Ezodu 16:3 - ꞌRe Ihâimana Uꞌâsi Mono Zadawa Wasuꞌu3 ma tô ãne tãma nharĩ zahuré ni: — Ezitu ãma, Uburé Danhib'apito te te wa'uprosi 'wa'âhã, aré tô iwẽ! Tamemhã wa wazahâ na 're wasi'ubumro, romnhi duré aimawi dasa hã wasima iwẽ na wa te 're huri mono da hã. Tane nherẽ, a norĩ wa'wa, ã hã rop si 're irosa'wari mono u hã ma tô we iwanhimroi wa'aba mo, ã hã uburé norĩ hã mram na si uprosi aba da. အခန်းကိုကြည့်ပါ။ |
Tane nherẽ, 'rubu na dahâimana za'ra wa, ma tô dasiwapsari na hã ãma uzusi za'ra ni. Tahawa, Mozésihi da, dahâimana za'ra wa, te sa'ẽtẽ nasi dasiwi 'mahârâ ni. Ãne te tãma nharĩ za'ra ni: — E marĩ da, ma tô Ezitu hawimhã we iwa'awaze bété. E 'rubu na taré wanhimro da bété, duré wa'ra norĩ zama taré wazu ãma simro da, duré wanhimizama norĩ zama taré wazu ãma simro da.
Tawamhã ãma wahub ahâ pari, ma tô Ezitu te apito hã dârâ. Tane nherẽ, te i'uirĩ na zahadu Izaraéu nhihudu norĩ hã te te 're robzépata za'ra, ezipsiu norĩ te te 're iwada'uri pese za'ra mono zéb zarina. Tahawa te mreme 'rãihâ na 'Re ihâimana u'âsi mono wi, te te 're rowaptẽrẽ za'ra, te te 're pawaptob za'ra mono da hã. Tahawa, ma tô isimirowaptẽrẽ za'ra zé hã itẽmemhã 're simasisi, 'Re ihâimana u'âsi mono u.
Tahawa, ma tô tãma nharĩ zahuré ni duré ãne: — Uburé Danhib'apito, marĩ i'manharĩ aba zé hã ma tô 'madâ. Tahawa te za duré ai'ahâri 'wa. Ai'u'âbâ wa'aba ma tô apito hã duré tãma romhuri'wa norĩ zama wazada tinhiti'ru za'ra. A norĩ wa'wa ma tô isimirosa'rata wasété za'ra hã wazada tãma isõmri 'wa, te te wa'uprosi da.
Tawamhã Paulu te asa duré tãma tinha, ãne: — Ĩmreme 'rutu na niha wamhã, ĩmreme pa na te aima rowasu'u wamhã, tô marĩ õ di. Ãhã si ipire hã, ĩsine 're isazei pese mono da hã. Taha da, wa 'Re ihâimana u'âsi mono ma ai'ãma 're ĩmreme u'âsi, uburé ã bâtâ na ĩwapari'wa norĩ ãma zama, te ĩsima wẽ õ nherẽ, Cristu hã saze za'ra wa'aba 'ru te, ĩsine da te aipawasisi za'ra wa'aba da hã.
A norĩ wa'wa hã, 'Re ihâimana u'âsi mono, Tipẽ'ẽzani na rowẽ te te aima 're ipisutu za'ra wa'aba mono zô, aiwi sô 're irowaptâ'â za'ra wa'aba mono õ na, te 'râwi 're asi'madâ'â ze za'ra wa'aba mo, dasa hã da te 're huri mono wa, da te 're i'mahâpãrĩ pese za'ra mono ne. E ãne bâ, te 'râwi asi'ãma 're irosa'rata ze za'ra wa'aba mo. Danhibro pese wa, marĩ zô dawi 're irowaptâ'â za'ra mono õ ne, te asina 're aiwata za'ra wa'aba mo, 'Re ihâimana u'âsi mono, Tipẽ'ẽzani na rowẽ te te aima 're ipisutu za'ra wa'aba mono zô, aiwi 're rowaptâ'â za'ra wa'aba mono õ newa. Ti'ai ãma danhib'apito norĩ hã tinhib'a'uwẽ norĩ ma, pire na 're ihâimana za'ra mono ne, te asiré isazei'wa norĩ ma aipire na 're aihâimana za'ra wa'aba mono na 're asi'madâ'â ze za'ra wa'aba mo, wa norĩ hã 'Re ihâimana u'âsi mono zadawa 'mahârâ'wa norĩ hã danhib'apito norĩ ne wapire na 're wahâimana za'ra mono õ nherẽ. E ãne hã i'uwaibaba bâ. Wẽ di tô. Tane hã aima wẽ za'ra wa'aba ze te bâ, taha na si 're aihâimana za'ra wa'aba mono, aipire na isazei'wa norĩ ma ãma 're aihâimana za'ra wa'aba mono da. Niha hã 'wa'âhã, wa aré tô wa norĩ zama wapire na asiré 're wahâimana za'ra wa'wa, uburé isazei'wa norĩ ma hã.
Tahawa te Zozué tinha, ãne: — Uburé Danhib'apito, ĩte 'Re ihâimana u'âsi mono, e marĩ da, ma tô bété ã hã a'uwẽ panho'u Zodã pa na te te isaprĩ za'ra da hã isa'ré. E amoreu norĩ ma, wanhomri za'ra wa, duré ta norĩ hã te te siwi wanhimro da. E marĩ wa bété, Zodã pa zara niwĩmhã wahâimana u'âsi za'ra õ di.