Ezodu 13:9 - ꞌRe Ihâimana Uꞌâsi Mono Zadawa Wasuꞌu

⁹ Uburé Danhib'apito, tiwaihu'u pese na ma tô asani za'ra wa'wa, Ezitu hawimhã. Tahawa, ã hã dato hã ãma 're i'asipo're pu'u za'ra wa'aba mono zéb da hã, te za 're i'manharĩ za'ra wa'aba mo, dasipo're pu'uzéb da, marĩ hã danhimizu na, niha wamhã duré da'uihâ na da te 're iwasisi za'ra mono ne. Ãne wa, te za te te 're aipawaptob za'ra wa'wa, 're aipo're si'âri za'ra wa'aba mono ãna, asisõ'a aimreme 'rãihâ na ãma 're asiwapari za'ra wa'aba mono da, duré ãma 're romnhoré za'ra wa'aba mono da, 'Re ihâimana u'âsi mono nhimiroti na hã.

Ezodu 13:9 ပူးပေါင်းရင်းမြစ်များ

Neemia 1:10

— Wanhib'apito, ã norĩ hã aima romhuri'wa, asib'a'uwẽ norĩ. A hã ma tô ta norĩ hã isani za'ra, sito pese na 're isi'ubumroi mono zém hawi, aiwaihu'u pese na, duré asiptete na zama.

Salmu 89:13

E niha i'aipaihi nhiptete uptabi! Duré e niha i'asib'rata nhiptete uptabi!

Ezodu 12:14

Tawamhã taha bâtâ na te za ĩnhimi'manharĩzém na 're ato za'ra wa'aba mo, wahup sidâpâsi ãma 're asipo're pu'u u'âsi za'ra wa'aba mono da. Tawamhã ãne te za ãma asima 're iromhu'u u'âsi za'ra wa'aba mo, Pascowa na dasaihurizém nhisi na hã. Asihudu norĩ zama te za ai'uirĩ na za'ra wa'aba hã ãma 're toi u'âsi za'ra, ĩnhimihâzé te tãma iba'a za'ra zém na.

Ezodu 12:41

Tawamhã tô ta bâtâ na ãma iwahub za'ra hã waptã'ã wi, ma oto Ezitu hawi wairé, 'Re ihâimana u'âsi mono nhib'a'uwẽ norĩ hã, Zacoho 'ra norĩ nhihudu mono bâ.

Ezodu 13:14

Tawamhã niwa apto'oré ai'ra norĩ, marĩ te te iwasu'u na te te ãma 're asadanharĩ za'ra wa'aba mono wamhã, te za ãma 're isada'âbâ za'ra wa'aba mo, ãne: “Uburé Danhib'apito tiwaihu'u pese na ma tô Ezitu ãma wapawa'âbâ ãna wa te 're iromhuri za'ra mono zém hawimhã we wa'awaze.

Ezodu 13:16

à hã Uburé Danhib'apito tiwaihu'u pese na Ezitu hawi te te iwa'awazerezém na te za ãma 're i'asipo're pu'u u'âsi za'ra wa'aba mono zéb da hã aima 're hâimana za'ra wa'wa, asib'rata na, niha wamhã duré ai'uihâ na marĩ 're iwasisi za'ra wa'aba mono ne.”

Ezodu 13:3

Tawamhã Mozési hã ma tô dama rob'rãzarõtõ, ãne: — Ã bâtâ ãma 're aipo're si'âri za'ra wa'aba mono õ di za, Ezitu hawi i'aiwairébé aba zém na hã, aipawa'âbâ ãna aré dama 're iromhuri za'ra wa'aba mono zém hawimhã. Ã bâdâ hã Uburé Danhib'apito te te we i'asani za'ra wa'aba zé, tiwaihu'u pese na. Tahawa, i'u'ẽne iduptobzém na hã 're huri aba mono õ di za, datozé bâdâ 're ihâimana mono na hã.

