Ezodu 18:3 - ꞌRe Ihâimana Uꞌâsi Mono Zadawa Wasuꞌu

³ Isisi hã Gésõ na. E marĩ wa. Mozési hã te te nharĩ wa ãne: “Wa hã, wa tô wasiré a'uwẽ'õ norĩ nhipti'ai ãma 're ĩhâimana.”

Ezodu 18:3 ပူးပေါင်းရင်းမြစ်များ

Ezodu 2:22

Tawamhã oto 'ra wamhã, ma tô sisi Mozési hã, Gésõ na. Te te sisi wamhã, ãne te tinha: — Wa hã ĩsiré a'uwẽ'õ nhipti'ai ãma wa oto 're ĩhâimana.

Ezodu 4:20

Tawamhã Mozési, timro, ti'ra norĩ me ma tô awaru po're pore ba nhisiwimhã sõré. Tahawa ma tô Midiã na romnhisi hawimhã oto apâ Ezitu u hã sina siri. Tawamhã 'Re ihâimana u'âsi mono te na tisiwazusizé te tinhib'ratamhã siré ti'â.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:29

Tawamhã imreme hã te te wapari wamhã, ma tô Ezitu hawi aimani Mozési hã, Midiã na romnhisi u, tame 're hâimana mono da oto. Tame ma timro. I'ra maparane oto, aibâ norĩ hã.

Hebreu 11:13

à norĩ hã 'Re ihâimana u'âsi mono te te sina 're umnhasi za'ra mono ré, 're dâ'â za'ra mono nherẽ, 'Re ihâimana u'âsi mono te te tãma iropisutu za'ra zé hã te te sima 're waibui mono õ di ta norĩ hã, ti'ai ãma hâiba ré 're hâimana za'ra mono ré hã. Tane nherẽ, 'Re ihâimana u'âsi mono te te tãma iropisutu za'ra zé hã romhâ na uptabi na za te te tãma ãma i'uwaimrami za'ra na, sena na te te 're waihu'u za'ra mono wa, ma tô ãma 're to za'ra ta norĩ hã, ti'ai ãma 're nomro mono ré. Ma tô duré sõ'awi dama 're siwasu'u za'ra, ti'ai ãma dasiré 're ihâimana uptabi za'ra mono õ na hã.

1 Pedru 2:11

Ĩsisãnawã norĩ, ĩma asawi pese za'ra wa'aba norĩ hã, darom nhiti 're idahâimana za'ra mono ne, te 're aihâimana za'ra wa'aba mo, ti'ab ré. Tahawa, marĩ wasété na 'râwi asima 're rosa'rata za'ra wa'aba mono õ di za, asimirosa'rata wasété zarina 're 'manharĩ za'ra wa'aba mono tõ da, aiwasété 'wa hã.

Zuize 18:30

Tawamhã Dãhã nhihudu aibâ norĩ ma tô romhâibarĩ hã oto sima sãrĩ za'ra, hâiwi sab da, ãma 're iwata za'ra mono zéb da hã. Tawamhã duré Zonata, Gésõhõ 'ra, Mozésihi nhihudu ma tô sasedoti na Dãhã nhihudu norĩ ma tãma 're hâimana za'ra. Ta hã isihudu norĩ me ma tô Dãhã nhihudu norĩ ma sasedoti na hã te te tãma 're romhuri za'ra, ãma danhib'a'uwẽ za'ra da, da te waibui wa, isipti'a za'ra hawi da te isimroi mono zéb u.