Ezodu 3:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã 'Re ihâimana u'âsi mono, ma duré ãma sada'â ãne: — Wa hã wa za asiré ĩhâiba. Niwa nimahã na Ezitu hawi ĩnhib'a'uwẽ awazere wamhã, a norĩ wa'wa te za ã hã ẽtẽ ãma hã ĩ'ãma 're aiwata za'ra wa'aba mo. Tawamhã ãne na te i'asatõrĩzém na te za a hã tô sena na hã iwaihu.

Ezodu 3:12 ပူးပေါင်းရင်းမြစ်များ

Zozué 1:5

Tawamhã niwamhã da te ai'ãma i'ai'uté da hã mare di za. E marĩ wa. Wa hã za asiré 're ĩhâimana u'âsi mono wa, Mozésihi siré 're ĩhâimana mono ne. Niwamhã te airẽme õ di za.

Roma 8:31

'Re ihâimana u'âsi mono hã ãne hã te te wama 're apisutu mono wamhã, e niha wa za tawamhã 're wahâimana za'ra. Ta hã, wa niwĩ oto 're hâimana za'ra mono wa, e 'wa hã te za wa'ãma ai'uté. Mare di. Uburé wanhitob'ru norĩ nhiptetezé hã, tarére 'Re ihâimana u'âsi mono ma hã.

Zenezi 31:3

Tawamhã Uburé Danhib'apito te Zacoho ma tinha ãne: — Aimama norĩ nhipti'ai u te za oto apâ aimo, asiré a'uwẽ asisãnawã norĩ 're ihâimana za'ra mono zéb u. Wa hã wa za asiré ĩhâiba.

Ezodu 4:15

Tawamhã Arãhã ma, a hã rowasu'u wamhã, te za aimreme nhipai u dama tinha. Tawamhã duré wa hã wa za aipawapto wa'wa, niha na dama inharĩ aba zéb da hã. Duré wa za i'ab'manharĩ aba zéb da hã aima waihu'u 'wa.

Ezodu 4:12

Tahawa te za ãhã na awa'awi na datẽme aimo. Wa hã datẽme aimorĩ wamhã, wa za aipawapto, aimreme zani wẽ da, te aima iwaihu'uzéb zarina, ãma dama rowasu'u da hã.

Mateu 28:20

Te za duré dama 're iroti za'ra wa'aba mo, uburé te aima 're iroti za'ra wa'aba mono zéb zarina, ĩnhimiroti si da te 're 'madâ'â u'âsi za'ra mono da. Õne u'âsi, wa za asiré 're ĩmorĩ u'âsi za'ra wa'wa, ro isi'utõrĩzéb u. Ãne na aipo're si'âri za'ra wa'aba õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:21

Tawamhã Wanhib'apito hã ma tô õ norĩ hã pawaptob za'ra, tiwaihu'u pese na. Tahawa, da'ahâ na ma tô saze za'ra ni oto, Wanhib'apito niwĩ 're dahâimana za'ra mono da oto.

Marcu 16:20

Tawamhã isiré 're inomro mono norĩ hã isadawa para, ma tô te te ropé daro mono bâ, iwasu'uwẽ na te te 're dapo're pu'u za'ra mono da. Wanhib'apito hã ma tô te te 're pawaptob za'ra, isimi'manharĩ waihu'u pese zarina, marĩ dama i'manharĩ waihu'u'õ hã te te dama 're ab'manharĩ wẽ mono da, isimirowasu'u za'ra na tô sena uptabi, da te 're waihu'u za'ra mono da.

Hebreu 13:5

Rob'uiprazéb zawizé, te te aima 're roti za'ra wa'aba mono tõ da, tãma asina 're rowairébé za'ra wa'aba mono õ di za. Asibro hã aima 're ihâimana za'ra wa'aba mono na si, te za asima 're irowẽ za'ra wa'aba mo. Duréihã 'Re ihâimana u'âsi mono hã ma tô ãne dama sina ropisutu: “Niwamhã te airẽme za'ra wa'aba õ di za. Duré asiwaprosi 're aihâimana za'ra wa'aba mono da, asiti za'ra wa'aba 're ĩhâimana waihu'u mono õ di za.”

Zuize 7:11

Tawamhã a hã te te sima irowasu'u za'ra zé wapari wamhã, te za aipẽ'ẽ nhiptete sina aihâiba za, a'wapé da, ite za'ra 'ri ãma. Tawamhã Gidiã norĩ, tipawapto'wai me, isitob'ru norĩ te romhâ 'manharĩ na 'ri isisõré mono 'ri mana u hã ma tô oto si'ra zahuré, te te sina rotété zahuré da.

Zuize 6:21

Tahawa, Hâiwa ãma Romhuri'wa, tinhib'rata wedehu te te 're i'âri hã ma tô sarõtõ hâimo. Taha 'rãsutu na ma tô romnhi hã, i'u'ẽtẽ wapu me hã ãma upi zahuré. Tawamhã ẽtẽ hawi uzâ iro'o watobro na, ma tô romnhi norĩ hã, i'u'ẽtẽ wapu me hã ãma sazu zahuré. Ãhã pari ma tô hâiwa ãma romhuri'wa zô hã oto tirobaba.

