Ezodu 2:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã ai'uté hidiba te ãma sadanha, apito Fara'oho 'ra hã ãne: — E asima wẽ õ di, Izaraéu nhihudu nhipi'õ zô aima ĩmorĩ da hã, te te aima 'maiwapsõmri da, duré te te a'â aima 'maiprédub da.

Ezodu 2:7 ပူးပေါင်းရင်းမြစ်များ

Ezodu 15:20

Tawamhã 'Re ihâimana u'âsi mono zadawa 'mahârâ'wa sipi'õ Miriã, Arãhã hidiba hã ropta'azé tamborĩ na isisi hã ma tô ti'â. Te te âri wamhã, ma tô uburé pi'õ norĩ hã isiré ai'aba'ré, te te ropta'a za'ra mono sina, duré iré siwapsisi mono sina.

Ezodu 2:4

Tahawa, te 'watébrémi hidiba romhâ hawi 'madâ, niha marĩ tãma ihâimana zô.

Ezodu 2:6

Tawamhã Apito Fara'oho 'ra, ma isidâzé sa'o. Te te sa'o wamhã, ma tô ai'utére hã 'madâ, wawai ré. Tahawa ma tô ãma tipẽ'ẽzé. Tawamhã te tinha ãne: — Ã hã 'watébrémi, Izaraéu nhihudu 'ra.

Ezodu 2:8

Tawamhã ma te ãma sada'â ãne: — Ma'ãpé, sô aimorĩ, we 'mazaprõni da. Tawamhã azarudu ai'uté hidiba ma tô sô mo. Tahawa, ai'uté 'watébrémi na uptabi hã ma tô itẽmemhã saprõ, apito 'ra u.