Ezodu 2:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã 'watébrémi oto prédu wamhã, ma tô apito 'ra u oto saprõ, te te ãma tãma irotizéb zarina te te tãma sõmri da oto. Tahawa, ma tô ãma ti'ra oto, ti'ra uptabi nai õ nherẽ. Ma tô sisi, Mozési na. Tawamhã te sima tinha ãne: — Wa hã wa tô â hawimhã waze, ai'utére hã. Tahawa, wa tô sisi, Mozési na.

Ezodu 2:10 ပူးပေါင်းရင်းမြစ်များ

Zenezi 16:11

Ma tô, tô aiwasã, ai'ra aima hâimana da hã. Tahawa, te za isisi, Ismaeu na. E marĩ wa. Uburé Danhib'apito, robzépata wa, 're i'asadari mono zé te te wapari wa.

Zenezi 4:25

Tawamhã Adã norĩ imro me, ma tô duré i'ra hã tãma ti'maipoto zahuré. Tahawa te ãne tinha imro pi'õ hã: — 'Re ihâimana u'âsi mono, Abéu nhowa're'remhã ma tô duré ĩ'ra hã ĩma tisõ, Caĩ te te ĩwĩrĩ nhibrob're ĩma 're ihâimana mono da hã. Tawamhã ta hã ma tô sisi, Seti na.

Zenezi 48:5

Tawamhã Zaco ma duré timreme na Zuzéhé ma, ãma uzusi ãne: — Ai'ra Efraĩ norĩ hã, Manaséhé me we ãwa ĩmorĩ wana ré, Ezitu 're ãme ipoto zahuré hã, te za ĩte na ĩma 're hâimana zahuré. Ĩte uptabi na hã te za ĩma 're hâimana zahuré, Rubẽ norĩ, Simiãhã me, ĩte na ĩma 're ihâimana zahuré mono ne.

Ezodu 2:9

Tawamhã apito Fara'oho 'ra te ai'uté na uptabi ma tinha ãne: — Ai'uté 'watébrémi hã ma'ãpé ãma subzari, ĩma warahu da a'â. Tawamhã wa hã wa za iwarahuzém na asimiromhuri hã aima wa'â. Tawamhã ma tô ina hã subza apâ, tinhorõwa u. Duré ma tô warahu oto, apito 'ra ma.

Mateu 1:21

I'ra hã 'watébrémi na te za tãma podo. Tawamhã Zezusi na te za isisi. Danho'reptui'wa te wasu'u, isisi hã. Taha si te za tinhib'a'uwẽ hã te te 're anho'reptu, iwasété hawi, duré 'Re ihâimana u'âsi mono te te 're idahâ za'ra mono zém hawi.

Galata 4:5

E marĩ da, ma tô ti'ra hã we satõ, 'Re ihâimana u'âsi mono hã. Wanho'reptuzé hã wa te wasina 're uwaimrami za'ra mono da, isimiroti na rob'ui'éré 'rata zarina, wa te 're irob'manharĩ za'ra mono na 're iwanhopré za'ra mono norĩ hã te te wa'awa'âbâ da, ma tô we satõ, wa'ãma 're 'ra za'ra mono da oto, 'Re ihâimana u'âsi mono hã.

Hebreu 11:24

Mozési hã prédu wamhã, 'Re ihâimana u'âsi mono si te te sina 're i'umnhasi mono zéb zarina, ma tô dawi sisawi, Ezitu ãma apito Fara'oho 'ra sipi'õi 'ra na da te dasima 're wasu'u za'ra mono tõ da, pi'õ te te iprédum na hã.

1 Zuwã 3:1

Ma'ãpé, ãma aipo're pu'u za'ra wa'aba. Wamama 'Re ihâimana u'âsi mono hã, tô sena te te 're wa'azawi pese uptabi. Te te 're wa'azawi pese mono wa, te ti'ra na te te 're wa'anhisi. Tahawa, tô sena, wa oto i'ra na hã 're wahâimana za'ra, isazei'wai mono bâ. Dapo're'õ u'âsi 're idanomro mono norĩ hã, Wamama hã te te siwi 're waihu'u za'ra mono õ wa, wa norĩ zama i'ra na te te duré siwi 're wawaihu'u za'ra mono õ di, ta norĩ hã.

1 Samuéu 1:20

Tahawa, ma tô oto tiwasã Ãna hã. Duré za tãma ipotozé bâtâ uwaibaba ma te tãma podo. Tawamhã ma tô sisi ina hã, Samuéu na. Tahawa, te ãne ãma rowasu'u: — Wa hã ã hã ĩ'ra, te tiwi iwaptẽrẽ, Uburé Danhib'apito wi.