Ezodu 14:3 - ꞌRe Ihâimana Uꞌâsi Mono Zadawa Wasuꞌu

³ Ãne wamhã, te za apito Fara'o ãma rosa'rata za'ra, Izaraéu nhihudu norĩ rop si 're irosa'wari mono te te tiwi romnhitob za'ra wa, siwa'ru 're inomro mono na hã.

Ezodu 14:3 ပူးပေါင်းရင်းမြစ်များ

Ezodu 14:2

— Ma'ãpé Izaraéu nhihudu norĩ apâ si'aba'ré da hã tãma nharĩ za'ra na, Pi-Hairote na 'ri wa'õtõ nhisi nho're te te duré sima 'ri nhoré za'ra da Baau-Zefõ 'rata, Migdo norĩ wa'wa Âpré na â poré nhisi me hã.

Ezodu 14:4

Wa hã wa za apito Fara'o pẽ'ẽ tete na hâimana da hã tãma 'manha, asarina za'ra wa'aba 're morĩ da a'â. Tane nherẽ, apito ãma duré ite dasi'wapéi 'manharĩ'wa norĩ ãma hã wa za ai'uté za'ra, ãne na ĩwaihu'u pese zé hã te tãma hâi'ré za'ra da. Ãhã wamhã, te za ezipsiu norĩ siwi ĩwaihu'u, wa hã Uburé Danhib'apito 're ĩhâimana mono na hã. Tawamhã Izaraéu nhihudu norĩ ma tô imreme zarina 'manharĩ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:28

A hã romhâ ré, ãma iropisutuzéb zarina ma tô si'uihâ na ãma siwi uwaimra tô, te te waihu'u za'ra õ nherẽ, Erodi norĩ hã.

Zuize 16:2

Tawamhã Gaza ãma 're idahâimana za'ra mono, ma tô siwi waihu'u, Sãsã õhõ 're, ihâimana na hã. Tahawa isãmrazé ma tô iré siwi uirĩ. Ma tô duré mara bâre sô mapari za'ra Sãsãhã zô, 'ri nho'õmo te 'ridawa za'ẽtẽ ãma. Duré ari'iwi pese ma tô sô tihâimana za'ra, te te ãne rosa'rata za'ra sina: — Awẽb u sô wanhimipari za'ra wa'aba. Tawamhã wa za wasiwi wĩrĩ ni za.

1 Samuéu 23:23

Tô sena ro isima'urizé hã asiwi upsibi mei wa'aba. Taha parimhã te za we apâ ĩtẽme ai'aba'réi wa'wa, õne haré. Tawapsi wa za wa hã oto aime ãma ĩmorĩ 'wa. Duré tô sena õme hâimana wapsi, wa za tô ti'â, uburé Zuda ãma ropâ te sô rowaimrami mono nherẽ.

1 Samuéu 23:7

Tawamhã Sau, Dawi hã Queira u imorĩzém na da te dasiwi po're pu'u wamhã, ma tô ãne tinha: — 'Re ihâimana u'âsi mono hã ma tô oto Dawi hã ĩnhib'rata ĩma tisõ. 'Ri'ahâ 'wawi wa'ra 'rãihâ ãma 'ridawa za'ẽne isitoptete u ma tô mo. Tahawa da te 're idawaibui waihu'u pese mono zéb u ma tô sisẽ.