawẽ hâiba ne, oru 'manharĩ ãma idawata za'ra zéb da hã. Tahawa, ma tô duré siwa'ru ãma apese za'ra ni, dahâimana wasété si dama wẽ za'ra wa.”

Zuize 8:24

Ma duré tawamhã timreme na ãma tãma uzusi za'ra ãne: — Tane nherẽ, wa za misi haré aiwi rowaptẽrẽ za'ra wa'wa ãne: Aihâiba mono bâ wa'aba te za dapo're za'ruzé, ãma i'ai'uté za'ra wa'aba na isani za'ra wa'wa hã ĩma isõmri za'ra wa'wa. (Midiãnita norĩ, ẽtẽ waipo pré oru 'manharĩ na isi'uwazi nhi'oto na hã, ma tô ãma 're sipo're za'ru za'ra, ta norĩ hã rop si 're irosa'wari mono ãma 're hâimana za'ra mono wa.)

Zuize 8:27

Tawamhã Gidiã, taha oru na ma tô sasedoti nho'utu'u ubuzéb da hã 'manha. Tahawa, ma tô tite 'rinho'u Opra na isisi ãma marĩ na sasõ. Ãhã zarina ma tô uburé Izaraéu nhihudu norĩ, 'Re ihâimana u'âsi mono ãma 're inomro mono zé hã siwi tirẽ. Tahawa, 'Re ihâimana u'âsi mono upana si ma tô taha na 're iwata za'ra mono zéb u si oto 're nomro. Ã hã Gidiãhã ma, duré isib'a'uwẽ norĩ ma, abaze da te ãma 're iwaibui mono zém ne 'râwi ãma 're isisitob za'ra mono zé hã ma tô tãma 're hâimana za'ra.