Ezodu 13:8 - ꞌRe Ihâimana Uꞌâsi Mono Zadawa Wasuꞌu

⁸ Ã bâtâ mono na hã te za ai'ra norĩ ma ãne na 're irowasu'u za'ra wa'aba mo: “Uburé Danhib'apito hã Ezitu hawi iwawairébézém na iwẽ hã te te wama i'manharĩ za'ra zéb zarina, wa ãne hã wa te 're 'manharĩ u'âsi za'ra, dato hã.” Ãne te za ai'ra norĩ ma, ãma 're irowasu'u u'âsi za'ra wa'aba mo.

Ezodu 13:8 ပူးပေါင်းရင်းမြစ်များ

Salmu 44:1

'Re ihâimana u'âsi mono, wahi'rata norĩ te te wama 're irob'rãzarõtõ za'ra mono wasu'u zé hã wa tô wapo're na wa te 're wapari za'ra, duréihã ta norĩ 're hâimana za'ra mono ré, uburé marĩ iwẽ 're i'a'manharĩ mono zém na hã.

Ezodu 10:2

Ta hã ãne na ĩnhimi'manharĩzé ai'ra norĩ ma zama 're wasu'u za'ra wa'aba mono da, duré asihudu norĩ wa'aba ma, ezipsiu norĩ simiza'rese'õ ne ihâimana za'ra zém na ĩnhimiromhõsi pipa te tãma ĩ'manharĩ za'ra zéb zarina. Ãne da, wa tô a'â wa hã nasi 'rãnhitob za'ra. Ãne zarina te za a norĩ wa'wa hã duré asiwi ĩwaihu'u 'wa, wa hã Uburé Danhib'apito na hã.

Ezodu 13:14

Tawamhã niwa apto'oré ai'ra norĩ, marĩ te te iwasu'u na te te ãma 're asadanharĩ za'ra wa'aba mono wamhã, te za ãma 're isada'âbâ za'ra wa'aba mo, ãne: “Uburé Danhib'apito tiwaihu'u pese na ma tô Ezitu ãma wapawa'âbâ ãna wa te 're iromhuri za'ra mono zém hawimhã we wa'awaze.

Éfézu 6:4

Damama norĩ, ai'ra ma hã 're 'manharĩ wasété za'ra wa'aba mono õ di za, asada 're sahi za'ra wa'aba mono tõ da. Te za asimiroti wẽ na si 're ipawapto wẽ za'ra wa'aba mo, Wanhib'apito nhimiroti zarina, ai'ra norĩ wa'wa hã 're nomro wẽ mono da.