Ezodu 2:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Apito Fara'oho 'ra, ma isidâzé sa'o. Te te sa'o wamhã, ma tô ai'utére hã 'madâ, wawai ré. Tahawa ma tô ãma tipẽ'ẽzé. Tawamhã te tinha ãne: — Ã hã 'watébrémi, Izaraéu nhihudu 'ra.

Ezodu 2:6 ပူးပေါင်းရင်းမြစ်များ

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Ezodu 1:22

Tahawa, apito Fara'o tinhib'a'uwẽ norĩ ma, ma tô ãne tãma roti za'ra: — Ma'ãpé asiwi ĩwapari aba! Izaraéu nhihudu norĩ 'watébrémi na 're poto za'ra mono wamhã, te za â 're isãmra aba mo, Nilu na pa nho'õmo nhisi ãma. Tane nherẽ, pi'õ na 're ipoto za'ra mono si, te za wẽ na 're prédub za'ra za.

Ezodu 2:5

Tawamhã Apito Fara'oho 'ra sipi'õ te âi ba mo, si'upte da. Taha ré, tãma romhuri'wa norĩ sipi'õ te âibabamhã 're nomro. Tawamhã si'õno 'rõ'rõ wazari 're iwara hã ma tô tisã, Apito Fara'oho 'ra hã. Te te sãmri wi, ma tô tãma iromhuri'wa norĩ ma 'ru za'ra, sô 'maimorĩ da.

Ezodu 2:7

Tawamhã ai'uté hidiba te ãma sadanha, apito Fara'oho 'ra hã ãne: — E asima wẽ õ di, Izaraéu nhihudu nhipi'õ zô aima ĩmorĩ da hã, te te aima 'maiwapsõmri da, duré te te a'â aima 'maiprédub da.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:21

Tawamhã 'ri nhiti ma tô ina hã tihi. Tahawa, apito Fara'oho 'ra sipi'õ hã ma tô ãma ti'ra, Mozésihi ãma. Ti'ra uptabi newa, ma tô prédu.

1 Pedru 3:8

Ĩmreme na wa za oto aima 'rãsutu za'ra wa'wa. Asimirosa'rata wẽ na te za aihĩni 're asisazei pese za'ra wa'aba mo. Duré dapẽ'ẽzé zarina da te 're robzépata za'ra mono wamhã, te za dasiré aipẽ hã 're isépata za'ra wa'aba mo, aipẽ'ẽzé sina. Duré uburé marĩ wẽ na dama 're rowẽ za'ra mono wa, 're dato za'ra mono wamhã, te za duré dasiré 're ato za'ra wa'aba mo. Te za duré 're asisawi pese za'ra wa'aba mo. Asima aipire na 're aihâimana za'ra wa'aba mono õ di za.