Ezodu 17:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa, Mozési te Uburé Danhib'apito wi hã rowaptẽ ãne: — E marĩ, wa za ã hã a'uwẽ norĩ ma hã 'manha. Te za ĩ'ãma sima rosa'rata za'ra, ẽtẽ na te te siwi ĩwĩrĩ da hã.

Ezodu 17:4 ပူးပေါင်းရင်းမြစ်များ

Ezodu 14:15

Tawamhã Uburé Danhib'apito, te Mozésihi ma tinha ãne: — E marĩ da, ma tô te i'aipawaptobzé hã ĩwi iwaptẽ. Ma'ãpé dama nharĩ za'ra na 'ri awã tétézé da te sani za'ra da, taha pari duré oto dasisarina si dasi'aba'ré da.

Ezodu 15:25

Tawamhã Mozési, mreme 'rãihâ na Uburé Danhib'apito wi te te rowaptẽrẽ wa, ma tô wedehu waré wa'õno hã tãma hâi'ré. Ta hã âi ba te te mei wamhã, ma tô â te te i'âhuri da hã oto tãma sihiri wẽ za'ra. Ã hã rob ãma, ma tô Uburé Danhib'apito hã Izaraéu nhihudu norĩ ma, tinhimiroti hã tãma sõmri za'ra. Tame ma duré oto pibu za'ra.

Zuwã 10:31

Tawamhã ta norĩ hã ma duré ẽne hã sada waibu, te te ãma siwi wĩrĩ da.

Zuwã 8:59

Tawamhã te te sadawa 'ru za'ra wa, ma ẽne hã pa pâ sada waibu za'ra, te te siwi ãma wĩrĩ da. Tane nherẽ, te te siwi wĩrĩ õ di, rob u watobro da, tiwi si'wahi za'ra wa, 'ri 'wawi wa'ra hawimhã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:19

Tawamhã zudeu norĩ hã Ãtioquia hawi te ai'aba'ré, Paulu norĩ zarina, Iconizu hawib zama. Sihutu wamhã, ma tô ãma dawada'uri wasété za'ra, aihĩni sada danhiti'ru za'ra da. Tawamhã ma tô ãma tasisaze za'ra ni. Tahawa, ẽtẽ na ma tô dasiwi hâ ni, Paulu hã da te dasiwi wĩrĩ da. Tawamhã dâ'â newa, ma tô ãma rosa'rata za'ra ni. Tahawa, ma tô da te ãma robâdâ, 'ri ahâ nhiti.

1 Samuéu 30:6

Tawamhã Dawihi ma hã ropire uptabi di. E marĩ wa. Ite aibâ norĩ hã 'ra ãna oto hâimana za'ra wa, ma te oto isé pire hã sô tiwatobro za'ra. Tahawa, Dawi hã ẽtẽ na te te siwi wĩrĩ da te ãma sima robzanhamri pibu za'ra. Tane nherẽ, ma tô Uburé Danhib'apito ite 'Re ihâimana u'âsi mono nhimipawaptobzém na hã ipẽ'ẽ 'remhã aptete.