Zuize 6:17

Tawamhã Gidiã, ma te duré ãne ãma sada'â: — Ĩma aipẽ'ẽ toi wamhã, ma'ãpé tô marĩ ĩma 'manharĩ, sena tô a hã ĩma nharĩ wamhã.

Zenezi 15:1

Tawamhã ãhã parip si Abrã ma tô sõtõ 'rowim ne marĩ 'madâ. Taha na te Uburé Danhib'apito ãne tãma tinha: — Abrã, aipahi tõ. Marĩ isimimnhasi wi wa za wa hã 're ĩsimapa, ai'wawi. Duré iwẽ wa za te aima 're anhomri.

Zenezi 15:8

Tawamhã Abrã te asa tãma tinha ãne: — Uburé Danhib'apito, ĩte 'Re hâimana u'âsi mono, e niha wa za waihu'u, sena na ã ti'a na za ãma ĩsite da na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:7

Tawamhã wa za te 're 'ruiwa'âbâ za'ra. Marĩ, wa za asa te 're ab'manharĩ, daza'ru tede'wa norĩ ma hã asihudu norĩ wi, 're robzei'õ za'ra mono wa. Taha parip si, asihudu norĩ hã te za wei wairé apâ. Tawamhã ãme te za ĩ'ãma 're dawata za'ra oto.” Ãne te tãma ropisutu, 'Re ihâimana u'âsi mono hã.

Ezodu 3:1

Tawamhã Mozési te oto pone'ẽrebâ te te 're a'madâ'â, timaprebaba ma, Zetru sasedoti Midiã na romnhisi ãma 're isãmra mono ma. Tawamhã nimahã bâtâ na ma tô pone'ẽrebâ te te simro, ti'a zada'ré amoi u, rop si 're irosa'wari mono wa'wai baba. Taha wamhã, ẽtẽ 'rãihâ iwazéb zahi, Sina'i na isisi na 're ihâimana mono u ma tô oto wi.

Ezodu 3:13

Tane nherẽ Mozési, te 'Re ihâimana u'âsi mono ma ãne tãma tinha: — Izaraéu nhihudu norĩ u ĩmorĩ wamhã, duré ãne te tãma rowasu'u za'ra wamhã: “Aihi'rata norĩ te, 'Re ihâimana u'âsi mono hã ma tô we atẽme ĩzatõrĩ za'ra wa'wa”, te za siwi ĩzadanha, ãne: “E niha tawamhã isisi.” Tawamhã e niha wa za ãma tãma wa'rãmi za'ra za.

Ezodu 18:5

Tawamhã Zetru, Mozésihi maprewa, ti'ra sipi'õi ré, maparane i'ra norĩ ré, ma tô supara 'ré na ropsi 're iropsa'wari mono ãma Mozési te te sima i'ri nhoré u hã mo, ẽne iwazéb zahi ãma.

Ezodu 33:14

Tawamhã 'Re ihâimana u'âsi mono, ma te ãma sada'â ãne: — Asiré wa za mo tô. Aiwa'utuzé hã wa za te aima 're sõmri.

Zuize 6:16

Tane nherẽ, Uburé Danhib'apito te duré ãne tãma tinha: — Tane nherẽ, te za ãne hã i'manha, wa hã za te aipawapto wa. Tahawa te za a hã midiãnita norĩ ãma uburé i'ai'uté za'ra, ihâiba za'ra aima hã misi dahâiba ne.

Zenezi 26:3

Ãme te za tô a'â 're aihâimana mo. Tawamhã wa hã wa za asiré 're ĩhâimana. Wa za duré iwẽ hã te aima 're apisutu u'âsi. Asihudu norĩ ma, wa za ã hã uburé ti'a hã te tãma 're anhomri. Ãhã wamhã, wa za ãma tãma uwaimra, aimama Abra'ãhã ma, ĩnhimiropisudu te tãma i'manharĩzé hã.

Ezodu 8:27

Wa za tô rop si 're irosa'wari mono u si'ubdatõ bâtâ 'remhã wazâmorĩ ni, tô Uburé Danhib'apito te te wama iwaihu'uzéb zarina danhimizama zata na ãma tãma 're wanhoprub za'ra mono da, ro te te ipisutu tẽme iwasihutuzéb u.

Zuize 6:12

Tawamhã Uburé Danhib'apito ma Romhuri'wa ma tô tãma sihâi'ré. Tawamhã ma tô tãma tinha ãne: — Dasi'wapéi 'manharĩ'wa asib'ru, Uburé Danhib'apito te tô asiré hã 're hâimana!

1 Samuéu 14:10

Tane nherẽ, ihâimana za'ra zéb u waneb da, te te wama nharĩ za'ra wamhã, wa za tô duré a'â wanem ni. E marĩ wa. Ãne wamhã, Wanhib'apito 'Re ihâimana u'âsi mono, wanhib'rata za te te wama ihâiba nhomri za'ra zé hã te wasu'u, za wa te duré ãma i'ai'uté za'ra zéb da hã.