Ezodu 2:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Apito Fara'oho 'ra sipi'õ te âi ba mo, si'upte da. Taha ré, tãma romhuri'wa norĩ sipi'õ te âibabamhã 're nomro. Tawamhã si'õno 'rõ'rõ wazari 're iwara hã ma tô tisã, Apito Fara'oho 'ra hã. Te te sãmri wi, ma tô tãma iromhuri'wa norĩ ma 'ru za'ra, sô 'maimorĩ da.

Ezodu 2:5 ပူးပေါင်းရင်းမြစ်များ

Ezodu 2:6

Tawamhã Apito Fara'oho 'ra, ma isidâzé sa'o. Te te sa'o wamhã, ma tô ai'utére hã 'madâ, wawai ré. Tahawa ma tô ãma tipẽ'ẽzé. Tawamhã te tinha ãne: — Ã hã 'watébrémi, Izaraéu nhihudu 'ra.

Ezodu 7:15

Tahawa asõtõ hâ na za, mararé awẽ wi apito Fara'oho tẽme aimorĩ da, Nilu na panho'õmo nhisi u morĩ ré. Tawamhã te za asiwã isiwahi hã asiré i'â, iré sô asimipari da, pazaihâ na hã.

Ezodu 8:20

Tawamhã Uburé Danhib'apito, Mozésihi ma, te tinha ãne: — Awẽ mararé, apito padawa u morĩ wamhã isõ'rãmi aimorĩ, wa hã Uburé Danhib'apito ãne na te ĩnharĩzém na tãma ĩzadawa wasu'u da: “Ĩnhib'a'uwẽ norĩ ma, ti'ai wa'õtõ nho'õmo hawi wairébé da hã te za tãma iwaprosi su'u za'ra, ĩ'ãma 're wata za'ra mono da.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Zona 1:17

Tawamhã Uburé Danhib'apito hã ma tô tebe hã isa'ẽtẽ ma ti'ru, Zona te te sõmri da hã, hâiba wahuré. Tame, te si'ubdatõ bâtâ 're duré si'ubdatõ mara na, tepe za'ẽtẽ waihõ 'remhã tihâiba.

Zona 2:10

Tawamhã Uburé Danhib'apito hã te tinha, tepe za'ẽtẽ ma, Zonahã na so'o'o da, supara'ré ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:21

Tawamhã 'ri nhiti ma tô ina hã tihi. Tahawa, apito Fara'oho 'ra sipi'õ hã ma tô ãma ti'ra, Mozésihi ãma. Ti'ra uptabi newa, ma tô prédu.