Ezodu 3:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Mozési te oto pone'ẽrebâ te te 're a'madâ'â, timaprebaba ma, Zetru sasedoti Midiã na romnhisi ãma 're isãmra mono ma. Tawamhã nimahã bâtâ na ma tô pone'ẽrebâ te te simro, ti'a zada'ré amoi u, rop si 're irosa'wari mono wa'wai baba. Taha wamhã, ẽtẽ 'rãihâ iwazéb zahi, Sina'i na isisi na 're ihâimana mono u ma tô oto wi.

Ezodu 3:1 ပူးပေါင်းရင်းမြစ်များ

Ezodu 17:6

Tawamhã wa hã wa za ẽtẽ nhisiwimhã asõ'remhã za, Sina'i na ẽtẽ nhisi ãmamhã. Tawamhã a hã te za ẽtẽ tõmo wawẽ hã i'azâ, ihawi â ipu'u da hã, da te âhuri da. Ãne ma tô Mozési hã 'manha, Izaraéu nhihudu nhib'ihâ'a norĩ nho'a.

Ezodu 18:12

Tawamhã Zetru, Mozésihi maprewa, 'Re ihâimana u'âsi mono ma, ma tô tinhimizama zata na tãma tinhopru. Tahawa, ma tô Arã norĩ hã, uburé Izaraéu nhihudu nhib'ihâ'a norĩ me hã ime ai'aba'ré, 'Re ihâimana u'âsi mono nho're imaprebaba siré saihuri da hã.

Ezodu 19:11

Tawamhã awẽb amo na da, te za danhimire sina tahâimana za'ra ni. Taha bâtâ na wa za Sina'i na ẽtẽ 'rãihâ nhisi u hã si'ra, za da te dasiwi ĩ'madâ'â da hã.

Ezodu 19:3

Tawamhã Mozési, 'Re ihâimana u'âsi mono te te sõpẽtẽ da, ma tô ẽtẽ na sai'u. Tawamhã Uburé Danhib'apito ma tô ẽtẽ nhisi hawi 'mahâ, Mozési hã. Ãne te tãma tinha: — Zacoho nhihudu norĩ ma, te za tãma inharĩ za'ra, Izaraéu nhihudu norĩ ma, ãne:

Ezodu 2:18

Tawamhã pi'õ norĩ, imama 're isãmra mono zéb u apâ sihutu wamhã, ma tô imama hã sadanharĩ za'ra ãne: — Oro ma we apâre aihutu 'wa.

Ezodu 2:21

Tawamhã Zetru, Mozési te hâiba waptẽ, i'rata 're hâimana mono da. Tahawa, ma tô sina saze, tô i'rata 're hâimana mono da hã. Tawamhã Zetru ma tô ti'ra Zipora na isisi Mozésihi ma tisõ, ãma mro da.

Ezodu 24:13

Tawamhã Mozési, Zozué tipawapto'wai me ma tô oto sima rob'upsãtã pese zahuré. Tawamhã Mozési hâiba si ma tô ẽtẽ 'rãihâ iwazéb zahi na hã sai'u.

Ezodu 3:12

Tawamhã 'Re ihâimana u'âsi mono, ma duré ãma sada'â ãne: — Wa hã wa za asiré ĩhâiba. Niwa nimahã na Ezitu hawi ĩnhib'a'uwẽ awazere wamhã, a norĩ wa'wa te za ã hã ẽtẽ ãma hã ĩ'ãma 're aiwata za'ra wa'aba mo. Tawamhã ãne na te i'asatõrĩzém na te za a hã tô sena na hã iwaihu.

Ezodu 3:5

Tawamhã 'Re ihâimana u'âsi mono hã te tãma tinha ãne: — Tame asimizazâri. 'Râwi we ĩtẽme aimorĩ tõ! Ma'ãpé aipara'uza hã sani na. E marĩ wa. Ta ti'a iwa i'asa hã iwazéb zahi wa. Te duré tãma nharĩ na sahu ãne, 'Re ihâimana u'âsi mono hã:

Ezodu 33:6

Tawamhã ãne Izaraéu nhihudu norĩ, ẽne Sina'i hawi iwairébé hawim haré, tisipesezém na ãma 're si'ma'wamarĩ za'ra mono õ di.

Ezodu 4:18

Tawamhã Mozési, timaprewa Zetruhu nhorõwa u ma tô mo. Tahawa, te ãne tãma tinha: — Ĩma rowairébé, a'â Ezitu u apâ ĩmorĩ da wasisabu za'ra da. Wa tô ĩsima wẽ, te sabu za'ra da zahadu rowẽ na 're hâimana za'ra mono zô. Tawamhã Zetru ma te ãma sada'â ãne: — Rowẽ na aimorĩ za!

Ezodu 4:27

Uburé Danhib'apito, iwana ré ma tô Arã hã po're pu'u siro ãne: — Mo oto aimorĩ rop si 're irosa'wari mono u, Mozési sõpẽtẽ da. Ãhã wa, Arã morĩ wamhã, ma tô ẽne iwazéb zahi i'rãihâ ãma sõpẽtẽ, Mozési hã. Tawamhã ma tô duré tob'rata hârâ na sawi.

Luca 2:8

Tamemhã pone'ẽrebâ 'madâ'â'wa norĩ hã ma tô mara bâre asimro, Belẽ 'rata. Tinhimizama te 'madâ'â za'ra a'ubuni wimhã, rom na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:30

— Midiã ãma 're sãmra mono ré hã, ma tô ãma tiwahu, 40 na. Tawamhã nimahã bâtâ na ma tô 'Re ihâimana u'âsi mono ma romhuri'wa hã itẽme sihâi'ré, hâiwa hawimhã. Sina'i na ẽtẽ 'rãihâ nhisi 'rata, ma tô itẽme sihâi'ré, a'ubuni u, wede zapore ro'o wa'wa.

Zuize 4:11

Tahawa, queneu Hébé, tisiré norĩ wi ma tô ãma aipo'o za'ra, Mozésihi ãrewa Hobabehe nhihudu norĩ na hã. Ta hã ma tô romhâ 'manharĩ na 'ri hã sima sõré, Za'anani na romnhisi ãma carvariu na wede nhisi 'rata, Quedesi 'rata 're ihâimana mono ãma.

1 Samuéu 16:11

Tahawa, te Zésé sadanha ãne: — E aimawi hã ai'ra 'maihâimana õ di duré. Tawamhã Zésé ma ãma sada'â ãne: — Iré hã danhobabati hã. Tane nherẽ, a'ubuni wi te ta hã pone'ẽrebâ hã te te 're ab'madâ'â. Tawamhã te Samuéu tãma tinha, ãne: — Ma'ãpé sô da'mazatõrĩ, we da te saprõni da. We wisi õ nherẽ, wasaihuri da, a'â wasi'ubumroi õ di za.