Ezodu 3:20

Tahawa wa za ĩnhiptete na ezipsiu norĩ ma rob'manharĩ wasété za'ra, te ãma hâ za'ra da hã. Taha parip si, te za apito Ezitu hawi aiwairébé aba da hã aima waprosi za'ra wa'wa, azâmorĩ aba da oto.

Ezodu 7:4

Taha nherẽ, apito hã te te a'â aiwapari aba õ di za. Tawamhã wa hã wa za ĩnhimihâzém na hã azâ, ĩte Izaraéu nhihudu norĩ, Ezitu hawi te simroi mono da hã.

Provébiu 1:9

Ta norĩ nhimiroti hã te za 're i'aihâimana wẽ mono zéb da hã te te 're asiptete, marĩ i'madâ'â ze asõpre na isimnhatã ne, niha wamhã, asõ'rebzu iwẽ i'madâ'â ze, aibutu na isa'o ne.

Provébiu 3:21

Ĩ'ra, asimirowaihu'uzé iwẽ, duré ai'rãi waihu'u pe hã aipẽ'ẽ 'remhã asima 're tété mono. Niwamhã romhâ na aiwi 're hâimana mono tõ da hã, rẽme tõ.

Provébiu 7:23

Tãma isimimnha hã te te sina waihu'u ãna, te isarina mo, ti hã sa'rese ãna inomo wi te te isiptâ'â ne, duré si hã imramizéb u 're isisa'rei mono ne hã.

Daniéu 9:15

Uburé Danhib'apito, wate 'Re ihâimana u'âsi mono, a hã ma tô Ezitu hawi asib'a'uwẽ norĩ i'awazere na asiptede isa'ẽtẽ na 're i'aihâimana mono zé hã ihâi'ré. Tahawa, te duré asisi za'ẽne hã ãhã na zama zahadu 're hâimana u'âsi. Tane nherẽ, wawasédé, wa tô wa te 're 'manharĩ za'ra. Tahawa tô wa norĩ, aiwi i'upai'wa na wa tô 're wahâimana za'ra.

Zuéu 2:11

Uburé Danhib'apito hã te tite dasi'wapéi 'manharĩ'wa norĩ nho'remhã tãma rob'ru za'ra, mreme 'rãihâ na. Ite dasi'wapéi 'manharĩ'wa norĩ hã ahâ uptabi di. Duré sib'ru uptabi za'ra mono di. Uburé Danhib'apito nhibâdâ hã pipa uptabi di za. E 'wa hã tiwi siptete da bâ za bété niwamhã.

Mateu 23:5

Taré da te 're 'madâ'â wẽ za'ra mono da, te marĩ hã te te 're 'manharĩ za'ra, danho'a. Powawẽ hâ 'manharĩ hã 'Re ihâimana u'âsi mono nhimiroti ui'éré na ibaihâ nhemezébre hã isa'ẽtẽ uptabi na si te ãma 're si'uihâ wasisi za'ra, tipaihi wib zama, 're nomro wẽ mono newa, da te 're 'madâ'â wẽ za'ra mono da. Taha da, te duré ti'uza hâpa za'ru pa ré na 're si'uza za'ra.

Apocalipsi 18:8

Ãne te te nasi si'ãma nharĩ wa, te za niwapsi rob'manharĩ pipa hã bâtâ na õne haré sô watobro, dahâzé hã, duré dadâ'âzé hã, duré mra hã. Tawamhã uburé Danhib'apito uptabi, 'Re ihâimana u'âsi mono hã iwasédé te te ãma ihiri hã waihu'u pese uptabi wa, te za uprosi unhama na, pi'õ hã.

Zuize 2:12

Uburé Danhib'apito, tihi'rata norĩ te 'Re ihâimana u'âsi mono, Ezitu hawi te te isani za'ra na ãma 're iwata za'ra mono zém na hã, ma tô siwi tirẽ. Tahawa a'uwẽ iwaptoma ihâiba'õ norĩ ãma 're iwata za'ra mono zém na, ma tô oto dame ãma 're wata za'ra. Tawamhã ãne hã te te dame 're 'manharĩ za'ra mono wa, ma tô Uburé Danhib'apito sada 're siti'ru za'ra.