Ezodu 17:3 - ꞌRe Ihâimana Uꞌâsi Mono Zadawa Wasuꞌu

³ Tane nherẽ, 'rubu na dahâimana za'ra wa, ma tô dasiwapsari na hã ãma uzusi za'ra ni. Tahawa, Mozésihi da, dahâimana za'ra wa, te sa'ẽtẽ nasi dasiwi 'mahârâ ni. Ãne te tãma nharĩ za'ra ni: — E marĩ da, ma tô Ezitu hawimhã we iwa'awaze bété. E 'rubu na taré wanhimro da bété, duré wa'ra norĩ zama taré wazu ãma simro da, duré wanhimizama norĩ zama taré wazu ãma simro da.

Ezodu 17:3 ပူးပေါင်းရင်းမြစ်များ

Neemia 9:15

Izaraéu nhihudu norĩ, mram na 're hâimana za'ra mono ré hã, ma tô i'u'ẽtẽ wapu hâiwa hawimhã tãma 're isõmri za'ra mo. Duré 'rubu na 're hâimana za'ra mono wamhã, ma tô ẽtẽ tõmo wawẽ hawimhã â hã tãma ipu'u za'ra. Duré ti'a, õ norĩ ma, sõmri da, tãma iropisutu za'ra zéb zarina, ma tô tãma i'ru za'ra, te te siwi âri da hã oto.

Neemia 9:20

Ma tô Aipẽ'ẽzani iwẽ hã tãma isõmri za'ra, niha na marĩ te te 're i'manharĩ za'ra mono zém na, te te ãma tãma 're irowasu'u za'ra mono da hã. Hâiwa hawi mana na ma tô duré i'asaihu. Ma tô duré â hã tãma ipu'u za'ra, 'rubu ãma tãma wĩrĩ za'ra da hã.

Ezodu 12:38

Tawamhã Izaraéu nhihudu norĩ oto wairébé wamhã, ma tô ni'wam norĩ hã Izaraéu nhihudu õ norĩ hã dazu wairé. Ma tô duré tinhimizama hã te te siré simro, Izaraéu nhihudu norĩ hã. Simizama ahâ uptabi za'ra di, pone'ẽrebâ norĩ na hã, pone'ẽrebâ zéré uzé norĩ na hã, duré powawẽ norĩ na hã.

Ezodu 14:11

Tahawa, ma tô Mozésihi ma nharĩ za'ra ãne: — E Ezitu ãma da te 're idanheme mono zé ab're hâimana ã bâ, ma tô rop si 're irosa'wari mono ãma wasi'utõrĩ da, we ãwamhã bété iwanhimroi mo. E marĩ ma tô wama i'manharĩ za'ra, we iwazani za'ra zém na hã.

Ezodu 15:24

Tahawa, Mozésihi ma, dasiwapsari za'ra wa, ma tô ãne dasiwi sadanharĩ ni: — E marĩ wa za âhuri ni.