Ezodu 3:8 - ꞌRe Ihâimana Uꞌâsi Mono Zadawa Wasuꞌu

⁸ Tahawa wa tô we si'ra, ezipsiu norĩ siptete na 're ihâimana za'ra mono hawi te dawazere da, ta hawi duré ti'a ĩsa'ẽne iwẽ u te danhimro mono da, ti'a iwẽ ãma cananeu norĩ, hitita norĩ, amoreu norĩ, perizeu norĩ, heveu norĩ, duré zebuzeu norĩ iwa 're ihâimana za'ra mono zéb u.

Ezodu 3:8 ပူးပေါင်းရင်းမြစ်များ

Zenezi 11:5

Tawamhã Uburé Danhib'apito, 'ri 'rãihâ a'uwẽ te te siwi i'ri, te te 'madâ'â da hã ma tô si'ra.

Zenezi 11:7

Tahawa, oto wa te si'ra za'ra na, 're imreme zusi mono zé hã wa te tiwi 'wa'rutu za'ra da, marĩ na te te sima 're nharĩ za'ra mono wa, oto 're sisadaihu'u za'ra mono tõ da.

Zenezi 15:13

Tawamhã Uburé Danhib'apito te tãma tinha ãne: — Ma'ãpé waihu'u. Sena na te za asihudu norĩ tisiré a'uwẽ'õ norĩ te ti'ai wa'õtõ nho'õmo ãma 're hâimana za'ra. Tame te za pawa'âbâ ãna te te dama 're romhuri za'ra. Tahawa, te za da te tãma 're rob'manharĩ wasété za'ra, 400 wahub 'remhã.

Zenezi 15:14

Tane nherẽ, pawa'âbâ ãna te te 're romhuri za'ra mono da, te te tãma 're irob'manharĩ wasété za'ra mono norĩ hã wa za hâ za'ra. Tawamhã asihudu norĩ apto'o ré te za ta norĩ nhipti'ai hawimhã sima iwẽ na wairé. Tahawa, te za isimarĩ za'ra hã siré 'wasa, iwa'âbâ za'ẽtẽ mono hã.

Zenezi 18:21

Tahawa, õwamhã ĩmorĩ da si, dawasédé te 're iwapari mono, sena zô te waihu'u da, duré niha wamhã, taré na te waihu'u da.

Zenezi 43:11

Tawamhã te imama ãne tãma tinha: — Niha hã aimawi hã te oto aima waihu'u õ di. Tahawa ãne te za pé asiwi i'manharĩ 'wa za: Õ hã aibâ ma, taré tãma asõprub za'ra wa'aba zéb da hã te za ate wa'aba mono bâ sa'ui 're asiwi iséme aba mo. Wanhipti'ai 're, marĩ iwẽ 're ihâimana za'ra mono hã te za tãma i'wasari 'wa, taré tãma sõmri za'ra wa'aba da, suru na ba'usamo na wedewa'u tom nhisi hã, suru na ropĩ hã, suru na dasaiwarĩrĩzé hã, duré suru na amiduwi sine hã.

Zenezi 46:4

Wa hã wa za Ezitu u hã asiré mo. Apâ wa za duré asihudu norĩ hã we te simro, ã hã ti'ai u hã. Tawamhã nimahã na oto asi'ré wamhã, te za ai'ra Zuzé hã asababa tihâiba za.

Zenezi 50:24

Tawamhã nimahã bâtâ na te Zuzé, tisisãnawã norĩ ma sina tãma nharĩ za'ra ãne: — Nimahã na romhutu na wa za tô oto dârâ. Tane nherẽ, ĩ'uirĩ na te za tô sena na 'Re ihâimana u'âsi mono si te te 're aipawaptob za'ra wa'wa. Duré taha si te za ã hã ti'ai wa'õtõ nho'õmo hawimhã apâ te te asimroi wa'wa, Abra'ãhã ma, Izaquihi ma, duré Zacoho ma, te te ãma iropisutu siromo u.

Neemia 9:8

Ta hã te te sina 're i'ai'umnhasi mono zém na 're waihu'u mono wa, ma tô asimiropisutu zahi hã tãma i'manha. Ma tô duré tãma iropisu, cananeu norĩ nhipti'a tãma sõmri da hã, hitita norĩ nhipti'a hã, amoreu norĩ nhipti'a hã, perizeu norĩ nhipti'a hã, zebuzeu norĩ nhipti'a hã, duré gigazeu norĩ nhipti'a hã, isihudu norĩ hã iwa 're ihâimana za'ra mono zéb da hã. A hã ma tô tãma iropisutuzé hã isuwa, sena na 're aihâimana mono wa.

Salmu 34:8

Ma'ãpé niha zô tẽ'ẽ za'ra wa'aba, Uburé Danhib'apito wẽ na 're ihâimana mono na waihu'u za'ra wa'aba da. Ni'wam norĩ hã 'Re ihâimana u'âsi mono, i'wawi 're isimapa za'ra mono zéb zô 're isõpré mono norĩ si, te za to sina hã 're hâimana u'âsi za'ra.

Salmu 91:15

Ta norĩ hã te te 're ĩ'mahârâ za'ra mono wamhã, wa za te 're azada'âbâ. Duré ropire 're, 're hâimana za'ra mono ré hã, wa za tô isiré 're ĩhâimana u'âsi za'ra. Ta norĩ te duré 're anho'reptui mono wamhã, dama wazé pese na 're hâimana za'ra mono da hã, wa za niha na te tãma 're ab'manharĩ.

