Ezodu 3:9 - ꞌRe Ihâimana Uꞌâsi Mono Zadawa Wasuꞌu

⁹ Sena na da te pawaptob za'ra da, ĩnhib'a'uwẽ nhimirowaptẽrẽ zahi za'ra zé hã wa tô te 're wapari. Ezipsiu norĩ te te tãma 're irob'manharĩ wasété za'ra mono zém na hã wa tô duré te 're 'madâ'â za'ra.

Ezodu 3:9 ပူးပေါင်းရင်းမြစ်များ

Zenezi 16:11

Ma tô, tô aiwasã, ai'ra aima hâimana da hã. Tahawa, te za isisi, Ismaeu na. E marĩ wa. Uburé Danhib'apito, robzépata wa, 're i'asadari mono zé te te wapari wa.

Zenezi 31:12

Timreme na ma duré ãma ĩma uzusi ãne: “Ma'ãpé 'madâ'â za'ra na, uburé pone'ẽrebâ zéré uzé si'aibâ norĩ, tinhipi'õ te te iwasã za'ra hã iwawi si, duré i'upto si. Labã te te aima i'manharĩzé hã te 'madâ'â wa, wa tô ãne wa hã aima 'manha.

Neemia 9:9

“Ma tô wahi'rata norĩ Ezitu ãma te te 're robzépata za'ra mono ré hã 're i'a'madâ'â mo. Duré Âpré na â poré nhisi zaihâi ãma, sadari sina mreme 'rãihâ na te te aiwi irowaptẽrẽ za'ra zé hã, ma tô iwapa.

Ezodu 1:11

Tawamhã ezipsiu norĩ hã Izaraéu nhihudu norĩ, ma tô te te 're wada'uri pese za'ra, romhuri pire na te te 're romhuri pese za'ra mono da, pawa'âbâ õ nherẽ. Tahawa, ma tô duré 'ri wa'õno hã siwi tébré zahuré, Pitõ na 'ri wa'õtõ nhisi, Ramesé na 'ri wa'õtõ nhisi me. Amnho ubumrozéb da, ma tô Apito Fara'oho nhimiwada'uri zarina dasiwi tébré zahuré ni.

Ezodu 1:22

Tahawa, apito Fara'o tinhib'a'uwẽ norĩ ma, ma tô ãne tãma roti za'ra: — Ma'ãpé asiwi ĩwapari aba! Izaraéu nhihudu norĩ 'watébrémi na 're poto za'ra mono wamhã, te za â 're isãmra aba mo, Nilu na pa nho'õmo nhisi ãma. Tane nherẽ, pi'õ na 're ipoto za'ra mono si, te za wẽ na 're prédub za'ra za.

Ezodu 1:8

Tawamhã Zuzéhé uirĩ na Zuzé tãma isa'rese'õ hã ma tô apito ité hã ãzé, Ezitu ãma.

Ezodu 2:23

Tawamhã ãma wahub ahâ pari, ma tô Ezitu te apito hã dârâ. Tane nherẽ, te i'uirĩ na zahadu Izaraéu nhihudu norĩ hã te te 're robzépata za'ra, ezipsiu norĩ te te 're iwada'uri pese za'ra mono zéb zarina. Tahawa te mreme 'rãihâ na 'Re ihâimana u'âsi mono wi, te te 're rowaptẽrẽ za'ra, te te 're pawaptob za'ra mono da hã. Tahawa, ma tô isimirowaptẽrẽ za'ra zé hã itẽmemhã 're simasisi, 'Re ihâimana u'âsi mono u.

Ezodu 2:25

Izaraéu nhihudu norĩ, pawa'âbâ ãna te te 're iromhuri za'ra mono zé hã ma tô 'madâ. Tahawa oto ãma hâtâ'â za'ra di.

Ezodu 3:7

Tawamhã Uburé Danhib'apito te ãne duré tãma tinha: — Ezitu ãma ĩnhib'a'uwẽ norĩ ma, da te tãma 're irob'manharĩ wasété za'ra mono zém na hã wa tô te 're 'madâ'â za'ra. Duré tiwada'uri'wa norĩ wi, da te pawaptob za'ra da, te te 're irowaptẽrẽ za'ra mono zé hã wa tô te 're wapari. Wa hã ĩma waihu'u pese di, te te tô 're irobzépata za'ra mono zé hã.

1 Samuéu 9:16

— Awẽmhã tô ãne bâtâ na wa za we aibâ hã atẽme satõ, Bẽzamihĩ nhihudu hã. Tawamhã a hã te za i'rãti za ĩnhib'a'uwẽ Izaraéu nhihudu norĩ te, i'rãnho'õmo da hã. Duré ta hã te za Izaraéu nhihudu norĩ hã anho'reptu, filisteu norĩ nhiptetezé wi hã. E marĩ wa. Wa hã wa tô te 're 'madâ'â, ĩnhib'a'uwẽ te te 're irobzépata za'ra mono zé hã. Duré wa tô te 're wapari za'ra, te 're pawaptob za'ra mono da, te te ĩwi 're irowaptẽrẽ za'ra mono zé hã.