Ezodu 17:2 - ꞌRe Ihâimana Uꞌâsi Mono Zadawa Wasuꞌu

² Tahawa, Mozésihi zada hâimana za'ra wa, tãma siwapsari za'ra wamhã, ma tô ãne tãma nharĩ za'ra: — Â hã ma'ãpé wama sõmri za'ra na, wa te i'âhuri da hã. Tawamhã Mozési, ma ãma sada'âbâ za'ra ãne: — E marĩ wa, te ĩma aiwapsari za'ra wa'wa. Duré e marĩ da, te Uburé Danhib'apito hã niha marĩ te te i'manharĩzéb zô asiwi isib'raptẽrẽ 'wa.

Ezodu 17:2 ပူးပေါင်းရင်းမြစ်များ

Salmu 78:18

Tahawa, niha na rosa'rada sihawim na te te sima i'manharĩ za'ra zarina, ma tô 'Re ihâimana u'âsi mono hã niha zô sina te te 're pibu za'ra, dasa te te tiwi 're iwaptẽrẽ za'ra mono na.

Salmu 78:41

Tinhimi'manharĩ wasété zém na te te nasi ãma isisiwi za'ra zarina, ma tô 'Re ihâimana u'âsi mono hã siwaihu'u za'ra ãna taha na nasi ãma siwi pibu. Taha zarina ma tô duré 'Re ihâimana u'âsi mono, Izaraéu nhihudu norĩ ma, marĩ iwasédé, ãma 're ihâimana mono õ, iwẽ uptabi wi, nasi ãma tiwi robzei'õ zani za'ra.

Salmu 78:56

Tane nherẽ, Izaraéu nhihudu norĩ, 'Re ihâimana u'âsi mono danhipai u 're isãmra mono wi ma tô tiwi aipizari za'ra. Ma tô duré 'Re ihâimana u'âsi mono hã sihâimana waihu'u za'ra ãna sina siwi pibu. Tahawa, isimiroti hã te te 're wapari za'ra mono õ wa,

Salmu 95:8

“Aipẽ'ẽ tete na 're aihâimana za'ra wa'aba mono õ di za, aihi'rata norĩ Meriba na romnhisi, Masa na isisi amoi ãma ihâimana za'ra sine hã, ropsi 're iropsisa'wari mono wa.

Salmu 95:9

Tame ma tô ta norĩ hã siwi ĩpibu. Ĩzada ma tô duré tihâimana za'ra, uburé marĩ te tãma 're i'manharĩ za'ra mono zé hã te te siwi 're 'madâ'â mono nherẽ.

Ezodu 15:24

Tahawa, Mozésihi ma, dasiwapsari za'ra wa, ma tô ãne dasiwi sadanharĩ ni: — E marĩ wa za âhuri ni.

Ezodu 16:8

Tawamhã te zahadu Mozési dama tinha ãne: — Uburé Danhib'apito, te za hâiwahâ sidâpâsi romnhi 're ihuri aba mono da hã te te aima 're sõmri za'ra wa'wa, duré mararé sidâpâsi i'u'ẽtẽ wapu asima iwẽ na 're ihuri aba mono da zama. E marĩ wa. Uburé Danhib'apito zada, aihâimana za'ra wa'aba wa, i'aiwapsari za'ra wa'aba zé hã te te wapari wa. Wazada hã aihâimana za'ra wa'aba õ di. Õhõ zada aihâimana za'ra wa'aba wa, ma tô tãma aiwapsari za'ra wa'wa. E marĩ 'manharĩ'wa pâ bété wa norĩ hã wama i'aiwapsari za'ra wa'aba da hã.

Ezodu 17:7

Tahawa, Mozési, ã hã ro hã ma tô sisi ãne, isisi maparane 're hâimana mono da, Masa na duré Meriba na. E marĩ wa. Izaraéu nhihudu norĩ hã, Mozésihi ma siwapsari za'ra wa, duré Uburé Danhib'apito hã niha marĩ te te i'manharĩzéb zô te te siwi pibui wa, te te ãne siwi sadanharĩ wa: — Wanhib'apito, e te wasiré aihâimana za'ra. E mare di.

Ezodu 5:21

Tahawa, ma tô tãma nharĩ zahuré ni duré ãne: — Uburé Danhib'apito, marĩ i'manharĩ aba zé hã ma tô 'madâ. Tahawa te za duré ai'ahâri 'wa. Ai'u'âbâ wa'aba ma tô apito hã duré tãma romhuri'wa norĩ zama wazada tinhiti'ru za'ra. A norĩ wa'wa ma tô isimirosa'rata wasété za'ra hã wazada tãma isõmri 'wa, te te wa'uprosi da.