Ezodu 12:41

Tawamhã tô ta bâtâ na ãma iwahub za'ra hã waptã'ã wi, ma oto Ezitu hawi wairé, 'Re ihâimana u'âsi mono nhib'a'uwẽ norĩ hã, Zacoho 'ra norĩ nhihudu mono bâ.

Ezodu 12:51

Tô taha bâtâ na ma tô Uburé Danhib'apito hã Ezitu hawi sani za'ra, Izaraéu nhihudu norĩ hã.

Ezodu 13:5

Uburé Danhib'apito tô sena ma tô duréihã aihi'rata norĩ wa'aba ma hã ropisutu, i'uirĩ na za'ra ti'a te te aima sõmri za'ra wa'aba da, cananeu norĩ te hã, hitita norĩ te hã, amoreu norĩ te hã, heveu norĩ te hã, duré zebuzeu norĩ te zama. Ta hã ti'a hã iwẽ, duré ãma iropoto wẽ. Tawamhã 'Re ihâimana u'âsi mono nimahã bâtâ na ti'ai u te te oto asimroi wa'aba mono wamhã, tawamhã a norĩ wa'wa hã te za dato hã 're i'manharĩ za'ra wa'aba mo, wahub sidâpâsi a'amo za'ratazé imorĩ'rada iwa 're iwaptã'ã mono sidâpâsi.

Ezodu 3:17

Wa hã wa tô rowairébé, Ezitu ãma da te tãma 're irob'manharĩ wasété za'ra mono zém hawi te sani za'ra da hã. Tahawa wa za te simro ti'ai wẽ u, duré ti'a simarĩ pese na 're isa'wari mono u, cananeu norĩ iwa 're ihâimana za'ra mono zéb u, hitita, amoreu, perizeu, heveu, duré zebuzeu.”

Ezodu 34:11

Ma'ãpé ĩnhimiroti ãhã na te aima isõmri za'ra wa'wa hã 're wapari pese za'ra wa'aba mono. Tahawa, aiwana wa'aba wa za amoreu norĩ hã, cananeu norĩ hã, hitita norĩ hã, perizeu norĩ hã, heveu norĩ hã, duré zebuzeu norĩ hã te wano'õ za'ra za, ti'ai hawimhã.

Ezodu 5:23

Ezitu te apito ma, asisi na te tãma irobzanhamri hawi ma tô õ hã ã hã a'uwẽ norĩ ma hã rob'manharĩ wasété za'ra. Tane nherẽ, a hã ãma aime zara õ di. Duré sõ'reptu za'ra õ di.

Zuwã 3:13

Ni'wa hã hâiwa u sébré õ di, apâ wei morĩ da, hâiwa ãma romhâimanazé hã te te dama 're wasu'u mono da. Ti'ai ãma Dasiré Ipodo hã siwaprosi, te we hâiwa hawi mo, te te dama 're rowasu'u mono da hã.

Zuwã 6:38

Wa hã hâiwa hawi wa wei mo. E marĩ da. E 'râwi ĩnhimiroti si te ĩsima 're 'madâ'â mono da. Mare di. 'Râwi ĩnhimiroti si te ĩsima 're 'madâ'â mono da, we ĩmorĩ õ di. We ĩzatõrĩ'wa nhimiroti si te 're 'madâ'â mono da hã, wa tô wei mo.

Zozué 5:6

40 na ãma iwahub za'ra na ma tô Izaraéu nhihudu norĩ hã 're nomro, supara 'ré na si. Taha ré, uburé aibâ hã za oto 're isi'wapé za'ra mono wabre ãma iwahub za'ra hã Ezitu hawi iwairébé norĩ hã ma tô tidâ'â za'ra. E marĩ wa. Uburé Danhib'apito nhimiroti te te 're wapari za'ra mono õ wa. Tahawa ma tô 'Re ihâimana u'âsi mono hã sena na tãma ropisutu za'ra, ti'a iwe isimarĩ pe hã titõmo na te te i'madâ'â za'ra da hã, te te tãma isa'ré za'ra õ na, ihi'rata za'ra norĩ ma, te te ãma tãma iropisutu za'ra hã, i'uirĩ na te te wama isõmri za'ra da hã.

Zozué 9:1

Tawamhã Zodã pa bâtâ zasizém niwĩ, uburé apito 're ihâimana za'ra mono norĩ hã ma tô ãne na Izaraéu nhihudu norĩ te te da'ãma i'ai'uté za'ra zé hã waihu'u za'ra, ẽtẽ ãma 're ihâimana za'ra mono norĩ hã duré romharé ãmam norĩ hã, duré uburé âporé Mediterãniu zaihâ ãmam norĩ zama, Libanu na romnhisi u hã. Ta norĩ te apito, hitita norĩ te hã, amoreu norĩ te hã, cananeu norĩ te hã, perizeu norĩ te hã, heveu norĩ te hã, duré zebuzeu norĩ te hã.

Zozué 9:7

Tane nherẽ, te Izaraéu nhihudu norĩ aibâ norĩ hã tãma nharĩ za'ra, ãne: — Ãté te 'râwimhã 're aihâimana za'ra wa'aba mo, wa'ratab za'ra. E niha wa za wasiwapari pire zém na wasisazezé hã wasima 'manharĩ za'ra ni.