Ezodu 24:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Mozési ma tô mo, Uburé Danhib'apito mreme uburé isimiroti hã te te dama waihu'u da. Tahawa, Izaraéu nhihudu norĩ, ma tô simisutu uburé ãma sada'âbâ za'ra ãne: — Uburé wa za 'manharĩ za'ra ni, Uburé Danhib'apito marĩ te te wama iwaihu'u za'ra zé hã.

Ezodu 24:3 ပူးပေါင်းရင်းမြစ်များ

Ezodu 19:8

Tawamhã uburé ma tô aiwapsi ãma sada'âbâ za'ra ni ãne: — Uburé Danhib'apito te te iwaihu'uzé hã, wa za tô wasiwi 'manharĩ ni uburé. Tawamhã Mozési, da te ãma isada'âbâ za'ra zém na hã, ma tô Uburé Danhib'apito ma hã ãma tãma siri apâ.

Ezodu 24:2

Mozési, aiwétési te za 'râwimhã ĩtẽmemhã aiwi; asiré norĩ hã mare di za. Duré a'uwẽ norĩ te te asiré hã sai'uri za'ra õ di za, ẽtẽ na hã.

Ezodu 24:7

Taha pari, Uburé Danhib'apito tinhib'a'uwẽ norĩ me isisaze za'ra zém na ibaihâ nhisi ma tô ti'â, isimiroti na rob'ui'éré ré hã. Te te âri wamhã, mreme 'rãihâ sina te dama sõré. Tawamhã te ãne nharĩ za'ra ni: — Uburé Danhib'apito mreme hã wa za wa te 're wapari pese za'ra za. Wa za uburé wa te 're 'manharĩ za'ra, te te wama i'ru za'ra zé hã.

Zozué 24:21

Tawamhã a'uwẽ norĩ ma tô ãne ãma sada'âbâ za'ra: — E niha hã. Ãne hã romhâimana õ di za! Wa tô wasima wẽ za'ra ni, 'Re ihâimana u'âsi mono, Uburé Danhib'apito ãma si 're wanomro mono da.

Zozué 24:22

Tahawa te Zozué, duré ãne tãma nharĩ za'ra: — Asisõ'a za'ra wa'aba ma tô 'râwi asima ipisutu za'ra wa'wa, Uburé Danhib'apito ãma 're anomro aba mono da hã. — Ĩhe, wa norĩ hã wa tô wasisõ'a wasima pisutu za'ra ni! — Ãne ma tô ãma tãma wa'rãmi za'ra.

Zozué 24:24

Tawamhã Zozuéhé ma, a'uwẽ norĩ hã ma ãma tãma wa'rãmi za'ra ãne: — Uburé Danhib'apito, wate 'Re ihâimana u'âsi mono ãma wa za 're wanomro. Wa za duré isimiroti si wa te 're wapari pese za'ra.