Mateu 4:7

Tawamhã Zezusi hã te asa tãma tinha: — Mare di. “Asib'apito za'ra wa'wa hã, 'Re ihâimana u'âsi mono hã marĩ hã te te aima 're pisutu za'ra wa'aba mono õ nherẽ, 're pibu za'ra wa'aba mono õ di za, te te 're aipawaptob za'ra wa'aba mono zô.” Ãne duré imreme na rob'ui'éré, ibaihâ na hã.

Luca 15:12

Tawamhã te bâtâ na ino hã timama wi waptẽ, tinhibrom na ãma tãma siwanhizari zahuré da. — Tahawa, ma imama hã ãma tãma aipo'o zahuré.

Luca 4:12

Tawamhã Zezusi te asa tãma tinha, ãne: — Mare di. “Asib'apito za'ra wa'wa hã 'Re ihâimana u'âsi mono hã, marĩ hã te te aima 're pisutu za'ra wa'aba mono õ nherẽ, 're pibu za'ra wa'aba mono õ di za, ta hã te te 're aipawaptob za'ra wa'aba mono zô.” Ãne imreme na rob'ui'éré hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:10

E marĩ da, ma tô bété asima iwẽ za'ra wa'wa, 'Re ihâimana u'âsi mono hã pibu za'ra wa'aba da, niha te te aima irob'manharĩ za'ra wa'aba õ zéb zô. 'Re ihâimana u'âsi mono nhimiroti 'rata na Mozési te te ãma irob'ui'éré hã wa te tãma ãma 're uwaimrami waihu'u za'ra mono õ di, taha zarina 're iwasisõ'reptu za'ra mono da hã. Wahi'rata norĩ zama te te duré tãma ãma 're uwaimrami waihu'u za'ra mono õ di. Tahawa, e marĩ da, wa za bété wasiré isazei'wa norĩ ma, wa te 're roti za'ra, Mozésihi nhimi'ui'éré zarina 're nomro mono da, zudeu'õ nherẽ. Ni'wa hã marĩ ipire uptabi hã te te danhoihi waptob ãna, te te dama isibu 'rãihâ ne, ma tô a norĩ wa'wa hã ipire uptabi hã tãma ipisutu za'ra wa'wa, zudeu'õ isazei'wa norĩ ma hã. Tane nherẽ, tinhoprubzém na si ma tô Wanhib'apito Zezusi hã te te 're wa'anho'reptu. Õhõ na si te duré ta norĩ zama te te 're anho'reptu, zudeu'õ norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:9

Tawamhã Pedru te tãma tinha, ãne: — Te asima irosa'rata wasété 'wa, 'Re ihâimana u'âsi mono pẽ'ẽzani hã tô sena iwaihu'u pese zô pibui wa'aba da. E marĩ da, ma bété ãne hã i'manharĩ 'wa. Ma'ãpé, wapari. Aimro nherẽ'wa norĩ hã te we para'rasi za'ra. Ta norĩ hã te za siwi ai'â.

1 Corĩtu 10:9

Ta norĩ hã ma tô duré tiwasédé hã 'manharĩ za'ra, 'Re ihâimana u'âsi mono hã niha te te tãma rob'manharĩ za'ra õ zô, te te pibu za'ra da. Ãne 'ru te, ma tô duré wahi nhipsari na hã da'ahâ na da'uprosi, 'Re ihâimana u'âsi mono hã. Ãne na hã wa norĩ zama, wa te 're pibu za'ra mono õ di za, Wanhib'apito hã, wawasédé wa te 're 'manharĩ za'ra mono nherẽ, niha te te wama 're arob'manharĩ mono õ zô.

Hebreu 3:9

Ãne duré, 'Re ihâimana u'âsi mono mreme na rob'ui'éré hã: “Aihi'rata norĩ hã ma tô siwi ĩpibu, ãma ĩwa'a su'u za'ra õ zarina, niha te tãma rob'manharĩ za'ra õ zô pé, 40 na ãma wahub za'ra ré, marĩ iwẽ na si te 're pawaptob u'âsi za'ra mono nherẽ.

1 Samuéu 8:6

Tane nherẽ, Samuéu ma hã wẽ õ di, te te tiwi iwaptẽrẽ za'ra zé hã. Tahawa, ma tô tãma mre, Uburé Danhib'apito ma.