Ezodu 32:2 - ꞌRe Ihâimana Uꞌâsi Mono Zadawa Wasuꞌu

² Tawamhã Arã, ma te ãma sada'âbâ za'ra ãne: — Ma'ãpé aimro norĩ hã, ẽtẽ waipo pré oru 'manharĩ na ãma 're isipo're za'ru za'ra mono zé hã tiwi sani za'ra wa'aba, ai'ra si'aibâ norĩ te zama, duré ai'ra sipi'õ norĩ te zama, we ĩma 'wasari aba da.

Ezodu 32:2 ပူးပေါင်းရင်းမြစ်များ

Zenezi 24:22

Tawamhã awaru ba'õmore norĩ te te oto âhuri parimhã, ma tô isi'uwazi zapodo, ẽtẽ waipo pré oru 'manharĩ hã ti'â, 6 grama na ipire pibuzé hã. Tawamhã ta hã ma tô isisi're ãma tãma sasõ. Ma tô duré danhipsisizé 100 grama na ipire pibuzé hã tãma tiza.

Zenezi 24:47

Tawamhã wa tô duré sadanha ãne: “E 'wa hã aimama.” Tawamhã ma te ĩzada'â ãne: “Wa hã Betu'éhé 'ra, Milca norĩ nhihudu, Naoho me.” Tawamhã wa tô isisi're ãma isi'uwazi zapodo ãma sasõ. Wa tô duré isipsisizé isimizu ãma hã tãma tiza.

Ezodu 20:23

Romhâiba hã ẽtẽ waipo prã prata na duré ẽtẽ waipo pré oru na asima 're 'manharĩ za'ra wa'aba mono tõ, ĩ'ãma 're i'aiwata za'ra wa'aba mono siré hã, ãma 're aiwata za'ra wa'aba mono da hã.

Ezodu 32:3

Tahawa, Izaraéu nhihudu norĩ, ẽtẽ waipo pré oru 'manharĩ na tipo're za'ruzé mono bâ te te sani za'ra wamhã, ma tô Arãhã ma ãma tãma sito.

Provébiu 25:12

Ni'wai ma, i'rãiwaihu'u wẽ te te tãma ipẽne hã te te iwapari ze zé hã, danhiptõmo hi wasisizé oru na i'manharĩ nhipai u iwẽ uptabi, duré oru na marĩ da te 're i'manharĩ za'ra mono norĩ nhipai u zama iwẽ.